ശ്രീനാരായണ ഗുരദേവനേയും സംഘികള് വെട്ടി
മുസ്ലീം പള്ളികളുടേയും മദ്രസകളുടേയും മുസ്സീം കച്ചവട സ്ഥാപനങ്ങളുടേയും പുറത്തു കുതിര കയറി രസിക്കുന്ന കര്ണാടകയിലെ സംഘപരിവാറും ബി.ജെ.പിയും ഇന്ത്യയുടെ നവോത്ഥാന നായകരില് പ്രമുഖനായ ശ്രീനാരായണ ഗുരുദേവനേയും വെറുതേ വിടാന് ഭാവമില്ല. ശ്രീനാരായണ ഗുരുദേവനേയും സംഘികള് വെട്ടുകയാണ്.
കര്ണാകത്തിലെ പത്താം ക്ലാസ് പാഠപുസ്തകത്തില് നിന്നാണ് സാമൂഹിക പരിഷ്കര്ത്താവും നാടിനെയാകെ പുതു വെളിച്ചതിലേക്ക് നയിക്കുകയും ചെയ്ത ഗുരുദേവനെ നാടുകടത്തിയത്. ആര്.എസ്.എസ്. സ്ഥാപകന് ഹെഡ്ഗേവാറുടെ പ്രസംഗം പാഠപുസ്തകത്തില് ഉള്പ്പെടുത്തി വിവാദത്തിലായ കര്ണാടക വിദ്യാഭ്യാസ വകുപ്പിന്റേതാണ് ഈ കടുംകൈ. കണാടക പാഠപുസ്തക സൊസൈറ്റിയുടെ വെബ്സൈറ്റില് അപ് ലോഡ് ചെിട്ടുള്ള സാമൂഹിക ശാസ്ത്രം ഒന്നാം ഭാഗത്തിലാണ് വിവാദ കൈ കടത്തല്.
കഴിഞ്ഞ വര്ഷത്തെ പാഠപുസ്തകത്തില് സാമൂഹികവും മതപരവുമായ സാമൂഹിക പ്രസ്ഥാനങ്ങള് എന്ന അഞ്ചാം പാഠത്തില് മറ്റു സാമൂഹിക പരിഷ്കത്താക്കളുടെ കൂട്ടത്തില് ഗുരുദേവനേയും ഉള്പ്പെടുത്തിയിരുന്നു. എന്നാല് പരിഷ്കരിച്ച പതിപ്പില് നിന്ന് ഒഴിവാക്കിയിരിക്കുകയാണ്. കഴിഞ്ഞ റിപ്ലബ്ലിക്ക് ദിന പരേഡില് നിന്ന് നാരായണ ഗുരുവുമായി ബന്ധപ്പെട്ട നിശ്ചല ദൃശ്യം കര്ണാടകയിലെ ബി.ജെ.പി. സര്ക്കാര് ഒഴിവാക്കിയത് വിവാദമായിരുന്നു.
പാഠപുസ്തക പുനര്നിര്ണയത്തില് കന്നഡയിലെ പല പുരോഗമന എഴുത്തുകാരുടേയും രചനകള് മനഃപൂര്വം ഒഴിവാക്കിയെന്നും ആക്ഷേപമുണ്ട്. ബി.ടി.ലളിത് നായിക്, അരവിന്ദ മലഗാട്ടി, കെ.നീല, എല്.ബസവരാജു തുടങ്ങിയവരുടെ രചനകളാണ് എഴ്, എട്ട് ക്ളാസുകളിലെ കന്നട ഒന്നാം ഭാഷാ പുസ്തകത്തില് നിന്ന് മാറ്റിയത്.
എന്നാല് ഹിന്ദുത്വ ആശയത്തിന്റെ പിന്തുണക്കാരായ എസ്.എല്.ഭൈരപ്പയുടെ രചന ഉള്പ്പെടുത്തുകയും ചെയ്തിട്ടുണ്ട്. മാറ്റേതോ ഇരുണ്ട ഗുഹിലേക്ക് നാടിനെ നയിക്കാന് ഒരുങ്ങുന്ന ബി.ജെ.പിയ്ക്ക് നാരായണഗുരദേവന് എന്ന വലിയ വെളിച്ചത്തേയും കെടുത്തേണ്ടതുണ്ട്. ഇനി ഏതൊക്കെ പ്രകാശങ്ങളാണ് അവരെ അന്ധരാക്കാനുള്ളതെന്ന് കാത്തിരുന്നു കാണാം.
https://www.facebook.com/Malayalivartha