പതിമൂന്നാം സീസണ് ഐ.പി.എല് കിരീടം നേടുന്ന ടീമിനെ പ്രവചിക്കാമോ...?
ഐ.പി.എല് 13-ാം സീസണിന് തുടക്കമായി. ഇത്തവണ കിരീടം ഉയര്ത്താന് പോവുന്ന ടീം ഏതായിരിക്കുമെന്ന് പലരും പ്രവചനങ്ങള് നടത്തുന്നുണ്ട്.
ഐ.പി.എല് വിജയിയെ പ്രവചിക്കുക ദുഷ്കരമാണ്. എങ്കിലും ചെന്നൈക്കൊപ്പം പോവുന്നു എന്നാണ് ആരാധകരുടെ ചോദ്യത്തിന് മറുപടിയായി ഓസീസ് മുന് പേസര് ബ്രെറ്റ് ലീ ഇന്സ്റ്റഗ്രാമില് പറഞ്ഞത്. രണ്ട് വട്ടം ഐപിഎല് കിരീടത്തില് മുത്തമിട്ട കൊല്ക്കത്ത നൈറ്റ്റൈഡേഴ്സും ഒരുതവണ നേടിയ സണ്റൈസേഴ്സ് ഹൈദരാബാദും ചെന്നൈ സൂപ്പര് കിംഗ്സിനെ കൂടാതെ ഉറപ്പായും പ്ലേ ഓഫിലെത്താന് സാദ്ധ്യതയുള്ള ടീമാണെന്ന് ലീ അഭിപ്രായപ്പെട്ടു.
പാറ്റ് കമ്മിന്സ് ലോകോത്തര ബൗളറാണെന്നും അവസാന നാലില് കെകെആര് എത്താന് സാദ്ധ്യത കൂടുതലാണെന്നും അഭിപ്രായപ്പെട്ട ലീ സണ്റൈസേഴ്സ് ഹൈദാരാബാദ് ഏറ്റവും സന്തുലിതമായ ടീമാണെന്നും പറഞ്ഞു. ഐ.പി.എല്ലില് കൊല്ക്കത്ത നൈറ്റ്റൈഡേഴ്സിന് വേണ്ടിയും കിംഗ്സ് ഇലവന് പഞ്ചാബിന് വേണ്ടിയും കളിച്ചിട്ടുള്ള താരമാണ് ലീ.
ഐ പി എല് 13-ാം സീസണില് ആരാകും ബാറ്റിംഗില് വിസ്മയമാകുക. ബൗളിംഗില് ആരാകും വെടിക്കെട്ട് വീരന്മാരുടെ അത്മവിശ്വാസം കടപുഴക്കുക. അതോ, പതിവ് വീരന്മാരെ വകഞ്ഞുമാറ്റി ഒരു ബാറ്റകലത്തില് പുതിയ രാജകുമാരന്മാര് ഉദയം ചെയ്യുമോ എന്നിവയും ആരാധകര് വാതുവയ്ക്കാറുള്ള വിഷയങ്ങളാണ്. 13-ാം എഡിഷനിലെ സൂപ്പര് ഹീറോകളെ കണ്ടെത്താന് നിങ്ങളും ശ്രമിക്കൂ.
https://www.facebook.com/Malayalivartha
