റഷ്യ യുക്രൈന്‍ യുദ്ധം അവസാനിക്കുന്നു; പുടിന്റെ അടുത്ത ലക്ഷ്യം മസ്‌കിന്റെ ഉപഗ്രഹങ്ങള്‍; യുദ്ധത്തിന് വെല്ലുവിളിച്ച് ഇലോണ്‍ മസ്ക്
യുദ്ധം കൊടുമ്പിരികൊണ്ടിരുന്ന സമയത്ത്, റഷ്യയുടെ സൈനികാക്രമണം തകര്‍ക്കാര്‍ യുക്രൈനില്‍ ഇലോണ്‍ മസ്‌കിന്‍രെ സ്റ്റാര്‍ലിങ്ക് വന്‍ നീക്കങ്ങള്‍ക്ക് തുടക്കമിട്ടിരുന്നു. റഷ്യന്‍ സൈനികാക്രമണങ്ങളെ തുടര്‍ന്ന് രാജ്യത്തെ പരമ്പരാഗത ഇന്റര്‍നെറ്റ് കണക്റ്റിവിറ്റി സംവിധാനങ്ങള്‍ തകരാറിലായേക്കുമെന്ന ആശങ്കയ്ക്കിടെ അധികൃതരുടെ അപേക്ഷ പരിഗണിച്ചായിരുന്നു മസ്‌കിന്റെ ഈ നീക്കം. അതിന്റെ ഭാഗമായി യുക്രൈനിലേക്ക് ഒരു കണ്ടയ്‌നര്‍ നിറയെ സ്റ്റാര്‍ലിങ്ക് ഉപകരണങ്ങള്‍ ഇലോണ്‍ മസ്ക് എത്തിച്ചു നല്‍കുകയും ചെയ്തു.
എന്നാല്‍ ആന്റിന ഉള്‍പ്പടെയുള്ള സ്റ്റാര്‍ലിങ്ക് ഉപകരണങ്ങള്‍ക്ക് നേരെ റഷ്യ വ്യോമാക്രമണം നടത്തിയേക്കുമെന്ന ആശങ്ക ഇലോണ്‍ മസ്ക് പങ്കുവെച്ചിരുന്നു. ഇത് കൂടാതെ സ്റ്റാര്‍ലിങ്ക് നെറ്റ് വര്‍ക്കിന് നേരെ സൈബറാക്രമണ ശ്രമങ്ങളും ഉണ്ടായേക്കുമെന്ന ആശങ്കയും മസ്ക് പങ്കുവെച്ചു. തങ്ങള്‍ക്കെതിരായി നില്‍ക്കുന്ന കമ്പനിയുടെ ഉപഗ്രഹങ്ങള്‍ക്ക് നേരെ ആന്റി സാറ്റലൈറ്റ് ഉപഗ്രഹങ്ങള്‍ റഷ്യ ഉപയോഗിച്ചേക്കുമെന്ന അഭ്യൂഹവും പരന്നു.
എന്നാല്‍ സ്റ്റാര്‍ലിങ്ക് ഉപഗ്രഹങ്ങള്‍ തകര്‍ക്കാനുള്ള ശ്രമം റഷ്യയുടെ ഭാഗത്ത് നിന്നുണ്ടാകുമെന്നുള്ള ആശങ്ക തനിക്കില്ലെന്ന് വ്യക്തമാക്കുകയാണ് മസ്ക്. ബിസിനസ് ഇന്‍സൈഡറിന് നല്‍കിയ അഭിമുഖത്തിലാണ് മസ്ക് ഇക്കാര്യം വിശദീകരിച്ചത്. സ്റ്റാര്‍ലിങ്ക് ഉപഗ്രഹങ്ങള്‍ മിസൈലുകള്‍ ഉപയോഗിച്ച് തകര്‍ക്കാന്‍ റഷ്യയ്ക്കാവില്ല. കാരണം അത്രത്തോളം ഉപഗ്രഹങ്ങള്‍ കമ്പനിയുടേതായി ബഹിരാകാശത്തുണ്ട്. മാത്രവുമല്ല സ്പേസ് എക്‌സിന്റെ വിക്ഷേപണങ്ങള്‍ റഷ്യയുടെ യുദ്ധേപകരണങ്ങളേക്കാള്‍ വേഗത്തിലാണ് നടക്കുന്നത് എന്നും ഇലോണ്‍ മസ്ക് പറഞ്ഞു.
