വെസ്​റ്റിൻഡീസ്​ നായകൻ ബ്രയാൻ ലാറയുടെ റെക്കോർഡ് തകർക്കാൻ കൊഹ്​ലിക്കും രോഹിതിനും കഴിയുമെന്നാണ് പ്രഖ്യാപിച്ചിരിക്കുന്നത്. ടെസ്​റ്റിലെ ഒരു ഇന്നിങ്​സിൽ 400 റൺസ്​ എന്ന തൻെറ റെക്കോർഡ്​ തകർക്കാൻ ഇന്ത്യൻ നായകൻ വിരാട്​ കോഹ്​ലിക്കും രോഹിത്​ ശർമക്കും കഴിയുമെന്നാണ് ​ബ്രയാൻ ലാറ പറയുന്നത്.

‘ആക്രമിച്ച്​ കളിക്കുന്ന താരങ്ങൾക്കാണ്​ റെക്കോർഡുകൾ തകർക്കാൻ കഴിയുക. വിരാട്​ കോഹ്​ലി, രോഹിത്​ ശർമ എന്നിവരെ പോലുള്ള കളിക്കാർക്ക്​ അതിനാകും’- ലാറ പറഞ്ഞു. അന്ധ വനിതകൾക്കായി സംഘടിപ്പിക്കുന്ന പ്രഥമ സമർഥനം ദേശീയ ക്രിക്കറ്റ്​ ടൂർണമന്റിൻെറ പ്രഖ്യാപന വേളയിൽ സംസാരിക്കുകയായിരുന്നു അദ്ദേഹം.

ഇന്ത്യയോട്​ തോൽവികൾ ഏറ്റുവാങ്ങുകയാണെങ്കിലും വെസ്​റ്റിൻഡീസ്​ ടീമി​െന എഴുതിത്തള്ളേണ്ടെന്ന്​ ലാറ പറഞ്ഞു. ‘ടീമിൽ മിടുക്കരായ യുവതാരങ്ങളുണ്ട്​. എട്ടുപത്ത്മാ​സം കൊണ്ട്​ അവർ അടുത്ത വർഷം ആസ്​ത്രേലിയയിൽ നടക്കുന്ന ട്വൻറി20 ലോകകപ്പിനായി സജ്​ജരാകും. ഇത്തവണ വിജയം എളുപ്പമായെന്ന്​ കരുതി ഞങ്ങളെ നിസ്സാരരായി കാണരരുത്​’ -ലാറ വ്യക്​തമാക്കി.