ക്രിക്കറ്റ് താരം റെയ്നയുടെ ബന്ധുക്കളെ കൊലപ്പെടുത്തിയ കേസില് മൂന്നു പേര് അറസ്റ്റില്
പഞ്ചാബിലെ പത്താന്കോട്ടില് കഴിഞ്ഞ മാസം ക്രിക്കറ്റ് താരം സുരേഷ് റെയ്നയുടെ വീട് ആക്രമിക്കുകയും രണ്ട് ബന്ധുക്കളെ കൊലപ്പെടുത്തുകയും ചെയ്ത കേസില് അക്രമി സംഘത്തിലെ മൂന്നു പേര് അറസ്റ്റില്.
റെയ്നയുടെ അമ്മാവന്റെ വീട് ആക്രമിക്കപ്പെട്ടത് ഓഗസ്റ്റ് 20-നാണ്. അമ്മാവനും മകനും കൊല്ലപ്പെട്ടു. മോഷ്ടാക്കളാണ് ആക്രമണത്തിനു പിന്നിലെന്നാണ് പോലീസ് റിപ്പോര്ട്ട്.
അറസ്റ്റിലായിരിക്കുന്നത് അന്തര് സംസ്ഥാന കൊള്ള-ക്രിമിനല് സംഘത്തിലെ മൂന്നു പേരാണെന്ന് പഞ്ചാബ് ഡി.ജി.പി ദിന്കര് ഗുപ്ത പറഞ്ഞു. ഒളിവില് പോയ 11 പേര്ക്കായി തെരച്ചില് തുടരുകയാണെന്നും ഡി.ജി.പി അറിയിച്ചു.
ഐപിഎല്ലിന്റെ ഭാഗമായി റെയ്ന ദുബായിലായിരിക്കേയാണ് കുടുംബം ആക്രമിക്കപ്പെടുന്നത്. പര്യടനം ഉപേക്ഷിച്ച് റെയ്ന നാട്ടിലേക്ക് മടങ്ങുകയും ചെയ്തു.
https://www.facebook.com/Malayalivartha