സ്റ്റാര്‍ലിങ്കിനെ തകര്‍ക്കുന്നത് എളുപ്പമാവില്ല. കാരണം അവിടെ 2000 ഉപഗ്രഹങ്ങളുണ്ട്. അതുകൊണ്ടു തന്നെ നിരവധി ആന്റി സാറ്റലൈറ്റ് മിസൈലുകള്‍ വേണം. അതുകൊണ്ട് നമുക്കൊരു ഒരു പരീക്ഷണം വേണ്ടെന്ന് കരുതുന്നു. മസ്ക് പറഞ്ഞു. അവര്‍ക്ക് മിസൈലുകള്‍ വിക്ഷേപിക്കാന്‍ സാധിക്കുന്നതിനേക്കാള്‍ വേഗത്തില്‍ ഞങ്ങള്‍ക്ക് ഉപഗ്രഹങ്ങള്‍ വിക്ഷേപിക്കാന്‍ സാധിക്കും. രണ്ടാഴ്ച മുമ്പ് 50 ഉപഗ്രഹങ്ങളാണ് സ്റ്റാര്‍ലിങ്ക് വിക്ഷേപിച്ചത്.
അതേസമയം മറ്റ് സഹായങ്ങളും ഇലോണ്‍ മസ്ക് യുക്രൈനിന് നല്‍കുന്നുണ്ട്. യുദ്ധത്തെ തുടര്‍ന്ന് യുക്രൈനിലെ പല മേഖലയിലും വൈദ്യുതി വിതരണം തടസപ്പെട്ടിട്ടുണ്ട്. ഇതിന് ജനറേറ്ററുകള്‍ ആവശ്യമാണെന്ന് യുക്രൈന്‍ മന്ത്രി മിഖൈലോ ഫെഡറോവ് പറഞ്ഞിരുന്നു. ഇതിനെ തുടര്‍ന്ന് രാജ്യത്ത് ഊര്‍ജ ഉപഭോഗം നിയന്ത്രിക്കുന്നതിനുള്ള ഒരു സോഫ്റ്റ് വെയര്‍ മസക് വാഗ്ദാനം ചെയ്തു. ഇത് കൂടാതെ സഞ്ചരിക്കുന്ന വാഹനങ്ങള്‍ക്ക് ഓണ്‍ലൈന്‍ ആയിരിക്കുന്നതിന് വേണ്ടിയുള്ള മൊബൈല്‍ റോമിങ് സൗകര്യങ്ങളും മസ്ക് ഏര്‍പ്പെടുത്തി. എന്തായാലും സ്റ്റാര്‍ലിങ്ക് ഉപഗ്രഹങ്ങള്‍ക്ക് നേരെ ഒരാക്രമണം നടത്തുമെന്ന് സൂചന റഷ്യയില്‍ നിന്നും ഇതുവരെ ഉണ്ടായിട്ടില്ല. എന്നാല്‍ യുക്രൈനില്‍ യുദ്ധം തുടങ്ങിയതിന് ശേഷം ഉപഗ്രങ്ങള്‍ക്ക് നേരെയുണ്ടായിട്ടുള്ള സൈബറാക്രമണങ്ങള്‍ക്ക് പിന്നില്‍ റഷ്യയുടെ പേര് ഉയര്‍ന്ന് കേള്‍ക്കുന്നുണ്ട്.
https://www.facebook.com/Malayalivartha
