പാക്കിസ്ഥാനെതിരായ ഡേ-നൈറ്റ് ടെസ്റ്റ് ഓസ്ട്രേലിയന് ഓപ്പണര് ഡേവിഡ് വാര്ണര്ക്ക് ട്രിപ്പിള് സെഞ്ചുറി
പാക്കിസ്ഥാനെതിരായ ഡേ-നൈറ്റ് ടെസ്റ്റ് ഓസ്ട്രേലിയന് ഓപ്പണര് ഡേവിഡ് വാര്ണര്ക്ക് ട്രിപ്പിള് സെഞ്ചുറി. ഡേ-നൈറ്റ് ടെസ്റ്റ് ചരിത്രത്തിലെ രണ്ടാം ട്രിപ്പിള് സെഞ്ചുറിയാണ് അഡ് ലെയ്ഡില് പിറന്നത്. വാര്ണറുടെ കരിയറിലെ ആദ്യ ട്രിപ്പിള് സെഞ്ചുറിയാണിത്. 389 പന്തില് 37 ബൗണ്ടറികളുടെ സഹായത്തോടെയാണ് വാര്ണര് ട്രിപ്പിള് തികച്ചത്. 2016ല് ഇംഗ്ലണ്ടിനെതിരേ ഇന്ത്യയുടെ കരുണ് നായരാണ് ടെസ്റ്റില് ഒടുവില് ട്രിപ്പിള് നേടിയത്. മൂന്ന് വര്ഷങ്ങള്ക്കിപ്പുറമാണ് മറ്റൊരു ട്രിപ്പിള് ടെസ്റ്റില് പിറക്കുന്നത്.
2012-ല് ഇന്ത്യയ്ക്കെതിരേ മൈക്കള് ക്ലാര്ക്കാണ് ഓസീസിനായി ഒടുവില് ട്രിപ്പിള് സെഞ്ചുറി എന്ന നേട്ടം സ്വന്തമാക്കിയത്. ട്രിപ്പിള് നേടുന്ന ഏഴാമത്തെ ഓസീസ് ബാറ്റ്സ്മാനാണ് വാര്ണര്. 300 റണ്സുമായി ക്രീസിലുള്ള വാര്ണറുടെ മികവില് ഓസീസ് ഒന്നാം ഇന്നിംഗ്സില് കൂറ്റന് സ്കോറിലേക്ക് കുതിക്കുകയാണ്. ഒടുവില് വിവരം ലഭിക്കുമ്പോള് 543/3 എന്ന നിലയിലാണ് ഓസീസ്. 26 റണ്സോടെ മാത്യൂ വേഡാണ് വാര്ണര്ക്ക് കൂട്ടായുള്ളത്.
https://www.facebook.com/Malayalivartha