ട്വന്റി20 ക്രിക്കറ്റ് ലോകകപ്പിലേക്കുള്ള മുന്നൊരുക്കമായി ഇന്ത്യ-വിന്ഡീസ് ട്വന്റി20 പരമ്പരക്ക് ഇന്ന് തുടക്കമാകും
അടുത്ത വര്ഷം ആസ്ട്രേലിയയില് നടക്കുന്ന ട്വന്റി20 ക്രിക്കറ്റ് ലോകകപ്പിലേക്കുള്ള മുന്നൊരുക്കമായി ഇന്ത്യ-വിന്ഡീസ് ട്വന്റി20 പരമ്പരക്ക് ഇന്ന് തുടക്കമാകും. ഹൈദരാബാദില് നടക്കുന്ന ആദ്യ മത്സരം ഇരുടീമിലെയും യുവതാരങ്ങള്ക്ക് ലോകകപ്പ് ടീമില് സ്ഥാനമുറപ്പിക്കുന്നതിനുള്ള പോരാട്ടമായിരിക്കും.
ടെസ്റ്റിലും ഏകദിനത്തിലും തുടരുന്ന മികവ് ട്വന്റി20യില് ആവര്ത്തിക്കാനാകുന്നില്ല എന്ന പഴി തിരുത്താനാകും വിരാട് കോഹ്ലിയുടെയും സംഘത്തിന്റെയും ശ്രമം. ലോക റാങ്കിങ്ങില് ടെസ്റ്റില് ഒന്നും ഏകദിനത്തില് രണ്ടും സ്ഥാനത്താണെങ്കിലും ട്വന്റി20യില് അഞ്ചാമതാണ് ഇന്ത്യ. കഴിഞ്ഞ മാസം ബംഗ്ലാദേശിനെതിരെ നടന്ന ട്വന്റി20യില് ആദ്യ മത്സരം തോറ്റശേഷം തിരിച്ചുവന്ന് പരമ്പര നേട്ടം കൊയ്തത് ആതിഥേയര്ക്ക് കരുത്താകും.
സാധാരണ ഇന്ത്യയില് നടക്കുന്ന ട്വന്റി20 പരമ്പരകളില് വിശ്രമം ലഭിക്കുന്ന കോഹ്ലി ലോകകപ്പ് മുന്നില് കണ്ടാണ് ടീമിനെ നയിക്കാനൊരുങ്ങുന്നത്. അതേസമയം, നിലവില് ട്വന്റി20 ലോക ചാമ്പ്യന്മാരാണെങ്കിലും സമീപകാലത്തായി വിന്ഡീസ് പട തിരിച്ചടികള് നേരിടുകയാണ്. തുടര്ച്ചയായ തോല്വികള്മൂലം ലോക റാങ്കിങ്ങില് പത്താം സ്ഥാനത്താണ് കരീബിയക്കാര്.
"
https://www.facebook.com/Malayalivartha