നീറ്റ് യുജി പുനപരീക്ഷ തീയതി പ്രഖ്യാപിച്ചു. ജൂൺ 21 നാണ് പുതുക്കിയ തീയതി. ജൂൺ 21 ഞായറാഴ്ചയാണ് യുജി നീറ്റ് പരീക്ഷ നടത്താൻ തീരുമാനമെടുത്തിരിക്കുന്നതെന്ന് നാഷണൽ ടെസ്റ്റിങ് ഏജൻസി അറിയിച്ചു.

ഔദ്യോ​ഗിക നിർദേശങ്ങൾ മാത്രം പാലിക്കാനായി വിദ്യാർഥികളും രക്ഷിതാക്കളും ശ്രദ്ധിക്കണമെന്നും നാഷണൽ ടെസ്റ്റിങ് ഏജൻസി . ചോദ്യപേപ്പർ ചോർച്ച വിവാദമായ പശ്ചാത്തലത്തിലാണ് നിർദേശം.

അതേസമയം, വിദ്യാർഥികൾക്ക് വീണ്ടും രജിസ്റ്റർ ചെയ്യേണ്ട ആവശ്യമില്ലെന്നും പുതിയ ഹാൾടിക്കറ്റ് നൽകുമെന്നും അറിയിച്ചിട്ടുണ്ട്. ചോദ്യപേപ്പർ ചോർന്നതിനെ തുടർന്ന് മെയ് മൂന്നിന് നടന്ന യുജി നീറ്റ് പരീക്ഷ റദ്ദാക്കിയിട്ടുണ്ടായിരുന്നു. ചോദ്യപേപ്പർ ചോർന്നതിന് പിന്നാലെ ആശങ്കയിലായിരുന്ന വിദ്യാർഥികൾക്ക് ആശ്വാസമാകുന്ന തരത്തിലാണ് പുതുക്കിയ തീയതി പ്രഖ്യാപിച്ചിരിക്കുന്നതെന്നാണ് വിലയിരുത്തപ്പെടുന്നത്

തയ്യാറെടുപ്പിനായി ഒരു മാസം സമയം വിദ്യാർഥികൾക്ക് ലഭിക്കുന്നുണ്ട്. ഏകദേശം 22 ലക്ഷത്തിലധികം വിദ്യാർഥികളാണ് മെയ് മാസം നടത്തിയ നീറ്റ് പരീക്ഷ എഴുതിയത്.