ഇതും പുലിവാലാകുമോ... ഭാഗ്യലക്ഷ്മിയുടെ പരാതിയിന്മേല് കേസെടുത്തതിന് പിന്നാലെ ശാന്തിവിള ദിനേശിനെ ചുറ്റിപ്പറ്റി മറ്റൊരു ചര്ച്ച; മലയാളികള് ഏറെ ആദരവോടെ കാണുന്ന മോഹന്ലാലും ആന്റണി പെരുമ്പാവൂരും തമ്മിലുള്ള ആത്മ ബന്ധം ചര്ച്ചയാക്കി ശാന്തിവിള ദിനേശ്
ഡബ്ബിംഗ് ആര്ട്ടിസ്റ്റ് ഭാഗ്യലക്ഷ്മി പൊട്ടനെ തല്ലിയ വേളയില് പറഞ്ഞ പേരുകളിലൊന്നാണ് സംവിധായകന് ശാന്തിവിള ദിനേശ്. ദിനേശ് തന്നെ അപമാനിച്ച് വീഡിയോയിട്ടെന്നും നടപടിയെടുത്തില്ലെന്നും ചാനല് ചര്ച്ചയിലുള്പ്പെടെ ഭാഗ്യലക്ഷ്മി പറഞ്ഞു. ഇതോടെ ശാന്തിവിള ദിനേശിനെതിരെ പോലീസ് കേസെടുത്തു. ഈ വിവാദങ്ങള്ക്കിടയിലും പുതിയ യൂട്യൂബ് വീഡിയോയുമായി ശാന്തിവിള ദിനേശ് രംഗത്തെത്തിയിരിക്കുകയാണ്. ഇത്തവണ നമ്മുടെ പ്രിയപ്പെട്ട മോഹന്ലാലിനെയും ആന്റണി പെരുമ്പാവൂരിനെയുമാണ് ശാന്തിവിള പ്രധാന കഥാപാത്രങ്ങളാക്കിയിരിക്കുന്നത്. പറയുന്നത് ശാന്തിവിള ദിനേശ് ആയത് കൊണ്ട് മുന്വിധിയോടെ കണ്ടവര്ക്ക് തെറ്റി. മോഹന്ലാലും ആന്റണി പെരുമ്പാവൂരും തമ്മിലുള്ള ആത്മ ബന്ധമാണ് വീഡിയോയുടെ കാതല്. രണ്ട് ലക്ഷത്തിലധികം പേരാണ് അപ്ലോഡ് ചെയ്ത് മണിക്കൂറുകള്ക്കുള്ളില് വീഡിയോ കണ്ടിരിക്കുന്നത്. ഇതിലൂടെ യഥാര്ത്ഥ ആത്മ ബന്ധം എന്തെന്ന് കാട്ടിത്തരുന്നു.
ആന്റണി പെരുമ്പാവൂറും മോഹന്ലാലും തമ്മിലുള്ള ഹൃദയ ബന്ധത്തെ കുറിച്ചാണ് ഞാന് പറയുന്നതെന്ന് പറഞ്ഞാണ് ശാന്തിവിള ദിനേശ് പറഞ്ഞ് തുടങ്ങിയത്. രണ്ടുദിവസം മുമ്പായിരുന്നു ആന്റണി പെരുമ്പാവൂരിന്റെ മകളുടെ വിവാഹനിശ്ചയം. ക്രിസ്റ്റിയന് കമ്മ്യൂണിറ്റിയില് കുമ്പാരി എന്നൊരു കാര്യമുണ്ട്. രക്ഷകര്ത്താവ് എന്നുള്ള പദവി. എനിക്കു തോന്നുന്നു ആന്റണിയുടെ മകളുടെ കുമ്പാരി മോഹന്ലാല് ആണെന്ന്. ഈ കൊവിഡ് കാലത്ത് പെരുമ്പാവൂരിലെ ഒരു ആഡിറ്റോറിയത്തില് നടന്ന ചടങ്ങില് മോഹന്ലാലും ഭാര്യ സുചിത്രയും മകന് പ്രണവും പങ്കെടുത്തിരുന്നു. അതിന്റെ സീഡി എനിക്കൊരാള് അയച്ചു തന്നു. അതില് ആന്റണി പെരുമ്പാവൂരിനെ കണ്ടപ്പോള് എനിക്ക് അതിശയം തോന്നി. തന്റെ എല്ലാമെല്ലാമായ മോഹന്ലാല് മകളുടെ വിവാഹനിശ്ചയത്തിന്റെ പേപ്പര് വായിക്കുന്ന ദൃശ്യം കണ്ടപ്പോള് എനിക്ക് ഭയങ്കര സന്തോഷം തോന്നി. തന്റെ എല്ലാമെല്ലാമായ മോഹന്ലാല് നില്ക്കുന്നത് കണ്ടപ്പോള് ആന്റണി പെരുമ്പാവൂരിവ് വലിയ സന്തോഷം തോന്നി. മോഹന്ലാലിന്റെ മനസാണ് അത്.
