71കാരൻ കസ്റ്റമര് കെയറിലേക്ക് വിളിച്ചത് 24,000 തവണ ..അപ്പൂപ്പന്റെ ലീലാവിലാസങ്ങള് കേട്ട് പോലീസും അമ്പരന്നു ....
കസ്റ്റമര് കെയറിലേക്ക് വിളിക്കാത്തവർ ഉണ്ടാവില്ല. പലപ്പോഴും എന്തെങ്കിലും ആവശ്യത്തിന് നമുക്ക് ഒന്നിലേറെ തവണ വിളിക്കേണ്ടിവന്നേക്കാം ..എന്നാൽ ഒന്നും രണ്ടുമല്ല 24,000 തവണ കസ്റ്റമര് കെയറിലേക്ക് വിളിച്ചാലോ? പരാതി പറയാനായി 24,000 തവണ കസ്റ്റമര് കെയറിലേക്ക് വിളിച്ച 71കാരനെ പോലീസ് പൊക്കി.. അപ്പൂപ്പന്റെ ലീലാവിലാസങ്ങള് ഇങ്ങനെ....
ജപ്പാനിലാണ് സംഭവം. അകിതോഷി അകാമോട്ടോ എന്ന 71കാരനാണ് രണ്ടുവര്ഷത്തിനിടെ പരാതി പറയാനായി കസ്റ്റമര് കെയറിലേക്ക് 24,000 തവണ വിളിച്ചത്. വിളി ശല്യമായി മാറിയതോടെ ഇയാളെ പോലീസ് പൊക്കി.
കസ്റ്റമര്കെയറില് ലഭിക്കുന്ന വിവിധ സേവനങ്ങളെക്കുറിച്ച് സംശയം ചോദിക്കുക, ജീവനക്കാരെ അപമാനിച്ച് സംസാരിക്കുക തുടങ്ങിയ കലാപരിപാടികളാണ് അപ്പൂപ്പന് ഉണ്ടായിരുന്നത് .. . ചിലപ്പോള് കസ്റ്റമര് കെയറില് കോള് സ്വീകരിക്കുമ്പോള് ഇയാൾ മിണ്ടാതിരിക്കുകയും ചെയ്യും.അവസാനം ഗതികേട്ടപ്പോൾ ജോലി ചെയ്യാന് തടസം നില്ക്കുന്നു എന്ന് കാട്ടി അകിതോഷിക്കെതിരെ കമ്പനി പരാതി നല്കി. പരാതി നൽകുന്നതിന് മുൻപുള്ള അവസാന എട്ടു ദിവസങ്ങള്ക്കിടെ നൂറിലധികം തവണയാണ് ഇയാള് ഫോണ്ചെയ്തത് ..അവസാനം സഹികെട്ട ജീവനക്കാര് മേലധികാരികളെ വിവരം അറിയിക്കുകയായിരുന്നു . തുടർന്ന് അവര് പൊലീസിനെയും വിവരമറിയിച്ചു .
സേവനം മോശമാണെന്നും കമ്പനി പ്രതിനിധി നേരില് കണ്ട് മാപ്പുപറയണം എന്നുമായിരുന്നു ഇയാള് ആവശ്യപ്പെട്ടിരുന്നത്. അതേസമയം, സംഭവത്തെക്കുറിച്ച് അന്വേഷിക്കുകയാണെന്നും ഇയാള്ക്ക് മാനസിക പ്രശ്നമുണ്ടോ എന്ന സംശയമുണ്ടെന്നുമാണ് പൊലീസ് പറയുന്നത്. എന്തായാലും ആളുകള് ഇങ്ങനെ തുടങ്ങിയാല് കസ്റ്റമര്കെയര് എക്സിക്യൂട്ടീവുകള് എന്തു ചെയ്യും എന്നാണു ഇപ്പോൾ കമ്പനി ചോദിക്കുന്നത്
https://www.facebook.com/Malayalivartha