ഐസിസി വനിത ട്വന്റി 20 ലോകകപ്പില്‍ തുടര്‍ച്ചയായ മൂന്നാം ജയം സ്വന്തമാക്കി ഇന്ത്യ സെമി ഉറപ്പിച്ചു. അവസാന പന്തുവരെ നീണ്ടുനിന്ന ആവേശകരമായ മത്സരത്തില്‍ ന്യൂസിലന്‍ഡിനെ മൂന്നു റണ്‍സിന് ഇന്ത്യ പരാജയപ്പെടുത്തി. സ്‌കോര്‍: ഇന്ത്യ-133/8, ന്യൂസിലന്‍ഡ്- 129/6. അവസാന പന്തില്‍ ജയിക്കാന്‍ കിവികള്‍ക്ക് അഞ്ച് റണ്‍സ് വേണ്ടിയിരുന്നു.

എന്നാല്‍ ഇന്ത്യയുടെ ശിഖ പാണ്ഡെ ഒരു റണ്‍സ് മാത്രമാണ് പെണ്‍കിവികള്‍ക്ക് വിട്ടുകൊടുത്തത്.അവസാന ഓവറില്‍ 16 റണ്‍സ് വേണ്ടിയിരുന്ന കിവി പെണ്‍കുട്ടികള്‍ രണ്ട് ബൗണ്ടറിയടക്കം പായിച്ച് ജയത്തിനു വിളുമ്ബിലെത്തിയിരുന്നു. 19 പന്തില്‍ 34 റണ്‍സെടുത്ത അമില കര്‍ ആണ് ഇന്ത്യയെ പേടിപ്പിച്ചത്. 134 റണ്‍സ് വിജയലക്ഷ്യം പിന്തുടര്‍ന്ന

ന്യൂസിലന്‍ഡിന്റെ മുന്‍നിരയെ പൂട്ടാനായെങ്കിലും 23 പന്തില്‍ 24 റണ്‍സെടുത്ത മാഡി ഗ്രീനും 28 പന്തില്‍ 25 റണ്‍സെടുത്ത കെറ്റി മാര്‍ട്ടിനും അവസാന ഓവറുകളില്‍ ആഞ്ഞടിച്ച അമില കറും പൊരുതി.
തുടരെ വിക്കറ്റുകള്‍ വീണത് കിവികള്‍ക്ക് വിനയായി. ഇന്ത്യക്കായി പന്തെടുത്ത എല്ലാവരും ഓരോ വിക്കറ്റുകള്‍ വീതം വീഴ്ത്തി. നേരത്തെ കൗമാര വിസ്മയം ഷഫാലി വര്‍മയുടെ വെടിക്കെട്ട് ബാറ്റിംഗാണ് ഇന്ത്യക്ക് മികച്ച സ്‌കോര്‍ നല്‍കിയത്.