ജനുവരി മുതല് സര്ക്കാര് തിയേറ്ററുകളില് സിനിമകള് പ്രദര്ശിപ്പിക്കില്ലെന്ന് ഫിലിം ചേംബര്
സര്ക്കാര് നിയന്ത്രണത്തിലുള്ള തിയേറ്ററുകളില് ജനുവരി മുതല് സിനിമകള് നല്കേണ്ടതില്ലെന്ന് കേരള ഫിലിം ചേംബര് ഓഫ് കൊമേഴ്സ്. ചേംബര് പ്രസിഡന്റ് അനില് തോമസിന്റെ നേതൃത്വത്തില് കൊച്ചിയില് നടത്തിയ വാര്ത്താസമ്മേളനത്തിലാണ് തീരുമാനം പ്രഖ്യാപിച്ചത്.
സിനിമാ വ്യവസായത്തില് നിന്ന് കോടിക്കണക്കിന് രൂപ നികുതിയായി ഖജനാവിലേക്ക് എത്തുന്നുണ്ടെങ്കിലും, പ്രതിസന്ധി ഘട്ടങ്ങളില് സര്ക്കാര് തങ്ങളെ കൈവിടുകയാണെന്ന് ഫിലിം ചേംബര് ആരോപിച്ചു. അതിനാല് കെഎസ്എഫ്ഡിസി തിയേറ്ററുകളെ പൂര്ണമായും ഒഴിവാക്കി സര്ക്കാരുമായുള്ള എല്ലാ സഹകരണവും അവസാനിപ്പിക്കാനാണ് ചേംബറിന്റെ നീക്കം. കഴിഞ്ഞ പത്ത് വര്ഷമായി സര്ക്കാരിന് മുന്നില് സമര്പ്പിച്ച നിവേദനങ്ങളില് നടപടി ഉണ്ടാകാത്തതാണ് ചേംബറിനെ പ്രകോപിപ്പിച്ചത്.
നിലവിലെ തിയേറ്റര് ബഹിഷ്കരണം സൂചന മാത്രമാണെന്നും ആവശ്യങ്ങള് അംഗീകരിച്ചില്ലെങ്കില് വരും ദിവസങ്ങളില് കടുത്ത നടപടികളിലേക്ക് കടക്കുമെന്നും സംഘടന സര്ക്കാരിന് മുന്നറിയിപ്പ് നല്കി. നിലവിലുള്ള ജി എസ് ടിക്ക് പുറമെ സര്ക്കാര് ഈടാക്കുന്ന അധിക വിനോദ നികുതി പിന്വലിക്കുകയും തിയേറ്ററുകള്ക്ക് വൈദ്യുതി നിരക്കില് പ്രത്യേക ഇളവുകള് അനുവദിക്കുകയും ചെയ്യണം.
ഇക്കാര്യങ്ങളില് സര്ക്കാരിന്റെ ഇടപെടല് ആവശ്യമാണെന്നും ചേംബര് അറിയിച്ചു. അതേസമയം സര്ക്കാര് ഉടമസ്ഥതയിലുള്ള തിയേറ്ററുകള്ക്ക് സിനിമ നല്കാതിരിക്കുന്നത് റിലീസുകളെയും കളക്ഷനെയും ബാധിക്കുമെന്ന ആശങ്കയാണ് മലയാള സിനിമ മേഖല ചര്ച്ചച്ചെയ്യുന്നത്.
https://www.facebook.com/Malayalivartha
