തിരുവനന്തപുരം മെഡിക്കല്‍ കോളജില്‍ ചികിത്സയിലിരുന്ന രോഗിക്ക് ശരിയായ പരിചരണം ലഭിക്കാതെ ശരീരത്തില്‍ പുഴുവരിച്ചതായി പരാതി. വീണ് പരിക്കേറ്റ് ചികിത്സയിലിരുന്ന രോഗിക്കാണ് ഈ ദുരവസ്ഥ.

കഴിഞ്ഞ നാലിന് രോഗിക്ക് കോവിഡ് പോസിറ്റീവ് ആയതിന തുടര്‍ന്ന് ബന്ധുക്കളെ അടുത്തു നിന്ന് മാറ്റിയിരുന്നു.

ബന്ധുക്കളെ ക്വാറന്റീനിലുമാക്കി. ഇക്കഴിഞ്ഞ 24ന് ഇദ്ദേഹത്തിന് ഫലം നെഗറ്റീവായി. എന്നാല്‍, ശരീരത്തില്‍ പുഴുവരിക്കുന്ന നിലയിലായിരുന്നു.

രോഗിയുടെ ആരോഗ്യനില ഇപ്പോ മോശമാണെന്നും മുന്‍പ് വീണ് പരിക്കേറ്റതിന്റെ അസ്വസ്ഥതകള്‍ മാത്രമാണ് ഉണ്ടായിരുന്നതെന്നും ബന്ധുക്കള്‍ പറഞ്ഞു.

എന്നാല്‍, ഇദ്ദേഹത്തിന് ശരിയായ രീതിയിലുള്ള ചികിത്സ നല്‍കാതെയാണ് വീട്ടിലേക്ക് മടക്കി അയച്ചതെന്ന് മകള്‍ പരാതിയില്‍ പറയുന്നു.