കൊവിഡ് ഇടവേളയ്ക്ക് ശേഷം നടക്കുന്ന ആദ്യ ടെസ്റ്റ് പരമ്ബരയായ ഇംഗ്ലണ്ട്-വിന്‍ഡീസ് രണ്ടാം ടെസ്റ്റിനിടെ ഡൊമിനിക് സിബ്ലെ അറിയാതെ പന്തില്‍ ഉമിനീര്‍ തേച്ച്‌ പിടിപ്പിച്ച്‌ മിനുസപ്പെടുത്തി. തുടര്‍ന്ന് തെറ്റ് മനസിലായ ഇംഗ്ലണ്ട് താരം തന്നെ ഇക്കാര്യം അമ്ബയര്‍ മൈക്കല്‍ ഗൗഫിന്റെ ശ്രദ്ധയില്‍പെടുത്തുകയും ചെയ്തു .

മത്സരം നിര്‍ത്തി വെച്ച അമ്ബയര്‍ പന്ത് സാനിറ്റൈസര്‍ ഉപയോഗിച്ച്‌ അണുവിമുക്തമാക്കുകയും ചെയ്തു . ഉമിനീര്‍ പുരട്ടുന്നതിന് ഐ സി സി വിലക്ക് ഏര്‍പ്പെടുത്തിയതിന് ശേഷം ആദ്യമായാണ് ഒരു താരം ചട്ടലംഘനം നടത്തുന്നത്. ഡൊമിനിക് സിബ്ലെയുടെ മറവിക്ക് അമ്ബയര്‍ താക്കീത് നല്‍കി . സഹതാരത്തിന് പിഴവ് പറ്റിയത് ഇംഗ്ലണ്ട് കളിക്കാര്‍ മുന്‍കൈയ്യെടുത്ത് അമ്ബയറുടെ ശ്രദ്ധയില്‍പ്പെടുത്തി. ഈ പ്രവർത്തി കൊവിഡ് കാലത്തെ കരുതലും ജാഗ്രതയും സോഷ്യല്‍ മീഡിയയില്‍ പ്രശംസയ്ക്കും നയിച്ചു. ഇംഗ്ലണ്ടിന്റെ 469 റണ്‍സെന്ന ഒന്നാം ഇന്നിങ്സ് സ്‌കോര്‍ പിന്തുടര്‍ന്നിറങ്ങിയ വെസ്റ്റ് ഇന്‍ഡീസ് ഒന്നാമിന്നിങ്‌സില്‍ 287 റണ്‍സിനു പുറത്താകുകയായിരുന്നു . 182 റണ്‍സിന്റെ ഒന്നാമിന്നിങ്‌സ് ലീഡുമായി രണ്ടാമിന്നിങ്‌സില്‍ ഇറങ്ങിയ ഇംഗ്ലണ്ട് നാലാം ദിനം കളി നിര്‍ത്തുമ്ബോള്‍ രണ്ടു വിക്കറ്റിന് 37 റണ്‍സെടുത്തിട്ടുണ്ട്ക്കുകയും ചെയ്തു . എട്ടു വിക്കറ്റ് കൈയിലിരിക്കെ 219 റണ്‍സിന്റെ ലീഡാണ് അവര്‍ക്കുള്ളത്.