പ്രതികളെ ഒരുമിച്ചിരുത്തി വിഐ പി മുറിയിൽ... '26' സംഭവങ്ങളുടെ ചുരുളഴിക്കാൻ രണ്ടാം ദിവസം.. ഇന്ന് വെള്ളംകുടിപ്പിക്കും... പിടിവള്ളിയായി ആ ഒരൊറ്റ വാക്ക്...
നടിയെ ആക്രമിച്ച സംഭവത്തിലും ഉന്നത പോലീസ് ഉദ്യോഗസ്ഥരെ അപായപ്പെടുത്താന് ഗൂഡാലോചന നടത്തിയ കേസിലുമായി നടന് ദിലീപിനെ ചോദ്യം ചെയ്യുന്നത് തുടരുന്നു. കളമശ്ശേരിയിലെ ക്രൈം ബ്രാഞ്ച് ആസ്ഥാനത്ത് നടക്കുന്ന ചോദ്യം ചെയ്യലിനായി നടന് ഹാജരായി . പ്രതികളെ ഒന്നിച്ചിരുത്തി ചോദ്യം ചെയ്യാനാണ് ക്രൈം ബ്രാഞ്ചിന്റെ നീക്കം. സഹോദരൻ അനൂപും സഹോദരീ ഭർത്താവ് സുരാജും ദിലീപിനൊപ്പം ഓഫീസിലെത്തിയിട്ടുണ്ട്. രാവിലെ 9ന് ഹാജരാകാനാണ് ദിലീപ് അടക്കമുള്ള അഞ്ച് പ്രതികളോടും ഹൈക്കോടതി നിർദേശിച്ചിരുന്നത്. രണ്ടാം ദിവസത്തെ ചോദ്യം ചെയ്യൽ എങ്ങനെവേണമെന്നത് സംബന്ധിച്ച രൂപരേഖ ഇന്നലെ വൈകുന്നേരം തന്നെ തയാറാക്കിയിരുന്നു.
മൂന്ന് ദിവസത്തെ ചോദ്യം ചെയ്യല് നാളെയോടെ അവസാനിക്കും. ആദ്യ ദിവസമായ ഇന്നലെ 11 മണിക്കൂറാണ് നടനെയും ഒപ്പമുള്ളവരേയും ചോദ്യം ചെയ്തത്. ഗൂഢാലോചന കേസിലും നടിയെ ആക്രമിച്ച കേസിലുമായി 26 സംഭവങ്ങളിലാണ് അന്വേഷണ സംഘം ചോദ്യങ്ങള് തയ്യാറാക്കിയിരിക്കുന്നത്. സംവിധായകന് ബാലചന്ദ്രകുമാര് വെളിപ്പെടുത്തിയ കാര്യങ്ങളും ഇതില് ഉള്പ്പെടും.
26 സംഭവങ്ങളിലും അഞ്ച് പ്രതികള്ക്കും തങ്ങളുടേതായ റോള് ഉണ്ട്. ഇത് എത്രത്തോളമെന്ന് ചോദ്യം ചെയ്യലില് തെളിയും. പ്രത്യേകം തയ്യാറാക്കിയ ചോദ്യാവലിയുടെ അടിസ്ഥാനത്തിലാണ് കാര്യങ്ങള് മനസ്സിലാക്കാന് അന്വേഷണ സംഘം ശ്രമിക്കുന്നത്. ആദ്യദിനം ദിലീപിനെ ക്രൈംബ്രാഞ്ച് 11 മണിക്കൂര് ചോദ്യംചെയ്തിരുന്നു. ദിലീപിന്റെ സഹോദരന് അനൂപ്, സഹോദരീഭര്ത്താവ് സൂരജ്, ഡ്രൈവര് അപ്പു, സുഹൃത്ത് ബൈജു ചെങ്ങമനാട് എന്നിവരാണ് ഞായറാഴ്ച ഹാജരായത്. ക്രൈംബ്രാഞ്ച് മേധാവി എസ്. ശ്രീജിത്തിന്റെ മേല്നോട്ടത്തില് എറണാകുളം ക്രൈംബ്രാഞ്ച് എസ്.പി. എം.