അങ്കം തുടങ്ങും മുമ്പ് ഇന്ത്യക്കു തിരിച്ചടി.....വെസ്റ്റ് ഇന്‍ഡീസിനെതിരായ ഏകദിന പരമ്പരയ്ക്കു ഞായറാഴ്ച തുടക്കം കുറിക്കാനിരിക്കെ ഇന്ത്യക്കു അപ്രതീക്ഷിത തിരിച്ചടി. പരിക്കിനെ തുടര്‍ന്നു വെസ്റ്റിൻഡീസിനെതിരായ ഏകദിന പരമ്പരയിൽനിന്നു ഇന്ത്യന്‍ പേസര്‍ ഭുവനേശ്വര്‍ കുമാര്‍ പിന്‍മാറി
വെസ്റ്റ് ഇന്‍ഡീസിനെതിരായ ഏകദിന പരമ്പരയ്ക്കു ഞായറാഴ്ച തുടക്കം കുറിക്കാനിരിക്കെ ഇന്ത്യക്കു അപ്രതീക്ഷിത തിരിച്ചടി. പരിക്കിനെ തുടര്‍ന്നു വെസ്റ്റിൻഡീസിനെതിരായ ഏകദിന പരമ്പരയിൽനിന്നു ഇന്ത്യന്‍ പേസര്‍ ഭുവനേശ്വര്‍ കുമാര്‍ പിന്‍മാറി.. അരക്കെട്ടിനേറ്റ പരുക്കാണു ഭുവനേശ്വറിനു തിരിച്ചടിയായത്. ഭുവനേശ്വറിനു പകരം ഷാർദൂൽ താക്കൂറിനെ ടീമിലുൾപ്പെടുത്തി.മൂന്ന് മല്‍സരങ്ങള്‍ ഉള്ള പരമ്പരയിലെ ആദ്യ മല്‍സരം നാളെ ചെന്നൈയില്‍ നടക്കും ...
2018 സെപ്റ്റംബറിൽ നടന്ന ഏഷ്യ കപ്പിലാണ് ഷാർദൂല്‍ താക്കൂർ അവസാനമായി ഏകദിന മത്സരം കളിച്ചത്. ഒക്ടോബറിൽ വെസ്റ്റിൻഡ‍ീസിനെതിരെ ഒരു ടെസ്റ്റ് മത്സരവും ഷാർദൂൽ കളിച്ചു.
കഴിഞ്ഞ ബുധനാഴ്ച മുംബൈയില്‍ നടന്ന വെസ്റ്റിൻഡീസിനെതിരായ മൂന്നാമത്തെയും അവസാനത്തെയും ട്വന്റി20 മത്സരത്തിനു ശേഷം അരയുടെ വലതു ഭാഗത്തു വേദനയുള്ളതായി ഭുവനേശ്വർ പരാതിപ്പെട്ടിരുന്നു.
താരത്തെ മെഡിക്കല്‍ സംഘം സ്‌കാനിങിനു വിധേയനാക്കുകയും ചെയ്തു. ഇതോടെയാണ് പരിക്ക് അല്‍പ്പം ഗൗരവമുള്ളതായി വ്യക്തമായതെന്നു ബിസിസിഐ വാര്‍ത്താക്കുറിപ്പിലൂടെ അറിയിച്ചു. ഭുവിയുടെ കാര്യത്തില്‍ വിദഗ്ധ ഉപദേശം തേടുമെന്നും അതിനു ശേഷമായിരിക്കും ടീം മാനേജ്‌മെന്റ് ഭാവി തീരുമാനമെടുക്കുകയെന്നും ബിസിസിഐ വിശദമാക്കി
വിന്‍ഡീസിനെതിരായ ഏകദിന പരമ്പരയില്‍ നിന്നു പിന്‍മാറിയ രണ്ടാമത്തെ ഇന്ത്യന്‍ താരം കൂടിയാണ് ഭുവി. നേരത്തേ ഓപ്പണര്‍ ശിഖര്‍ ധവാനും പിന്‍മാറിയതിനെ തുടര്‍ന്നു പകരക്കാരനായി മായങ്ക് അഗര്‍വാളിനെ ഉള്‍പ്പെടുത്തിയിരുന്നു.
ഡല്‍ഹിക്കു വേണ്ടി സയ്യിദ് മുഷ്താഖ് അലി ട്രോഫി ടൂർണമെന്റിൽ കളിക്കുമ്പോൾ പരുക്കേറ്റ ധവാന് ട്വന്റി20 പരമ്പരയും നഷ്ടമായിരുന്നു. ട്വന്റി20യിൽ ധവാന് പകരമെത്തിയത് സഞ്ജു. വി. സാംസൺ. പക്ഷേ സഞ്ജുവിനു കളിക്കാൻ അവസരം ലഭിച്ചില്ല.
2018 ഐപിഎൽ സീസൺ മുതൽ പരുക്കിൽ വലയുകയാണ് ഭുവനേശ്വർ കുമാര്‍. ഇന്ത്യയുടെ ഇംഗ്ലണ്ട് പര്യടനത്തിനിടെയും ഭുവനേശ്വറിനു പരുക്കേറ്റു നാട്ടിലേക്കു മടങ്ങേണ്ടിവന്നു. ഇംഗ്ലണ്ടിൽതന്നെ നടന്ന ഏകദിന ലോകകപ്പിനിടെയും ഭുവനേശ്വറിനു പിൻതുടയില്‍ പരുക്കേറ്റു...കഴിഞ്ഞ പരമ്പരയിലാണ് ഭുവി ദേശീയ ടീമില്‍ മടങ്ങിയെത്തിയത്.
നാലു മാസത്തോളം പുറത്തിരുന്ന ശേഷമായിരുന്നു പേസറുടെ തിരിച്ചുവരവ്. പിന്നീട് ഇന്ത്യയിൽ നടന്ന ദക്ഷിണാഫ്രിക്ക, ബംഗ്ലദേശ് ടീമുകൾക്കെതിരായ മത്സരങ്ങളും താരത്തിനു നഷ്ടമായിരുന്നു.. ഒടുവില്‍ വീണ്ടുമൊരു പരിക്ക് താരത്തെ ഒരിക്കല്‍ക്കൂടി ദേശീയ ടീമിനു പുറത്താക്കിയിരിക്കുകയാണ്. .
അതേസമയം, ഒരു വര്‍ഷത്തിനു ശേഷമാണ് ശര്‍ദ്ദുല്‍ ഇന്ത്യന്‍ ടീമില്‍ മടങ്ങിയെത്തിയത്. കഴിഞ്ഞ വര്‍ഷത്തെ ഏഷ്യാ കപ്പില്‍ താരം പന്തെറിഞ്ഞിരുന്നു. കൂടാതെ വെസ്റ്റ് ഇന്‍ഡീസിനെതിരേ നടന്ന ടി20, ടെസ്റ്റ് എന്നിവയിലും താരം കളിച്ചിരുന്നു. തുടര്‍ന്നു പരിക്കു കാരണം ശര്‍ദ്ദുല്‍ ടീമില്‍ നിന്നു പിന്‍മാറുകയായിരുന്നു.
https://www.facebook.com/Malayalivartha
