ദക്ഷിണാഫ്രിക്കയ്‌ക്കെതിരായ മൂന്നു മത്സര ഏകദിന പരമ്പരയിൽ ഈ മാസം 12-ന് തുടക്കമാകുകയാണ് . ന്യൂസീലന്‍ഡ് പര്യടനത്തിലെ മോശം ഫോം മറികടക്കുകയാണ് ഇന്ത്യന്‍ ക്യാപ്റ്റന്‍ വിരാട് കോലിയുടെ ലക്ഷ്യമിടുന്നതും. കിവീസ് മണ്ണില്‍ കളിച്ച 11 ഇന്നിങ്‌സുകളില്‍ നിന്ന് വെറും 218 റണ്‍സ് മാത്രമാണ് വിരാട് നേടിയത്. എന്നാൽ ഇപ്പോൾ നാട്ടില്‍ ദക്ഷിണാഫ്രിക്കയെ നേരിടുന്ന സമയം ക്രിക്കറ്റ് കരിയറിലെ ഒരു നാഴികക്കല്ലിനടുത്താണ് കോലി എത്തുന്നത് . പരമ്ബരയില്‍ സച്ചിന്‍ തെണ്ടുല്‍ക്കറുടെ മറ്റൊരു റെക്കോഡ് കൂടി കോലി മറികടക്കും.

പരമ്ബരയില്‍ 133 റണ്‍സ് നേടി കഴഞ്ഞത് ഏകദിനത്തില്‍ ഏറ്റവും വേഗത്തില്‍ 12,000 റണ്‍സ് തികയ്ക്കുന്ന താരമെന്ന റെക്കോഡാണ് കോലി ഇനി നേടാനുള്ളത് . 300 ഇന്നിങ്‌സുകളില്‍ നിന്ന് ഈ നേട്ടം സ്വന്തമാക്കിയ സച്ചിന്റെ റെക്കോഡും കോലിക്ക് മറികടക്കാൻ കഴിയും. 239 ഇന്നിങ്‌സുകളില്‍ നിന്ന് 11,867 റണ്‍സാണ് ഇപ്പോള്‍ കോലിയുടെ ഏക സമ്പാദ്യം. 314 ഇന്നിങ്‌സുകളില്‍ നിന്നും 12,000 തികച്ച മുന്‍ ഓസീസ് ക്യാപ്റ്റന്‍ റിക്കി പോണ്ടിങ്ങാണ് ഇപ്പോള്‍ ഈ പട്ടികയില്‍ സച്ചിന് പിന്നിലുള്ളത്. കുമാര്‍ സംഗക്കാര (336), സനത് ജയസൂര്യ (379), മഹേള ജയവര്‍ധനെ (399) എന്നിങ്ങനെയാണ് പട്ടിക ഉള്ളത്. മാര്‍ച്ച്‌ 12 വ്യാഴാഴ്ച ധര്‍മശാലയിലാണ് പരമ്ബരയിലെ ആദ്യ മത്സരം നടക്കുക.