ലോകത്തിലെ ഏറ്റവും ഉയരത്തിലുള്ള റെയില്‍വേ പാലം ജമ്മു കശ്മീരില്‍ ഉദ്ഘാടനത്തിന് ഒരുങ്ങുന്നു. റിയാസി ജില്ലയിലെ ചിനാബ് നദിക്ക് കുറുകെ സ്ഥാപിച്ച പാലത്തിന്റെ ഉരുക്കുകമാനത്തിന്റെ ചിത്രങ്ങള്‍ കേന്ദ്ര റെയില്‍വേ വകുപ്പ് മന്ത്രി പിയൂഷ് ഗോയല്‍ പുറത്തുവിട്ടു.

അദ്ഭുതകരമായ അടിസ്ഥാനസൗകര്യം അണിഞ്ഞൊരുങ്ങുന്നു' എന്ന കുറിപ്പോടെയാണ് ചെനാബ് പാലത്തിന്റെ ചിത്രം കേന്ദ്ര റെയില്‍വെ മന്ത്രി പീയുഷ് ഗോയല്‍ ട്വിറ്ററില്‍ ഷെയര്‍ ചെയ്തത്.

ലോകത്തിലെ ഏറ്റവും ഉയരമുള്ള റെയില്‍പാലമാണിതെന്നും പാലത്തിന്റെ ഉരുക്കു കമാനത്തിന്റെ നിര്‍മാണം അവസാനഘട്ടത്തിലാണെന്നും നിര്‍മാണപ്രവര്‍ത്തനങ്ങളുടെ കാര്യത്തില്‍ മറ്റൊരു നാഴികക്കല്ല് കൂടി ഇന്ത്യന്‍ റെയില്‍വെ സ്വന്തമാക്കുകയാണെന്നും ഗോയല്‍ ട്വീറ്റില്‍ കുറിച്ചു .

പാലത്തിന്റെ നടുവിലെ സ്പാനിനു മാത്രം 467 മീറ്ററാണ് നീളം. നദീതടത്തില്‍ നിന്ന് 359 മീറ്റര്‍ ഉയരത്തിലാണ് പാലം സ്ഥിതി ചെയ്യുന്നത്. പാരീസിലെ ഈഫല്‍ ടവറിന്റെ ഉയരം 324 മീറ്റര്‍ മാത്രമാണ്. ലോകത്ത് ഏറ്റവും ഉയരം കൂടിയ റെയില്‍വേ പാലമാണ് ഇതെന്നും മണിക്കൂറില്‍ 266 കിലോമീറ്റര്‍ വരെ വേഗതയില്‍ വീശുന്ന കാറ്റിനെ ചെറുക്കാന്‍ ഇതിനു സാധിക്കും.



നദീനിരപ്പില്‍ നിന്ന് 359 മീറ്ററാണ് കമാനത്തിന്റെ പരമാവധി ഉയരം. പാരീസിലെ ഈഫല്‍ ഗോപുരത്തേക്കാള്‍ 35 മീറ്റര്‍ കൂടുതല്‍. കശ്മീരിനെ മറ്റുസംസ്ഥാനങ്ങളുമായി ബന്ധിപ്പിക്കുന്നതാണ് പാലം. പദ്ധതി പൂര്‍ത്തിയാകുന്നതോടെ റെയില്‍വേ മന്ത്രാലയം സാങ്കേതികവികസനത്തില്‍ മറ്റൊരു നാഴിക്കകല്ല് പിന്നിടുമെന്ന് ഗോയല്‍ അഭിപ്രായപ്പെട്ടു.

2017 നവംബറില്‍ നിര്‍മാണം തുടങ്ങിയ പാലത്തിന് 250 കോടി രൂപയാണ് ചെലവ്. പാരിസിലെ ഈഫല്‍ ടവറിനേക്കാള്‍ 35 മീറ്റര്‍ ഉയരമുണ്ട് ഈ പാലത്തിന് (നദിയില്‍ നിന്നുള്ള ഉയരം കണക്കാക്കുമ്പോള്‍ ). പാലത്തിന്റെ ആകെ നീളം 1,315 മീറ്ററാണ്.

17 തൂണുകള്‍ പാലത്തിനെ താങ്ങി നിര്‍ത്തുന്നു. ശക്തിയേറിയ സ്ഫോടനങ്ങളെ അതിജീവിക്കാനും റിക്ടര്‍ സ്‌കെയിലില്‍ എട്ട് വരെയുള്ള ഭൂചലനത്തെ അതിജീവിക്കാനുള്ള ശേഷി പാലത്തിനുണ്ടെന്ന് അധികൃതര്‍ വെളിപ്പെടുത്തുന്നു .