ആഗോള പൗരനെന്ന് സ്വയം വിശേഷിപ്പിച്ച് അവസാനം നാണംകെട്ടു! എല്ലാപ്രാദേശിക രാഷ്ട്രീയ നേതാക്കളേയും പരിഹസിച്ച ഇമ്രാന്ഖാനും അടിതെറ്റി വീഴുന്ന കാഴ്ച; പാകിസ്താനെ സാമ്പത്തിക ശക്തിയാക്കുമെന്ന് പലതവണ വീമ്പിളക്കിയ ഇമ്രാന്ഖാന്റെ നാളുകളും എണ്ണപ്പെട്ടു, മരിക്കുംമുന്നേ മുന് പാക് പ്രധാനമന്ത്രിയായിരുന്ന ബേനസീര് ഭൂട്ടോ എഴുതിയത് പാകിസ്താന് മേല് എന്നും ശാപമായി നില്ക്കുമെന്നുറപ്പ്
പാകിസ്ഥാന്റെ രാശി ഒരിക്കലും ഗുണകരമല്ലെന്ന് വീണ്ടും തെളിയുകയാണ്. ജനാധിപത്യമൂല്യങ്ങളെ ചവിട്ടി അരയ്ക്കുന്ന, മതഭീകരതയുടെ സ്വാധീനത്തില് കാര്യങ്ങള് നയിക്കുന്ന പാകിസ്താനില് ഒരു പ്രധാനമന്ത്രിയും അഞ്ചുവര്ഷം തികച്ചുഭരിച്ചിട്ടില്ല. ആഗോള പൗരനെന്ന് സ്വയം വിശേഷിപ്പിച്ച് എല്ലാപ്രാദേശിക രാഷ്ട്രീയ നേതാക്കളേയും പരിഹസിച്ച ഇമ്രാന്ഖാനും അടിതെറ്റി.
പാകിസ്താനെ സാമ്പത്തിക ശക്തിയാക്കുമെന്ന് പലതവണ വീമ്പിളക്കിയ ഇമ്രാന്ഖാന്റെ നാളുകളും എണ്ണപ്പെട്ടിരിക്കുന്നു. അവിശ്വാസം പാസാകുമെന്ന് ഉറപ്പായി. മരിക്കുംമുന്നേ മുന് പാക് പ്രധാനമന്ത്രിയായിരുന്ന ബേനസീര് ഭൂട്ടോ എഴുതിയത് പാകിസ്താന് മേല് എന്നും ശാപമായി നില്ക്കുകയാണ്. 'ഏതു ജനാധിപത്യ രാജ്യങ്ങളിലും ജയിക്കുന്ന വരുടെ സര്ക്കാറും ഭരണവുമാണ് നടക്കുന്നത്. എന്നാല് ഇത് പാകിസ്താനാണ്. ഇവിടെ ആര് ജയിച്ചാലും ഭരണം നടത്തുന്നതും ജനങ്ങളെ സ്വാധീനിക്കുന്നതും മറ്റ് പല ശക്തികളുമാണ്.'
തന്റെ ആത്മകഥയായ 'കിഴക്കിന്റെ മകള്'ബേനസീര് എഴുതി. ബോംബ് സ്ഫോടന ത്തിലാണ് ബേനസീര് ഭൂട്ടോ കൊല്ലപ്പെട്ടത്. പതിനെട്ട് പ്രധാനമന്ത്രിമാരാണ് പാകിസ്താനില് കാലാവധി പൂര്ത്തിയാക്കാതെ ഭരിക്കേണ്ടി വന്നത്. ഇവരെക്കൂടാതെ രണ്ട് പട്ടാള മേധാവിമാര് വിവിധ കാലഘട്ടങ്ങളില് അധികാരം പിടിച്ചെടുത്തു. അവര് പ്രസിഡന്റ് പ്രധാനമന്ത്രി സ്ഥാനങ്ങള് ഒരുമിച്ചാക്കി ഏകാധിപത്യ ഭരണമാണ് നടത്തിയത്. 2018ലാണ് ഇമ്രാന് ഖാന് അധികാരത്തിലേറിയത്.
പ്രധാനമന്ത്രി ഇമ്രാന്ഖാന്റെ ജീവന് അപകടത്തിലാണെന്ന് പാകിസ്താന് തെഹ്രീകെ ഇന്സാഫ് മുതിര്ന്ന നേതാവ് ഫൈസല് വാവ്ദ വ്യക്തമാക്കിയിരുന്നു. ഖാനെ വധിക്കാന് ഗൂഢാലോചന നടന്നിട്ടുണ്ടെന്നും വാവ്ദ പറഞ്ഞതായി പാക്കിസ്താന് മാദ്ധ്യമം റിപ്പോര്ട്ട് ചെയ്തു. പ്രധാനമന്ത്രിയെ വധിക്കാന് പദ്ധതിയിട്ടിരിക്കുന്നതിനാല് പൊതുസമ്മേളനങ്ങളെ അഭിസംബോധന ചെയ്യുമ്പോള് ബുള്ളറ്റ് പ്രൂഫ് ഷീല്ഡ് ധരിക്കാന് പ്രധാനമന്ത്രിയോട് ഉപദേശിച്ചതായി വാവ്ഡ പറഞ്ഞു.
ഭൂരിപക്ഷം നഷ്ടപ്പെട്ടതിനാല് ഇമ്രാന് ഖാന് സ്ഥാനം രാജിവയ്ക്കാന് സമ്മര്ദ്ദത്തിലായിരുന്നു. സഖ്യകക്ഷികളില് ചിലര് മറുകണ്ടം ചാടിയതിനാല് അവിശ്വാസ പ്രമേയത്തെ അതിജീവിക്കാന് ഇമ്രാന്ഖാന് കഴിയില്ല.
https://www.facebook.com/Malayalivartha
