ഇന്ത്യക്കെതിരായ ഏകദിന പരമ്പര മുൻ നിശ്ചയപ്രകാരം തന്നെ നടക്കും; ക്രിക്കറ്റ് സൗത്ത് ആഫ്രിക്ക
ഇന്ത്യക്കെതിരായ ഏകദിന പരമ്പര മുന്നിശ്ചയ പ്രകാരം തന്നെ നടക്കുമെന്ന അറിയിപ്പുമായി ക്രിക്കറ്റ് സൗത്ത് ആഫ്രിക്ക . നേരത്തെ കൊറോണ വൈറസ് ഭീഷണിയെ തുടര്ന്ന് ദക്ഷിണാഫ്രിക്ക പരമ്പരയില് നിന്ന് പിന്മാറിയേക്കുമെന്ന് വാർത്തകൾ പ്രചരിച്ചതിനു പിന്നാലെയാണ് സ്ഥിതീകരണം പുറത്തുവന്നത് . അത്തരം വാര്ത്തകള് അടിസ്ഥാനരഹിതമാണെന്നും ക്രിക്കറ്റ് സൗത്ത് ആഫ്രിക്ക അറിയിച്ചു.
മൂന്ന് ഏകദിനങ്ങളാണ് ദക്ഷിണാഫ്രിക്ക ഇന്ത്യയില് കളിക്കുന്നത് . ആദ്യ ഏകദിനം ഈമാസം 12ന് ധരംശാലയില് നടക്കും. 15ന് ലഖ്നൗവിലാണ് രണ്ടാം ഏകദിനം. മൂന്നാം ഏകദിനം 18ന് കൊല്ക്കത്തയില് നടക്കും. പരമ്പരയ്ക്കായി ദക്ഷിണാഫ്രിക്കന് ടീം നാളെ യാത്ര തിരിക്കും. ദുബായ് വഴിയാണ്തീം ദില്ലിയിലെത്തുക. ഒരു ദിവസം ദില്ലിയില് താമസിക്കും. പിന്നാലെ ധരംശാലയിലേക്ക് മടങ്ങും. പരമ്പര അവസാനിച്ചതിന് ശേഷവും ചില ദക്ഷിണാഫ്രിക്കന് താരങ്ങള് ഇന്ത്യയില് തുടരും. ഈ മാസം അവസാനം ആരംഭിക്കാനിരിക്കുന്ന ഐപിഎല്ലില് പങ്കെടുക്കുന്നതിന്റെ ഭാഗമായിട്ടാണ് ഇന്ത്യയിൽ തുടരുന്നത്.
https://www.facebook.com/Malayalivartha