കേരളത്തിലെ കാൻസർ, വൃക്ക, ക്ഷയരോഗികൾക്ക് നൽകി വരുന്ന പ്രതിമാസ പെൻഷൻ 2,000 രൂപയായി വർദ്ധിപ്പിച്ച് സംസ്ഥാന സർക്കാർ ഉത്തരവിറക്കി.

നിലവിൽ 1000 രൂപയായിരുന്നു ഉണ്ടായിരുന്നത്. ആരോഗ്യ വകുപ്പിൽ നിന്നുള്ള സർട്ടിഫിക്കറ്റിന്റെ അടിസ്ഥാനത്തിൽ ബി.പി.എൽ വിഭാഗത്തിൽപെട്ടവർക്കും സാമ്പത്തികമായി പിന്നാക്കം നിൽക്കുന്നവർക്കുമാണ് ഈ ആനുകൂല്യം ലഭിക്കുന്നത്.

2026-27 സംസ്ഥാന ബജറ്റിലെ പ്രഖ്യാപനത്തിന്റെ അടിസ്ഥാനത്തിലാണ് ആരോഗ്യ കുടുംബക്ഷേമ വകുപ്പ് നടപടി സ്വീകരിച്ചത്. പെൻഷൻ വർധനവുമായി ബന്ധപ്പെട്ട സർക്കാർ ഉത്തരവ് ആരോഗ്യ കുടുംബക്ഷേമ വകുപ്പ് 2026 ജൂലൈ 21ന് പുറത്തിറക്കിയിട്ടുണ്ട്.

ഉത്തരവ് നടപ്പാക്കാനായി മെഡിക്കൽ വിദ്യാഭ്യാസ ഡയറക്ടർ, ആരോഗ്യവകുപ്പ് ഡയറക്ടർ, ലാൻഡ് റവന്യൂ കമീഷണർ, ജില്ല കലക്ടർമാർ എന്നിവർക്ക് നിർദേശം നൽകുകയും ചെയ്തു.