നിങ്ങളുടെ വീട്ടില്‍ ചക്ക ഉണ്ടാവുകയാണെങ്കില്‍ ഈ മോള്‍ക്ക് ഒന്നുകൊണ്ട് കൊടുക്കണേ' എന്ന അടിക്കുറിപ്പോടെ പങ്കുവയ്ക്കപ്പെടുന്ന ഈ വിഡിയോ സോഷ്യല്‍ ലോകത്ത് വൈറലാകുകയാണ്.

'എനിക്ക് നല്ലിഷ്ടാണ്.. ആരുടെയെങ്കിലും വീട്ടില്‍ ചക്കയുണ്ടാകുമ്പോ എനിക്ക് കൊണ്ടുവന്നു തരണം, ആദ്യത്തെ ചക്ക എനിക്ക് കൊണ്ടുവന്നു തരണം, എനിക്ക് ചക്ക നല്ലിഷ്ടാണ്, 'പയുത്ത' ചക്കയാണ് എനിക്ക് നല്ലിഷ്ടം, ചക്കക്കൂട്ടാനും എനിക്ക് നല്ലിഷ്ടാ... ചക്ക ഒത്തിരി ഇഷ്ടമുള്ള ഒരു കുഞ്ഞു മോള്‍ ഇങ്ങനെയാണ് പറയുന്നത്.

ഈ മോള്‍ക്ക് ചക്ക കൊടുക്കാന്‍ തയ്യാറായി നിരവധി ആളുകളാണ് വിഡിയോയ്ക്ക് താഴെ കമന്റുമായെത്തിയിരിക്കുന്നത്. കുഞ്ഞിപ്പെണ്ണിന്റെ അഡ്രസ് ഒന്ന് അറിഞ്ഞാല്‍ ചക്കയുമായെത്താന്‍ നിരവധിപ്പേര്‍ തയ്യാറായി നില്‍ക്കുകയാണ്. ചിലരാകട്ടെ തങ്ങളുടെ ഫോണ്‍ നമ്പര്‍ കമന്റ് ചെയ്തിട്ടുണ്ട്, ആ നമ്പരില്‍ വിളിച്ചാല്‍ മോള്‍ എവിടെയാണെങ്കിലും ചക്ക എത്തിക്കാന്‍ റെഡിയാണെന്ന് മറ്റു ചിലര്‍. കൊറിയറായി ചക്ക എത്തിക്കാമെന്ന വാഗ്ദാനവുമായെത്തിയവരുമുണ്ട്.

ഈ 'ചക്ക' രക്കുട്ടിയുടെ വിഡിയോ കണ്ടാല്‍ ആര്‍ക്കാണ് ചക്ക എത്തിക്കാന്‍ തോന്നാത്തത്. ഈ കുഞ്ഞിന്റെ പേരോ മറ്റുവിവരങ്ങളോ ലഭ്യമല്ല.

ഈ വിഡിയോ വൈറലായതോടെ മോള്‍ക്ക് കൊതിതീരെ കഴിക്കാന്‍ ചക്ക കിട്ടിയിട്ടുണ്ടാകുമെന്ന വിശ്വാസവും പങ്കുവയ്ക്കുന്നുണ്ട് ചിലര്‍.