റഷ്യയെ തറപറ്റിച്ചു; അന്റോനോവിലെ റഷ്യന് കൊടി പിഴുതെറിഞ്ഞ് വിജയക്കൊടി നാട്ടി യുക്രൈന്; ഇനി സെലന്സ്കിയുടെ വിളയാട്ടം
ഫെബ്രുവരി 14ന് റഷ്യന് സൈന്യംപിടിച്ചടക്കി ഹൊസ്റ്റോമലിലെ അന്റോനോവ് വിമാനത്താവളം തിരിച്ചുപിടിച്ച് യുക്രൈന്. മേഘലയില് നിന്നും റഷ്യന് സേന പൂര്ണമായി പിന്മാറിയതായാണ് വിവരം. യുഎസ് ബഹിരാകാശ സാങ്കേതികവിദ്യാ കമ്പനിയായ മാക്സര് പുറത്തുവിട്ട ഏറ്റവും പുതിയ ഉപഗ്രഹ ചിത്രങ്ങള് അനുസരിച്ച് റഷ്യന് സൈനിക പിന്മാറ്റം പൂര്ണമാണ്. മാക്സര് നേരത്തേ പുറത്തുവിട്ട ഉപഗ്രഹദൃശ്യങ്ങള് അനുസരിച്ച് വിമാനത്താവളത്തില് നിരവധി റഷ്യന് സൈനിക ഹെലികോപ്റ്ററുകളും വാഹനങ്ങളും നിലയുറപ്പിച്ചിരിക്കുന്നതു വ്യക്തമായിരുന്നു.
എന്നാല്, വ്യാഴാഴ്ച പകര്ത്തിയ ചിത്രങ്ങള് അനുസരിച്ച് കവചിത വാഹനങ്ങളും ഹെലികോപ്റ്ററുകളും എല്ലാം നീക്കിയ നിലയിലാണ്. വിമാനത്താവളത്തില് റഷ്യ തീര്ത്ത സുരക്ഷിത ഭിത്തികള് മാത്രമാണു നിലനില്ക്കുന്നത്. കടുത്ത പോരാട്ടത്തിനൊടുവിലാണ് റഷ്യ അന്റോനോവ് പിടിച്ചെടുത്തത്. യുക്രെയ്ന് തലസ്ഥാനമായ കീവ് മേഖലയിലും വടക്കന് നഗരമായ ചെര്ണീവിലും സൈനിക നടപടി കുറയ്ക്കുമെന്നു റഷ്യ നേരത്തേ പറഞ്ഞിരുന്നു. റഷ്യന് ബെലാറൂസ് അതിര്ത്തിയിലേക്ക് റഷ്യന് സേന പിന്വലിഞ്ഞതായാണ് നിഗമനം.
ഇര്പിന്, ഹൊസ്റ്റോമല്, ഇവ എന്നിവിടങ്ങളില്നിന്ന് റഷ്യന് സൈനിക പിന്മാറ്റം കീവ് റീജനല് ഗവര്ണര് ഒലെക്സാണ്ടര് പാവ്!ലൂക് സ്ഥിരീകരിച്ചു. ചെര്ണീവില്നിന്നും റഷ്യന് സൈന്യം പിന്വാങ്ങി തുടങ്ങിയതായി ചെര്ണീവ് ഗവര്ണര് അറിയിച്ചിരുന്നു. റഷ്യന് നഗരമായ ബെല്ഗൊറോദിലെ ഇന്ധന സംഭരണിക്കു നേരെ യുക്രെയ്ന് വ്യോമാക്രമണം നടത്തിയതായി റഷ്യ ആരോപിച്ചുവെങ്കിലും ഇക്കാര്യം സ്ഥിരീകരിക്കാനോ നിഷേധിക്കാനോ യുക്രെയ്ന് തയാറായില്ല.
ബെല്ഗൊറോദിലെ ആക്രമണം സമാധാന ചര്ച്ചകള്ക്ക് തുരങ്കം വയ്ക്കാനുള്ള നീക്കമാണെന്നു റഷ്യ ആരോപിച്ചു. റഷ്യന് സൈന്യം കീവിന്റെ വടക്കു ഭാഗത്തുനിന്ന് ഭാഗികമായി പിന്മാറിയതായി റഷ്യന് പ്രതിരോധമന്ത്രാലയം സ്ഥിരീകരിച്ചിരുന്നു. റഷ്യ സൈനിക പിന്മാറ്റം പ്രഖ്യാപിച്ച ചിലയിടങ്ങളില് ഇപ്പോഴും കനത്ത പോരാട്ടം തുടരുന്നതായി റിപ്പോര്ട്ടുകള് ഉണ്ട്. കീവിന്റെ വടക്ക് ഭാഗത്തുനിന്നു മന്ദഗതിയിലാണെങ്കിലും റഷ്യ സൈനിക പിന്മാറ്റം നടത്തുന്നതായി യുക്രെയ്!ന് പ്രസിഡന്റ് വൊളോഡിമിര് സെലെന്സ്കി വിഡിയോ സന്ദേശത്തില് പറഞ്ഞു.
യുക്രെയ്നു കൂടുതല് സൈനിക സാമ്പത്തിക സഹായങ്ങള് വാഗ്ദാനം ചെയ്ത് യുഎസ് രംഗത്തുവന്നു. യുക്രെയ്ന് 300 മില്യന് ഡോളറിന്റെ സഹായം നല്കുമെന്നാണ് പ്രഖ്യാപനം. നേരത്തേ 1.6 ബില്യന് ഡോളര് യുഎസ് സഹായമായി നല്കിയിരുന്നു. യുക്രെയ്ന് തലസ്ഥാനമായ കീവിലും വടക്കന് നഗരമായ ചെര്ണീവിലും സൈനിക പിന്മാറ്റം പ്രഖ്യാപിച്ചതിനു ശേഷവും കഴിഞ്ഞ ദിവസങ്ങളില് റഷ്യ ആക്രമണം ശക്തമാക്കിയതിനെതിരെ യുഎസും ബ്രിട്ടനും രംഗത്തെത്തി.
റഷ്യയുടെ സൈനികശേഷി നാള്ക്കുനാള് ക്ഷയിക്കുകയാണെന്നും യുക്രെയ്ന് യുദ്ധം എളുപ്പത്തില് ജയിക്കാമെന്നു റഷ്യന് പ്രസിഡന്റ് വ്ലാഡിമിര് പുട്ടിനെ സൈനിക മേധാവികള് പറഞ്ഞുപറ്റിക്കുകയായിരുന്നുവെന്നും യുഎസ് സെക്രട്ടറി ഓഫ് സ്റ്റേറ്റ് ആന്റണി ബ്ലിങ്കന് അടക്കമുള്ളര് ആരോപിച്ചു. ആയിരക്കണക്കിനാളുകളുടെ മരണത്തിനിടയാക്കിയ യുക്രെയ്ന് അധിനിവേശത്തിന് ഉത്തരവിട്ട പുട്ടിന്റെ തന്ത്രങ്ങള് ദയനീയമായി പരാജയപ്പെടുന്ന കാഴ്ചയാണ് യുക്രെയ്നില് കാണുന്നതെന്നു ബ്രിട്ടിഷ് രഹസ്യാന്വേഷണ വിഭാഗത്തിലെ ഉന്നത ഉദ്യോഗസ്ഥന് ജെറമി ഫ്ലെമിങ് പറഞ്ഞു.
https://www.facebook.com/Malayalivartha
