അടുത്ത മാറ്റിവെക്കല്‍ സെപ്റ്റംബര്‍ 12ന് അറിയിക്കുന്നതാണ്. ലാവലിന്‍ കേസ് പരിഗണിയ്ക്കുന്നത് സുപ്രീംകോടതി മാറ്റിയതില്‍ വന്‍ ട്രോള്‍. മറിച്ചൊരു വിധി നിങ്ങള്‍ പ്രതീക്ഷിച്ചിരുന്നോ നിഷ്‌കളങ്കരെ. ലാവലിന്‍ എന്റെ കോണ്‍ഫിഡന്‍സ് അല്ല അഹങ്കരമെന്ന് ക്ലിഫ് ഹൗസില്‍ തുള്ളിച്ചാടി പിണറായി. മലയാളിയെ പൊട്ടരാക്കാന്‍ തുടങ്ങിയിട്ട് കാലം കുറച്ചായി. ഒന്നും സംഭവിക്കാന്‍ പോകുന്നില്ല, പിണറായി ഊരിപ്പോരും. കാരണം കുറുക്കന്റെ ബുദ്ധിയാണ് ആ മനുഷ്യനെന്ന് മലയാളിയുടെ രോഷ പ്രകടനം. ഏറ്റവും കൂടുതല്‍ മാറ്റിവെച്ച കേസെന്ന ഗിന്നസ് റെക്കോര്‍ഡിടും ലാവലിന്‍ കേസ്. കേന്ദ്രവുമായുള്ള ആ അന്തര്‍ദ്ധാര ഈ സമയത്തൊക്കെയാണ് വെളിവാകുന്നതെന്ന് മലയാളികളുടെ കമന്റ്.

ലാവലിന്‍ കേസ് വീണ്ടും മാറ്റിവെച്ചു എന്ന വാര്‍ത്തയ്ക്ക് താഴെ കൂട്ടത്തോടെ കേറി മലയാളികളുടെ കമന്റുകള്‍. ഗിന്നസ് റെക്കോര്‍ഡിലേക്ക് പരിഗണിക്കാം. ഒന്ന് പറഞ്ഞ് തുലയ്ക്കുമോ ഇത്. മാറ്റും ഇതില്‍ ഒരത്ഭുതവും തോന്നിയില്ല. എന്റെ പൊന്നോ ഒന്നും വേണ്ട പിണറായി രൂപക്കൂടില്‍ വെക്കാന്‍ പറ്റുന്ന ഐറ്റം കൈകള്‍ ശുദ്ധമെന്നങ്ങ് വിധിച്ചേക്ക്. ലാവലിന്‍ കേസിനെന്നും പറഞ്ഞ് ഖജനാവില്‍ നിന്ന് പൊടിയ്ക്കുന്നത് കോടികളാണ്. ആ ധൂര്‍ത്തെങ്കിലും അവസാനിച്ചോട്ടെ. അന്തര്‍ദ്ധര മനസിലാകുന്നുണ്ട് കേട്ടോ മോദി ജീ തുടങ്ങി വലിയ ട്രോളാണ്.

ഇനി മാറ്റിവെക്കാന്‍ നിന്ന് മെനക്കെടണ്ട. ലാവലിന്‍ അങ്ങനൊരു സംഭവമേ ഇല്ലെന്ന് പ്രഖ്യാപിച്ചേക്ക്. കാലംകുറച്ചായ് ഇപ്പോള്‍ തേങ്ങയുടയ്ക്കും എന്ന് പറയാന്‍ തുടഹ്ങിയിട്ട്. ലാവലിനില്‍ സിബിഐ ആണ് അന്വേഷണം പൂട്ടാന്‍ ഒരവസരം കിട്ടിയിട്ട് എന്തേ ബിജെപി സര്‍ക്കാര്‍ വജ്രായുധം എടുത്ത് പ്രയോഗിക്കുന്നില്ല. അപ്പോള്‍ എന്തോ ഡീല്‍ നടന്നിട്ടുണ്ട്. ഇവരൊക്കെ മച്ചാ മച്ചാമാരാണ് ജനങ്ങളെ നിങ്ങള്‍ പൊട്ടരാകുന്നു അത്ര തന്നെ. സെപ്റ്റംബര്‍ 12ന് പരിഗണിക്കുമ്പോള്‍ അഭിഭാഷകന് വയറ് വേദന, മാരക രോഗം ഇതൊക്കെ വീണ്ടും മാറ്റിവെക്കുന്നു റിപ്പീറ്റ്. ഇതിങ്ങനെ നീണ്ട് നീണ്ട് പോകും. ജനങ്ങള്‍ കട്ടക്കലിപ്പിലാണ്.