കഴിഞ്ഞ ജന്മത്തിലെ ആത്മബന്ധമാണ് അവര് തമ്മില്. ആന്റണി പെരുമ്പാവൂര് ഡൈവറായി വരുന്ന കാലത്ത് മോഹന്ലാലിനെ സുഹൃത്തുക്കള് നന്നായി മുടിച്ചിരുന്നു. മോഹല്ലാല് അഭിനയിച്ച് സൂപ്പര് ഹിറ്റായ സിനിമകളില് സുഹൃത്തുക്കള് നഷ്ടമെന്ന് പറഞ്ഞ് അഞ്ചിന്റെ പൈസ കൊടുത്തില്ല.
സിനിമയിലെ മികച്ച ഡ്രൈവറായ കുട്ടപ്പനോട്മോഹന്ലാല് ചോദിച്ചു എന്റെ കൂടെ വരുന്നോയെന്ന്. കുട്ടപ്പന് പറഞ്ഞു ഞാന് വേറെ ആളെ അയക്കാമെന്ന്. അങ്ങനെ വരുന്നയാളാണ് ആന്റണി പെരുമ്പാവൂര്. ആന്റണി പെരുമ്പാവര് മോഹന്ലാലിന്റെ െ്രെഡവറായി വരുന്ന കാലത്ത് മോഹന്ലാലിനെ ശരിക്ക് മുടിപ്പിച്ചിരുന്ന സുഹൃത്തുക്കളാണ് ഉണ്ടായിരുന്നത്. എല്ലാവരും പറ്റിക്കുകയായിരുന്നു.
ആന്റണി വന്നതോടു കൂടി മോഹന്ലാലിന്റെ ജീവിതത്തില് ഒരു ഡിസിപ്ളിന് വന്നു. ആന്റണി തീരുമാനിക്കും പ്രതിഫലം, ആന്റണി കഥ കേള്ക്കും. ആന്റണി ഓകെ പറഞ്ഞാലേ ആ കഥ മോഹന്ലാല് കേള്ക്കൂ. പരസ്യത്തില് അഭിനയിക്കാന് ആന്റണി പേരുമ്പാവൂര് പറയണം. അതുകൊണ്ടുള്ളൊരു ഗുണം എന്താണെന്ന് വച്ചാല് മോഹന്ലാല് അതുവരെ ഉണ്ടാക്കിയതിനേക്കാള് പതിന്മടങ്ങ് സാമ്പത്തിക സുരക്ഷിതത്വം ഉണ്ടാക്കാന് കഴിഞ്ഞൂവെന്ന് ഞാന് വിശ്വസിക്കുന്നു. മോഹന്ലാലിനെ എങ്ങനെ മാര്ക്കറ്റ് ചെയ്യാമെന്നും ആന്റണി പഠിപ്പിച്ചു. ബ്രഹ്മാണ്ട ചിത്രങ്ങള് ചെയ്യാനും അത് മാര്ക്കറ്റ് ചെയ്യാനും കഴിഞ്ഞു.
ആശിര്വാദ് സിനിമ കാണുമ്പോള് സന്തേഷമുണ്ട്. ഇങ്ങനെ വിശ്വസിക്കാവുന്ന ആളിനെ കിട്ടുന്നത് സന്തോഷമാണ്. നമ്മുടെ കൂടെ നിന്ന് പറ്റിക്കുന്നവരാണ് ഈ കാലത്തുള്ളത്. അതിനാല് തന്നെ ഒരു കുമ്പാരിയുടെ വേഷത്തില് മോഹന്ലാല് വിവാഹ നിശ്ചയിത്തിനെത്തുമ്പോള് ഇങ്ങനെ ആത്മാര്ത്ഥ ബന്ധമുണ്ടായിരുന്നെങ്കില് മലയാള സിനിമ രക്ഷപ്പെട്ടേനെ എന്ന് വിശ്വസിക്കുന്നതായി താന് കരുന്നു. ഇവരുടെ ബന്ധത്തിനെ എതിര്ക്കുന്നവര് ആഘോഷക്കമ്മിറ്റിക്കാരാണ്. എന്തിനാ എംബിഎയ്ക്കൊക്കെ പോകുന്നേ ആന്റണി പെരുമ്പാവൂരിന് പഠിച്ചാല് മതി എന്നു ഞാന് പറയും. അങ്ങനെ ആന്റണി പെരുമ്പാവൂരിലൂടെ മോഹന്ലാലും മോഹന്ലാലിലൂടെ ആന്റണി പെരുമ്പാവൂരും വളര്ന്നു. അവരിനിയും ഉയരങ്ങളിലെത്തട്ടെയെന്ന് പ്രാര്ത്ഥിക്കുന്നു. എന്നാണ് ശാന്തിവിള പറഞ്ഞ് നിര്ത്തുന്നത്. ഇതോടെ ശാന്തിവിളയെ വലിച്ച് കീറാന് വന്ന ലാല് ഫാന്സുകാര് കയ്യടിയും നല്കിയാണ് മടങ്ങുന്നത്.
"
https://www.facebook.com/Malayalivartha