ദക്ഷിണാഫ്രിക്കയ്ക്കെതിരായ ഏകദിന മത്സരം; ഇന്ത്യൻ ടീമിനെ പ്രഖ്യാപിച്ചു
ദക്ഷിണാഫ്രിക്കയ്ക്കെതിരായ ഏകദിന ഇന്ത്യൻ ക്രിക്കറ്റ് ടീമിനെ പ്രഖ്യാപിച്ചു. ഹാര്ദിക് പാണ്ഡ്യ, ഭുവനേശ്വര് കുമാര് എന്നിവർ ടീമിൽ ഉൾപ്പെട്ടിട്ടുണ്ട് . ദീര്ഘകാലം പരിക്കിന്റെ പിടിയിലായിരുന്നു ഇവർ. തോളിനേറ്റ പരിക്ക് കാരണം ന്യൂസിലന്ഡ് പര്യടനം നഷ്ടമായ ശിഖര് ധവാനും ടീമിലെത്തിയിട്ടുണ്ട്. എന്നാൽ പരിക്ക് പൂര്ണമായും മാറിയിട്ടില്ലാത്ത രോഹിത് ശര്മ ടീമിലില്ല. മുഹമ്മദ് ഷമി, ഷാര്ദുല് ഠാകൂര്, ശിവം ദുബെ, കേദാര് ജാദവ് എന്നിവരും ടീമിൽ ഉൾപ്പെട്ടിട്ടില്ല.
ശിഖര് ധവാന്, പൃഥ്വി ഷാ, വിരാട് കോലി, കെ എല് രാഹുല്, മനീഷ് പാണ്ഡെ, ശ്രേയസ് അയ്യര്, ഋഷഭ് പന്ത്, ഹാര്ദിക് പാണ്ഡ്യ, രവീന്ദ്ര ജഡേജ, ഭുവനേശ്വര് കുമാര്, യൂസ്വേന്ദ്ര ചാഹല്, ജസ്പ്രീത് ബൂമ്ര, നവ്ദീപ് സൈനി, കുല്ദീപ് യാദവ്, ശുഭ്മാന് ഗില് എന്നിവരാണ് ഇന്ത്യൻ ടീമിൽ ഉൾപ്പെട്ടിട്ടുള്ള താരങ്ങൾ.
കഴിഞ്ഞ വര്ഷം സെപ്റ്റംബറില് ദക്ഷിണാഫ്രിക്കയ്ക്കെതിരായ ടി20 മത്സരത്തിലാണ് ഹാര്ദിക് ഇന്ത്യക്കായി അവസാനം കളിച്ചത്. ന്യൂസിലന്ഡിനെതിരായ പരമ്പരയില് തിരിച്ചെത്തുമെന്ന് വാര്ത്തകള് വന്നിരുന്നെങ്കിലും ബിസിസിഐ വിശ്രമം നീട്ടുകയായിരുന്നു. മുംബൈയില് നടന്ന ഡി വൈ പാട്ടില് ടി20 ടൂര്ണമെന്റില് മികച്ച ഫോമിലായിരുന്നു താരം. ധവാന്, ഭുവനേശ്വര് എന്നിവരും ടൂര്ണമെന്റിന്റെ ഭാഗമായിരുന്നു.
https://www.facebook.com/Malayalivartha