'മെന് ഇന് ബ്ലൂ'!ലോകത്ത് ഏറ്റവും കൂടുതല് ആളുകള് ഇന്റര്നെറ്റില് തിരയുന്ന ക്രിക്കറ്റർ ഇന്ത്യൻ ക്യാപ്റ്റൻ വിരാട് കോഹ്ലി
ലോകത്ത് ഏറ്റവും കൂടുതല് ആളുകള് ഇന്റര്നെറ്റില് തിരയുന്ന ക്രിക്കറ്റർ ഇന്ത്യൻ ക്യാപ്റ്റൻ വിരാട് കോഹ്ലി. ദേശീയ ക്രിക്കറ്റിലെത്തിയ നാള് മുതല് നിരവധി ആരാധകരെ നേടിയ താരമാണ് വിരാട് കോഹ്ലി. ക്രിക്കറ്റിലെ ഏറ്റവും മികച്ച ബാറ്റ്സ്മാന്മാരില് ഒരാളായി കണക്കാക്കപ്പെടുന്ന കോഹ്ലിയ്ക്ക് ഇന്ത്യയില് മാത്രമല്ല ലോകത്തിന്റെ പല ഭാഗങ്ങളിലും വലിയ ആരാധക പിന്തുണയുണ്ട് . ഫെബ്രുവരിയിലെ കണക്ക് അനുസരിച്ച് കോഹ്ലിയുടെ ബ്രാന്ഡ് മൂല്യം 237.5 ദശലക്ഷമാണ്. ഇന്ത്യന് ജനസംഖ്യയുടെ ഇരട്ടി. ഇത് ശരിവയ്ക്കുകയാണ് അടുത്തിടെ നടന്ന മറ്റൊരു പഠനവും. 2020 ജനുവരി മുതല് വര്ഷത്തിന്റെ പകുതി പിന്നിടുമ്ബോള് 16.2 ലക്ഷം തവണയാണ് 'വിരാട് കോഹ്ലി' എന്ന പേര് ഇന്റര്നെറ്റില് തിരഞ്ഞത്. 'മെന് ഇന് ബ്ലൂ' എന്ന് 2.4 ലക്ഷം തവണയും തിരയപ്പെടുകയും ചെയ്തു . പട്ടികയിലെ ആദ്യ മൂന്ന് പേരുകളും ഇന്ത്യന് താരങ്ങള് തന്നെയാണ് . ബാറ്റ്സ്മാന് രോഹിത് ശര്മയും മുന് നായകന് എംഎസ് ധോണിയുമാണ് രണ്ടും മൂന്നും സ്ഥാനങ്ങളില്.
രോഹിത് ശര്മ 9.7 ലക്ഷം തവണയും എംഎസ് ധോണി 9.4 തവണയും തിരയപ്പെട്ടപ്പോള് ആദ്യ പത്തില് മൂന്ന് ഇന്ത്യന് താരങ്ങള് കൂടി ഉള്പ്പെടുകയും ചെയ്തു . ക്രിക്കറ്റില് നിന്ന് വിരമിച്ചെങ്കിലും സച്ചിനെ ആളുകള് തിരഞ്ഞത് 5.4 ലക്ഷം തവണ . ഓള്റൗണ്ടര് ഹാര്ദിക് പാണ്ഡ്യയെ അന്വേഷിച്ച് വെബ് ലോകത്ത് 6.7 ലക്ഷം തവണ ആളുകള് എത്തിയ. ശ്രേയസ് അയ്യര് 3.4 ലക്ഷം തവണ തിരയപ്പെട്ടു. പന്ത്രണ്ടാം സ്ഥാനത്ത് ഇന്ത്യയുടെ വനിതാ താരം സ്മൃതി മന്ദാനയാണ്. ആദ്യ 20ല് ഇടം പിടിച്ചത് രണ്ട് വനിതാ താരങ്ങള് മാത്രമാണ്. ഓസ്ട്രേലിയന് ഓള്റൗണ്ടര് എലിസി പെരി 20-ാം സ്ഥാനത്താണ്. ടീമുകളില് ഇന്ത്യയ്ക്ക് പിന്നില് ഇംഗ്ലണ്ടും ഓസ്ട്രേലിയയും വെസ്റ്റ് ഇന്ഡീസുമാണ്.
.
https://www.facebook.com/Malayalivartha