സി എസ്സ് കെ-ക്ക് ആശ്വാസം, 13 പേരുടെയും കോവിഡ് ഫലം നെഗറ്റീവായി
ഐ പി എല്ലിനായി ഒരുങ്ങുന്ന ചെന്നൈ സൂപ്പര് കിങ്സ് ടീം കോവിഡ് മുക്തമായെന്ന് സി.ഇ.ഒ. കാശി വിശ്വനാഥന് അറിയിച്ചു. കഴിഞ്ഞദിവസം കോവിഡ് സ്ഥിരീകരിച്ച 13 പേരുടെയും പരിശോധനാ ഫലം നെഗറ്റീവായത് ടീമിന് ആശ്വാസമായി. കോവിഡ് സ്ഥിരീകരിച്ച പേസ് ബോളര് ദീപക് ചാഹര്, യുവതാരം ഋതുരാജ് ഗെയ്ക്വാദ് എന്നിവരുള്പ്പെടെ 13 പേരുടെ ഫലമാണ് നെഗറ്റീവായത്.
ഈ മാസം മൂന്നിന് ഒരു പരിശോധന കൂടി ബാക്കിയുണ്ട്. ഈ പരിശോധനയിലും ഫലം നെഗറ്റീവാകുന്നവര്ക്ക് നാലു മുതല് പരിശീലനത്തിനിറങ്ങാം. ടീം കോവിഡ് മുക്തമായതോടെ ഈ മാസം നാലുമുതല് പരിശീലനം ആരംഭിക്കാമെന്ന പ്രതീക്ഷയിലാണു ടീം. ചെന്നൈ സൂപ്പര് കിങ്സ് സി.ഇ.ഒ. കാശി വിശ്വനാഥനാണ് ടീം അംഗങ്ങളുടെ എല്ലാവരുടെയും ഫലം നെഗറ്റീവായതായി വെളിപ്പെടുത്തിയത്.
പരിശോധനയില് ഫലം നെഗറ്റീവായെങ്കിലും ദീപക് ചാഹറും ഋതുരാജും ഉള്പ്പെടെയുള്ളവര് 14 ദിവസത്തെ ക്വാറന്റീന് കാലയളവ് പൂര്ത്തിയാക്കിയ ശേഷമേ കളത്തിലിറങ്ങൂ. ദീപക് ചാഹറും ഋതുരാജും ഫലം നെഗറ്റീവാണെങ്കിലും ചട്ടപ്രകാരം 14 ദിവസത്തെ ക്വാറന്റീല് പൂര്ത്തിയാക്കിയശേഷം മാത്രം വീണ്ടും ടീമിനൊപ്പം ചേരുമെന്ന് കാശി വിശ്വനാഥന് അറിയിച്ചു. 19 മുതലാണ് ഐ.പി.ല്. മത്സരങ്ങള് ആരംഭിക്കുന്നത്.
ഇന്ന് യു.എ.ഇയിലേക്കു പുറപ്പെടാനിരുന്ന മുംബൈ ഇന്ത്യന്സ് താരം ഹര്ഭജന് സിങ് യാത്ര മാറ്റിവച്ചു. ടീമംഗങ്ങള്ക്കു കോവിഡ് സ്ഥിരീകരിച്ച സാഹചര്യത്തിലാണ് ഇതെന്നാണ് റിപ്പോര്ട്ട്. അതേസമയം, ടീമിലെ ദക്ഷിണാഫ്രിക്കന് താരങ്ങളായ ഫാഫ് ഡുപ്ലേസി, ലുങ്കി എന്ഗിഡി എന്നിവര് ടീമിനൊപ്പം ചേര്ന്നിട്ടുണ്ട്.
https://www.facebook.com/Malayalivartha