പി. മോഹനചന്ദ്രന്റെ നേതൃത്വത്തിലായിരുന്നു ചോദ്യംചെയ്യല്. ചോദ്യങ്ങള്ക്ക് ദിലീപ് മറുപടി നല്കുന്നുണ്ട്, സഹകരിക്കുന്നോ എന്ന് ഇപ്പോള് പറയാന് കഴിയില്ലെന്ന് എസ്. ശ്രീജിത്ത് പറഞ്ഞു. മൊഴികള് വിശദമായി വിലയിരുത്തിയശേഷം ബാക്കികാര്യങ്ങള് തീരുമാനിക്കും. വി.ഐ.പി. ശരത്ത് ആണോ എന്ന് ഇപ്പോള് പറയാനാവില്ലെന്നും അദ്ദേഹം പറഞ്ഞു. രാവിലെ ഒമ്പതുമണിക്ക് ചോദ്യംചെയ്യല് തുടങ്ങി. അഞ്ചുപ്രതികളെയും ഒറ്റയ്ക്കിരുത്തിയാണ് ചോദ്യംചെയ്തത്. അവസാന ദിവസം ഒരുമിച്ചിരുത്തി ചോദ്യംചെയ്യാനാണ് തീരുമാനം. സംവിധായകന് ബാലചന്ദ്രകുമാറിനെ വിളിച്ചുവരുത്തി ചോദ്യംചെയ്യാനും അന്വേഷണസംഘം ആലോചിക്കുന്നുണ്ട്. ദിലീപിനെ ഉന്നത ഉദ്യോഗസ്ഥര് പ്രത്യേകം ചോദ്യംചെയ്തു. എ.ഡി.ജി.പി. എസ്. ശ്രീജിത്ത്, ഐ.ജി. യോഗേഷ് അഗര്വാള് എന്നിവരാണ് ദിലീപിനെ ഒരുമണിക്കൂര് ചോദ്യംചെയ്തത്.
രാവിലെ തയ്യാറാക്കിയ ചോദ്യങ്ങളില് മാറ്റംവരുത്തിയ ശേഷമായിരുന്നു ഉച്ചയ്ക്കുശേഷത്തെ ചോദ്യംചെയ്യല്. ബാലചന്ദ്രകുമാര് തന്നെ ബ്ലാക്ക്മെയില് ചെയ്തെന്ന് ദിലീപ് ആവര്ത്തിച്ചു. നടിയെ ആക്രമിച്ച ദൃശ്യങ്ങളെക്കുറിച്ചും ചോദ്യങ്ങളുണ്ടായി. ആരെയും നോവിച്ചിട്ടില്ലെന്നും വിചാരണക്കോടതിയില് ജഡ്ജി പറഞ്ഞപ്പോള്പ്പോലും ദൃശ്യം കാണാന് കൂട്ടാക്കാത്ത ആളാണ് താനെന്നും ദിലീപ് മറുപടിനല്കി. ചോദ്യംചെയ്യല് തുടങ്ങിയപ്പോള് 'ഓര്മയില്ലെന്ന' മറുപടിനല്കി ഒഴിഞ്ഞുമാറാന് പ്രതികള് ശ്രമിച്ചതായാണു വിവരം. പല നിര്ണായക ചോദ്യങ്ങള്ക്കും നടന് ദിലീപ് ഉള്പ്പെടെയുള്ള പ്രതികള് ഒരേ മറുപടിയാണു നല്കിയത്. കുഴപ്പമാകില്ലെന്നു ബോധ്യമുള്ള ചോദ്യങ്ങള്ക്കു മാത്രമാണ് ഇവര് മറുപടി നല്കിയത്.രാവിലെ 8.50-നാണ് ദിലീപ്, അനൂപ്, സൂരജ് എന്നിവര് ക്രൈംബ്രാഞ്ച് ഓഫീസിലെത്തിയത്.അതിനു മുമ്പുതന്നെ ബൈജു ചെങ്ങമനാട്, അപ്പു എന്നിവര് ഹാജരായിരുന്നു. മാധ്യമപ്രവര്ത്തകര് പ്രതികരണം ആരാഞ്ഞെങ്കിലും ദിലീപും കൂട്ടരും മറുപടിയൊന്നും നല്കിയില്ല.
https://www.facebook.com/Malayalivartha