മുന് പേസര് ഷുഐബ് അക്തര് പി സി ബി സെലക്ഷന് കമ്മിറ്റി ചെയര്മാന് സ്ഥാനത്തേക്ക്
മുന് പാകിസ്ഥാന് പേസര് ഷുഐബ് അക്തര് പാകിസ്താന് ക്രിക്കറ്റ് ബോര്ഡിന്റെ സെലക്ഷന് കമ്മിറ്റി ചെയര്മാനായേക്കുമെന്നു സൂചന. ഇതു സംബന്ധിച്ച് പി.സി.ബിയുമായി ചര്ച്ചകള് നടക്കുന്നതായി അക്തര് തന്നെയാണ് വെളിപ്പെടുത്തിയത്.
മുന് നായകന് മിസ്ബ ഉള് ഹഖാണു നിലവില് പാക് ടീം മുഖ്യ സെലക്ടറും കോച്ചും. മിസ്ബയെ സെലക്ഷന് കമ്മിറ്റിയില്നിന്നു മാറ്റാന് പി.സി.ബി. ആലോചിച്ചിരുന്നു.
പാക് ക്രിക്കറ്റില് ഒരു പ്രധാന പങ്ക് വഹിക്കാന് താല്പ്പര്യമുണ്ട്. ബോര്ഡുമായി ചില ചര്ച്ചകള് നടത്തിയിട്ടുണ്ടെന്ന് അക്തര് വെളിപ്പെടുത്തി. ഇതുവരെ ഒന്നും തീരുമാനമായില്ലെന്നും അക്തര് പറഞ്ഞു.
2019 -ലെ ലോകകപ്പില് പാക് ടീമിന്റെ മോശം പ്രകടനത്തെ തുടര്ന്നാണ് മിസ്ബയെ മുഖ്യ സെലക്ടറും കോച്ചുമായി നിയമിച്ചത്. കഴിഞ്ഞ ഇംഗ്ലണ്ട് പര്യടനത്തില് ടീമിനു മികവ് കാണിക്കാന് കഴിയാത്തതോടെ അദ്ദേഹത്തിനെതിരേ വിമര്ശനവും ഉയര്ന്നിരുന്നു.
https://www.facebook.com/Malayalivartha