കക്കയം വൈദ്യുതി ഉല്പാദന കേന്ദ്രത്തില് നിന്നുള്ള വിതരണ ലൈനില് വള്ളിപടര്ന്ന് കാടുകയറി, കെഎസ്ഇബി അധികൃതര്ക്ക് അനക്കമില്ല!
കോഴിക്കോട് ജില്ലയിലെ കല്ലാനോട് 28-ാം മൈല് ഇല്ലിച്ചുവട് ബസ് കാത്തിരിപ്പ് കേന്ദ്രത്തിനടുത്തുള്ള 110 കെവി ടവര് ലൈനില് കാടുകയറി. നല്ലളത്തേക്കുള്ള വിതരണ ലൈനാണ് ഇത്.
കക്കയം വൈദ്യുതി ഉല്പാദന കേന്ദ്രത്തില് നിന്നുള്ള ഈ വിതരണ ലൈനില് വള്ളിപ്പടര്പ്പ് ചുറ്റിപ്പടര്ന്നിട്ടും കെഎസ്ഇബി അധികൃതര് അവഗണിക്കുന്നു. നല്ലളം മേജര് ട്രാന്സ്മിഷന് മെയിന്റനന്സിന്റെ കീഴിലാണ് ഈ ലൈന്.
ഉദ്യോഗസ്ഥരുടെ നേതൃത്വത്തില് ലൈന് പരിശോധനയോ അറ്റകുറ്റപ്പണിയോ കൃത്യ സമയത്ത് നടക്കാത്തതാണ് പ്രശ്നം.
ലൈനില് മറ്റു ഭാഗങ്ങളിലും വള്ളിപ്പടര്പ്പ് ഉണ്ട്. സമീപത്ത് വീടുകളും കൃഷിയിടങ്ങളും ഉള്ളതിനാല് ലൈനില് നിന്നു വൈദ്യുതി പ്രവഹിച്ച് അപകട സാധ്യതയുണ്ട്.
https://www.facebook.com/Malayalivartha