ചങ്ങനാശ്ശേരിയില്‍ കൊലപാതകശ്രമക്കേസിലെ പ്രതികളെ പിടികൂടിയത് മണിക്കൂറുകള്‍ക്കുള്ളില്‍.... റെന്റ് എ കാര്‍ ബിസിനസുമായി ബന്ധപ്പെട്ട തര്‍ക്കമാണ് കൊലപാതകശ്രമത്തിലേക്ക് നയിച്ചത്, ആറംഗസംഘമാണ് പിടിയിലായത്
കൊലപാതകശ്രമക്കേസിലെ പ്രതികളെ മണിക്കൂറുകള്‍ക്കുള്ളില്‍ പിടികൂടി ചങ്ങനാശ്ശേരി പൊലീസ്. റെന്റ് എ കാര്‍ ബിസിനസുമായി ബന്ധപ്പെട്ട തര്‍ക്കമാണ് കൊലപാതകശ്രമത്തിലേക്ക് നയിച്ചത്. ആറംഗ സംഘത്തെയാണ് ചങ്ങനാശ്ശേരി പൊലീസിന്റെ വലയിലായത്.
ഫാത്തിമാപുരം പാറേല്‍ കോളനി സ്വദേശി സിജോ സെബാസ്റ്റ്യന്‍. അജേഷ് പി. ദാമോദരന്‍, സച്ചു കുശന്‍, ബെസ്റ്റിന്‍ ജോളിച്ചന്‍, തൃക്കൊടിത്താനം സ്വദേശി നിധിന്‍ ജോസഫ് ആലുംമൂടന്‍, കറുകച്ചാല്‍ സ്വദേശി ജയിത്ത് കുമാര്‍ എന്നിവരാണ് അറസ്റ്റിലായത്. തൃക്കൊടിത്താനം സ്വദേശിയായ മുഹമ്മദ് അഫ്‌സലിനെയാണ് ഇവര്‍ കൊലപ്പെടുത്താന്‍ ശ്രമം നടത്തിയത്.
പ്രതികളില്‍ നിന്ന് മുഹമ്മദ് അഫ്‌സല്‍, വാടകയ്ക്ക് കാര്‍ എടുത്തിട്ടുണ്ടായിരുന്നു. ഇത് തിരികെ നല്‍കിയില്ല. ഇതേ തുടര്‍ന്നാണ് ആറ് പേരും ചേര്‍ന്ന് ചങ്ങനാശ്ശേരിയില്‍ വെച്ച് മുഹമ്മദ് അഫ്‌സലിനെ കൊലപ്പെടുത്താന്‍ ശ്രമിച്ചത്.
കോട്ടയം എസ്പി കെ. കാര്‍ത്തിക് കേസ് അന്വേഷണത്തിന് പ്രത്യേക സംഘത്തെ നിയോഗിച്ചു. ചങ്ങനാശ്ശേരി എസ്എച്ച്ഒ റിച്ചാര്‍ഡ് വര്‍ഗീസിന്റെ നേതൃത്വത്തിലായിരുന്നു അന്വേഷണം നടത്തിയത്. മണിക്കൂറുകള്‍ക്കുള്ളില്‍ തന്നെ ആറംഗ സംഘത്തെ പൊലീസ് പിടികൂടി. പിടിയിലായവര്‍ നിരവധി കേസുകളില്‍ പ്രതികളാണ് .
"
https://www.facebook.com/Malayalivartha
