ഇമ്രാൻ ഖാന് അടുത്ത തിരിച്ചടി...! പതനം അനിവാര്യമാക്കി പ്രധാന കൂട്ടുകക്ഷി കാലുമാറി, അവിശ്വാസ പ്രമേയത്തിന്മേലുള്ള വോട്ടെടുപ്പിന് മുമ്പേ...ഭൂരിപക്ഷം നഷ്ടമായി
പാകിസ്ഥാന് ദേശീയ അസംബ്ലിയില് പ്രതിപക്ഷ പാര്ട്ടികള് അവിശ്വാസ പ്രമേയം അവതരിപ്പിച്ചതിന് പിന്നാലെ പ്രധാനമന്ത്രി ഇമ്രാന് ഖാന് വമ്പന് തിരിച്ചടി.അവിശ്വാസ പ്രമേയത്തിന്മേലുള്ള വോട്ടെടുപ്പിന് മുമ്പുതന്നെ പാകിസ്ഥാന് പാര്ലമെന്റിന്റെ അധോസഭയില് ഇമ്രാന്റെ പി.ടി.ഐക്ക് ഭൂരിപക്ഷം നഷ്ടമായി.
എന്നാൽ, ഇമ്രാന്റെ പാകിസ്ഥാന് തെഹ്രീക് ഇ ഇന്സാഫ് (പി.ടി.ഐ) സര്ക്കാരിന്റെ പ്രധാന സഖ്യകക്ഷിയായ മുത്താഹിദ ക്വാമി മൂവ്മെന്റ് പാകിസ്ഥാന് (എം.ക്യു.എം-പി) പ്രതിപക്ഷമായ പാകിസ്ഥാന് പീപ്പിള്സ് പാര്ട്ടി (പി.പി.പി) യുമായി ധാരണയിലെത്തിയതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു.
പ്രതിപക്ഷ പാര്ട്ടികളും എം.ക്യു.എമ്മും തമ്മില് ധാരണയില് എത്തിയതായി പി.പി.പി ചെയര്മാന് ബിലാവല് ഭൂട്ടോ സര്ദാരി ട്വീറ്റ് ചെയ്തു. പ്രതിപക്ഷ പാര്ട്ടികളുമായി ധാരണയിലെത്തിയ കാര്യം മുതിര്ന്ന എം.ക്യു.എം നേതാവ് ഫൈസല് സബ്സ്വാരിയും സ്ഥിരീകരിച്ചു.
അതേസമയം പാകിസ്താന് പ്രധാനമന്ത്രി ഇമ്രാന് ഖാനെതിരേ അവിശ്വാസ പ്രമേയം നാഷണല് അസംബ്ലിയില് പ്രതിപക്ഷ നേതാവ് ഷെഹ്ബാസ് ഷെരീഫാണ് അവതരിപ്പിച്ചത്. 16 എം.എന്.എമാര് പിന്തുണച്ചതോടെ സ്പീക്കര് പ്രമേയം അംഗീകരിച്ചു. പ്രമേയം അവതരിപ്പിച്ചതിന് പിന്നാലെ സഭ പിരിഞ്ഞു. പാര്ലമെന്റിന്റെ അടുത്ത സമ്മേളനം മാര്ച്ച് 31-ന് ആരംഭിക്കുമെന്ന് ഡെപ്യൂട്ടി സ്പീക്കര് ക്വാസിം ഖാന് സൂരി അറിയിച്ചു. പ്രമേയത്തിന്മേലുള്ള വോട്ടെടുപ്പ് മൂന്നുദിവസത്തിനു ശേഷവും ഏഴുദിവസത്തിനുള്ളിലും നടക്കണം.
അവിശ്വാസത്തില് വോട്ടെടുപ്പ് നടക്കുന്ന ദിവസം ഇമ്രാന് ഖാന്റെ നേതൃത്വത്തിലുള്ള സര്ക്കാരിന്റെ ഭാവി തീരുമാനിക്കപ്പെടുമെന്ന് പാകിസ്താന് ആഭ്യന്തര മന്ത്രി ഷെയ്ഖ് റാഷിദ് പറഞ്ഞു. സഖ്യ കക്ഷിയുമായുള്ള ബന്ധം സംരക്ഷിക്കാന്, ഇമ്രാന് ഖാന് പഞ്ചാബ് പ്രവിശ്യയുടെ മുഖ്യമന്ത്രി സ്ഥാനം പിഎംഎല്(ക്യു) ന്റെ പര്വേസ് ഇലാഹിക്ക് വാഗ്ദാനം ചെയ്യുമെന്ന് സൂചനയുണ്ട്.
അവിശ്വാസത്തിൽ വോട്ടെടുപ്പ് നടക്കുന്ന ഏപ്രിൽ നാലിന് ഇമ്രാൻ ഖാന്റെ നേതൃത്വത്തിലുള്ള സർക്കാരിന്റെ ഭാവി തീരുമാനിക്കുമെന്ന് പാകിസ്ഥാൻ ആഭ്യന്തര മന്ത്രി ഷെയ്ഖ് റാഷിദ് പറഞ്ഞു. ഇമ്രാൻ ഖാനെതിരെ പ്രതിപക്ഷം ഒന്നിക്കുന്നതിനിടെയാണ് അവിശ്വാസം കൊണ്ടുവന്നത്.
https://www.facebook.com/Malayalivartha
