ബംഗ്ലദേശ് ക്രിക്കറ്റ് താരം മഷ്റഫെ മൊർത്താസയ്ക്ക് കോവിഡ് 19 സ്ഥിരീകരിച്ചു
ബംഗ്ലദേശ് ക്രിക്കറ്റ് താരം മഷ്റഫെ മൊർത്താസയ്ക്ക് കോവിഡ് 19 സ്ഥിരീകരിച്ചു. ഇന്ന് ലഭിച്ച പരിശോധനാ ഫലത്തിലാണ് മൊര്ത്താസക്ക് കോവിഡ് 19 സ്ഥിരീകരിച്ചിരിക്കുന്നത്. ധാക്കയിലെ വസതിയില് ഐസൊലേഷനിലാണ് മൊര്ത്താസയെന്നാണ് വീട്ടുകാരെ ഉദ്ധരിച്ച് ബംഗ്ലാദേശി മാധ്യമങ്ങള് റിപ്പോര്ട്ടു ചെയ്യുന്നത്.
ഇതിനു മുൻപ് പാക്കിസ്ഥാൻ താരം ഷാഹിദ് അഫ്രീദിക്കാണ് കോവിഡ് സ്ഥിരീകരിച്ചിരുന്നത്.. ക്രിക്കറ്റിൽ സജീവമായിരിക്കുമ്പോൾത്തന്നെ രാഷ്ട്രീയത്തിലേക്കു പ്രവേശിച്ച മൊർത്താസ നിലവിൽ ബംഗ്ലദേശിലെ എംപിയാണ്. രണ്ടു ദിവസമായി സുഖമില്ലാതിരുന്നതിനെ തുടർന്ന് നടത്തിയ പരിശോധനയിലാണ് താരത്തിന് കോവിഡ് 19 സ്ഥിരീകരിച്ചത്. സ്വന്തം വസതിയിൽത്തന്നെ ഐസലേഷനിലാണ് താരം
രണ്ടു ദിവസമായി കടുത്ത പനി ബാധിച്ച് കിടപ്പിലായിരുന്നു മഷ്റഫെ മൊർത്താസ. തുടർന്ന് വെള്ളിയാഴ്ച കോവിഡ് പരിശോധന നടത്തുകയായിരുന്നു.. നേരത്തെ മഷ്റഫെ മൊര്ത്താസയുടെ ചില കുടുംബാംഗങ്ങള്ക്കും കോവിഡ് സ്ഥിരീകരിച്ചതായി റിപ്പോര്ട്ടുകളുണ്ട്. എല്ലാവരുടെയും പ്രാർഥനകളിൽ മൊർത്താസയേക്കൂടി ഓർക്കാൻ അപേക്ഷ’ എന്ന് മഷ്റഫെയുടെ സഹോദരൻ മൊർസാലിൻ ബിൻ മൊർത്താസ ബംഗ്ലദേശ് വാർത്താ ഏജൻസിയോട് പറഞ്ഞു.
കോവിഡ് 19 സൃഷ്ടിച്ച പ്രതിസന്ധിക്കിടെ ജീവകാരുണ്യ പ്രവർത്തനങ്ങളിൽ സജീവമായിരുന്നു ബംഗ്ലദേശിലെ എംപി കൂടിയായ മൊർത്താസ.
മൊര്ത്താസ നയിച്ച ബംഗ്ലാദേശ് ടീം ഇന്ത്യക്കെതിരെയും ദക്ഷിണാഫ്രിക്കക്കെതിരെയും ഏകദിന പരമ്പര നേടിയിട്ടുണ്ട്. ഒരുതവണ ലോകകപ്പ് ക്വാര്ട്ടറിലും ചാമ്പ്യന്സ് ട്രോഫി സെമിയിലും ഏഷ്യ കപ്പ് ഫൈനലിലും മൊര്ത്താസക്കു കീഴില് ബംഗ്ലാദേശ് കളിച്ചു.
ബംഗ്ലാദേശ് രാഷ്ട്രീയത്തിലും മൊര്ത്താസ വന് വിജയമാണ്. അവാമി ലീഗിന്റെ സ്ഥാനാര്ഥിയായി 2018ലെ പൊതു തെരഞ്ഞെടുപ്പില് മത്സരിച്ച മൊര്ത്താസ 2.71 ലക്ഷം വോട്ടുകളുടെ ഗംഭീര ഭൂരിപക്ഷത്തിനാണ് വിജയിച്ചത്. പോള് ചെയ്തതിന്റെ 97 ശതമാനം വോട്ടുകളും മൊര്ത്താസക്കാണ് ലഭിച്ചത്.
ഇദ്ദേഹത്തിനു പുറമെ ബംഗ്ലദേശ് ഏകദിന ടീം നായകനായ തമിം ഇക്ബാലിന്റെ മൂത്ത സഹോദരനും മുൻ ബംഗ്ലദേശ് താരവുമായ നഫീസ് ഇക്ബാലിനും കോവിഡ് സ്ഥിരീകരിച്ചു. ചിറ്റഗോങ്ങിലെ വസതിയിൽ സെൽഫ് ഐസലേഷനിൽ കഴിയുന്ന നഫീസ് ഇക്ബാൽ തന്നെയാണ് കോവിഡ് ബാധിച്ച കാര്യം സ്ഥിരീകരിച്ചത്. ബംഗ്ലദേശിൽ ഇതുവരെ ഒരു ലക്ഷത്തിലധികം പേർക്കാണ് കോവിഡ് സ്ഥിരീകരിച്ചത്
https://www.facebook.com/Malayalivartha