ലിവര്പൂളിന്റെ 30 വര്ഷത്തെ കാത്തിരിപ്പ് സഫലം... ഇംഗ്ലീഷ് പ്രീമിയര് ലീഗ് കിരീടം ആന്ഫീല്ഡിലേക്ക്...
ലിവര്പൂളിന്റെ 30 വര്ഷത്തെ കാത്തിരിപ്പ് സഫലമായി. ചെല്സിയെ മാഞ്ചസ്റ്റര് സിറ്റി പരാജയപ്പെടുത്തിയതോടെയാണ് ലിവര്പൂള് കിരീടം ഉറപ്പിച്ചത്. 1990ന് ഇതാദ്യമായാണ് ലിവര്പൂള് കിരീടത്തില് മുത്തമിടുന്നത്. കഴിഞ്ഞ സീസണില് അവസാന ലാപ്പില് നഷ്ടമായ കിരീടം ഇത്തവണ വ്യക്തമായ ആധിപത്യത്തോടെ ചെമ്പട സ്വന്തമാക്കുകയായിരുന്നു. 38-ാം മിനിറ്റില് ക്രിസ്റ്റ്യന് പുലിസിച്ച് നേടിയ ഗോളില് മുന്നിലെത്തിയ ചെല്സി മത്സരത്തിന്റെ ആധിപത്യം ഏറ്റെടുത്തു.
രണ്ടാം പകുതിയുടെ തുടക്കത്തില് തന്നെ കെവിന്റെ ഗോളില് സമനില കണ്ടെത്തിയ മാഞ്ചസ്റ്റര് സിറ്റിയുടെ പ്രതീക്ഷകള് വീണ്ടും സജീവമായെങ്കിലും ഫെര്ണാണ്ടിഞ്ഞോയുടെ റെഡ്കാര്ഡ് പെനാല്റ്റി ഗോളാക്കി മാറ്റി വില്ല്യന് ചെല്സിക്ക് വിജയമൊരുക്കി, ലിവര്പൂളിന് കിരീടവും.
സീസണില് ഏഴ് മത്സരങ്ങള് ബാക്കി നില്ക്കെയാണ് ലിവര്പൂള് കിരീടം ഉറപ്പിച്ചത്. ലീഗിന്റെ ചരിത്രത്തില് ആദ്യമായാണ് ഇത്രയും മത്സരം അവശേഷിക്കെ ഒരു ടീം കിരീടത്തിലെത്തുന്നത്. 2000-2001 സീസണില് മാഞ്ചസ്റ്റര് യുണൈറ്റഡും 2017-2018 സീസണില് മാഞ്ചസ്റ്റര് സിറ്റിയും അഞ്ച് മത്സരം ബാക്കി നില്ക്കെ കിരീടം സ്വന്തമാക്കിയിരുന്നു.ബുധനാഴ്ച നടന്ന മത്സരത്തില് ലിവര്പൂള് ക്രിസ്റ്റല് പാലസിനെ എതിരില്ലാത്ത നാല് ഗോളുകള്ക്ക് പരാജയപ്പെടുത്തിയിരുന്നു.
https://www.facebook.com/Malayalivartha