പ്രതിരോധമന്ത്രാലയത്തിന് കീഴിൽ ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗനൈസേഷന്റെ റിക്രൂട്ട്മെന്റ് അസസ്മെന്റ് സെന്റർ 40 സയന്റിസ്റ്റ് ഒഴിവിലേക്ക് അപേക്ഷ ക്ഷണിച്ചു. ലാറ്ററൽ റിക്രൂട്ട്മെന്റാണ്. ഒന്നാം ക്ലാസ്സിലെ എൻജിനിയറിങ് ബിരുദവും പ്രവൃത്തിപരിചയവുമുള്ളവർക്കാണ് അവസരം. www.rac.gov.in വഴി ഓൺലൈനായി അപേക്ഷിക്കണം.

യു.പി.എസ്‌.സി
കേന്ദ്രസർക്കാരിന്റെ വിവിധ മന്ത്രാലയങ്ങളിലും വകുപ്പുകളിലുമുള്ള ഒഴിവിലേക്ക് യു.പി.എസ‌്.സി അപേക്ഷക്ഷണിച്ചു. കൃഷി വകുപ്പിൽ സിസ്റ്റം അനലിസ്റ്റ് 1, കോർപറേറ്റ്അഫയേഴ്സിൽ കമ്പനി പ്രോസ്യുക്യൂട്ടർ 5, ലോ ആൻഡ് ജസ്റ്റീസിൽ സൂപ്രണ്ടന്റ്(പ്രിന്റിങ്) 1, യു.പി.എസ‌്.സിയിൽ ഡെപ്യൂട്ടി ഡയറക്ടർ (എക്സാമിനേഷൻ റിഫോംസ്) 1, സെൻട്രൽ ഗ്രൗണ്ട് വാട്ടർ ബോർഡിൽ അസി. കെമിസ്റ്റ് 5 എന്നിങ്ങനെ ഒഴിവുണ്ട്. https://www.upsconline.nic.in വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് 11  

അറ്റോമിക് എനർജി എഡ്യൂക്കേഷൻ സൊസൈറ്റിയിൽ
കേന്ദ്ര ആണവോർജവകുപ്പിന് കീഴിൽ മുംബയിലുള്ള അറ്റോമിക് എനർജി എഡ്യൂക്കേഷൻ സൊസൈറ്റി അദ്ധ്യാപക ഒഴിവിലേക്ക് അപേക്ഷ ക്ഷണിച്ചു. 57 ഒഴിവുണ്ട്. രാജ്യത്തിന്റെ വിവിധ ഭാഗങ്ങളിലായി 15 കേന്ദ്രങ്ങളാണ് സൊസൈറ്റിക്കുള്ളത്. ഇംഗ്ലീഷാണ് പഠന മാധ്യമം. പോസ്റ്റ് ഗ്രാഡ്വേറ്റ് ടീച്ചർ(പിജിടി), ട്രെയിൻഡ് ഗ്രാജ്വേറ്റ് ടീച്ചർ (ടിജിടി), ലൈബ്രേറിയൻ, സ്പെഷ്യൽ എഡ്യൂക്കേറ്റർ, പ്രൈമറി ടീച്ചർ തസ്തികകളിലേക്കാണ് അപേക്ഷ ക്ഷണിച്ചത്. പ്രൈമറി ടീച്ചർ 30, പിജിടി (ഹിന്ദി, ഫിസിക്സ്, കെമിസ്ട്രി) ഓരോന്നുവീതം ടിജിടി 21( ഇംഗ്ലീഷ് 4, ഹിന്ദി/സംസ്കൃതം 8, മാത്തമാറ്റിക്സ്/ഫിസിക്സ് 4, കെമിസ്ട്രി/ബയോളജി‐1, സോഷ്യൽസയൻസ് 4), സ്പെഷ്യൽ എഡ്യുക്കേറ്റർ 1, ലൈബ്രേറിയൻ 2 എന്നിങ്ങനെയാണ് ഒഴിവ്. 

www.aees.gov.in അല്ലെങ്കിൽ https://www.aees.mahaonline.gov.in എന്നിവ വഴി ഓൺലൈനായി അപേക്ഷിക്കാനുള്ള അവസാന തീയതി ജൂലായ് 20