സിബിഐക്ക് വേണ്ടി ഹാജരാകുന്ന അഡീഷണല്‍ സോളിസിസ്റ്റര്‍ ജനറല്‍ എസ് വി രാജുവിന്റെ അസൗകര്യം കണക്കിലെടുത്ത് ഹര്‍ജി അടുത്ത ചൊവാഴ്ച്ച പരിഗണിക്കാനായി മാറ്റണമെന്ന് സിബിഐ സുപ്രീം കോടതിയില്‍ ആവശ്യപ്പെട്ടു. എന്നാല്‍ ചൊവ്വാഴ്ച്ച കേസ് പരിഗണിച്ചാല്‍ ഹാജരാകുന്നതില്‍ അസൌകര്യമുണ്ടെന്ന് മുഖ്യമന്ത്രി പിണറായി വിജയന് വേണ്ടി ഹാജരായ മുതിര്‍ന്ന അഭിഭാഷകന്‍ ഹരീഷ് സാല്‍വെ കോടതിയെ അറിയിച്ചു. ഹര്‍ജികള്‍ പരിഗണിക്കുന്നത് സെപ്റ്റംബറിലേക്ക് മാറ്റണമെന്ന് സാല്‍വെ ആവശ്യം ഉന്നയിച്ചു. തുടര്‍ന്നാണ് കേസ് സെപ്റ്റംബറിലേക്ക് മാറ്റിയത്. നേരത്തെ മലയാളി കൂടിയായ ജസ്റ്റിസ് സി. ടി രവികുമാര്‍ പിന്‍മാറിയതോടെയാണ് പുതിയ ബെഞ്ചിലേക്ക് കേസെത്തിയത്. ഹൈക്കോടതിയില്‍ താന്‍ ഈ കേസില്‍ വാദം കേട്ടിരുന്നുവെന്ന് വ്യക്തമാക്കിയാണ് ജസ്റ്റിസ് സി.ടി രവികുമാര്‍ പിന്‍മാറിയത്. ഇതുവരെ 34 തവണയാണ് ഇതുവരെ ലാവ്‌ലിന്‍ കേസ് മാറ്റിവച്ചിട്ടുള്ളത്.

മുഖ്യമന്ത്രി പിണറായി വിജയന്‍ ഉള്‍പ്പെടെയുള്ളവരെ കുറ്റവിമുക്തരാക്കിയതിനെതിരായ സിബിഐ ഹര്‍ജിയും വിചാരണ നേരിടണമെന്ന ഹൈക്കോടതി വിധിക്കെതിരെയുള്ള മറ്റ് പ്രതികളുടെ ഹര്‍ജിയുമാണ് സുപ്രീം കോടതിയിലുള്ളത്. 1995 ഓഗസ്റ്റ് 10 ന് ഇടുക്കി ജില്ലയിലെ പള്ളിവാസല്‍, ചെങ്കുളം, പന്നിയാര്‍ ജലവൈദ്യുത പദ്ധതികളുടെ നവീകരണത്തിനായി കനേഡിയന്‍ കമ്പനിയായ എസ്.എന്‍.സി ലാവ്‌ലിനുമായി വൈദ്യുതി വകുപ്പ് കരാറില്‍ ഒപ്പുവെച്ചിരുന്നു. 374 കോടി രൂപയുടെ പദ്ധതി നവീകരണത്തില്‍ സംസ്ഥാനത്തിന് വലിയ സാമ്പത്തിക നഷ്ടമുണ്ടായെന്ന് 2005 ജൂലായ് 13ന് സി.എ.ജി റിപ്പോര്‍ട്ട് നല്‍കി.