ദൈവം തമ്പുരാന് തലപ്പത്ത് വന്നിരുന്നാലും കെഎസ്ആര്ടിസി നന്നാകില്ല;യൂണിയന്കാര് കയറി മുടിച്ച് വെച്ചിരിക്കുകയാണ്,യൂണിയനികളെ അടിച്ചോടിക്കണം,കൊടികുത്തി പൂട്ടിക്കല് ടീംസിനെ നിയന്ത്രിക്കാതെ സര്ക്കാര്,തലപ്പത്ത് വന്നിട്ടുള്ളവരൊക്കെ പ്രാകിയിട്ടേ ഇറങ്ങൂ
കെഎസ്ആര്ടിസിയുടെ തലപ്പത്ത് വന്നിട്ടുള്ള ആരും മനസമാധാനത്തോടെ ഇറങ്ങി പോയിട്ടില്ല പോകാന് അനുവദിച്ചിട്ടില്ലെന്ന് പറയുന്നതാണ് നല്ലത്. ബൃഹത്തായ ഒരു പൊതുമേഖലാ സ്ഥാപനത്തെ നശിപ്പിച്ച് നാറാണക്കല്ലെടുപ്പിച്ചത് ഈ യൂണിയന്കാരെല്ലാം ചേര്ന്നാണ്. അതില് സിഐടിയുവിന്റെ പേര് എടുത്ത് പറയണം. ഭരണ പാര്ട്ടിയുടെ തൊഴിലാളി സംഘടന കെഎസ്ആര്ടിസിയില് കാണിച്ച് കൂട്ടുന്ന തോന്നിവാസങ്ങള്ക്ക് കണക്കില്ല. എന്നിട്ടും ചോദ്യം ചെയ്യാതെ മൗനംപാലിക്കുന്നൊരു സര്ക്കാര്. യൂണിയന്കാര് മുടിഞ്ഞ് പോകട്ടെ എന്നും പറഞ്ഞാണ് തലപ്പത്ത് ഇരുന്നിട്ടുള്ളവരൊക്കെ പ്രാകിക്കൊണ്ട് ഇറങ്ങിപ്പോകാറ്. ഇപ്പോള് ബിജു പ്രഭാകറും അങ്ങനെ തന്നെ. യൂണിയനാണ് പ്രശ്നമെന്ന് ബിജു പ്രഭാകറും വെട്ടിത്തുറന്ന് പറഞ്ഞു. ഇതോടെ യൂണിയന്കാര്ക്കും ധനവകുപ്പിനും കണ്ണിലെ കരടാണിപ്പോള് ബിജു പ്രഭാകര്. കെഎസ്ആര്ടിസി നന്നാകാത്തതിന്റെ കുറ്റം മുഴുവന് ബിജു പ്രഭാകറിന്റെ തലയില് കൊണ്ടിട്ടുണ്ട്.
കെഎസ്ആര്ടിസിയില് യൂണിയന്കാരും ബിജു പ്രഭാകറും നേര്ക്കുനേര് പോരിനിറങ്ങിയതോടെ ുന് എംഡി ടോമിന് ജെ തച്ചങ്കരി രംഗത്ത് വന്നിരുന്നു. കെഎസ്ആര്ടിസിയുടെ ശാപം യൂണിയന്കാരാണെന്ന് ടോമിന് ജെ തച്ചങ്കരിയും തുറന്നടിച്ചത്. ഇവര് ഈ പ്രസ്ഥാനം നന്നാകാന് അനുവദിക്കില്ല. സിഐടിയു അടക്കമുള്ള തൊഴിലാളി യൂണിയനുകള് തച്ചങ്കരിയോട് പോരായിരുന്നു. ഗതാഗതമന്ത്രിയും ദേവസ്വംമന്ത്രിയും അടക്കമുള്ളവരുമായും തച്ചങ്കരി നല്ല ബന്ധത്തിലായിരുന്നില്ല. ഏറെ രാഷ്ട്രീയവിവാദങ്ങള്ക്കും തര്ക്കങ്ങള്ക്കുമൊടുവിലാണ് തച്ചങ്കരിയെ സ്ഥാനത്തു നിന്ന് മാറ്റിയത്. തൊഴിലാളി യൂണിയനുകളുമായി തച്ചങ്കരി ഒരു കാലത്തും നല്ല ബന്ധത്തിലായിരുന്നില്ല. ഗണേഷ് കുമാര് ഇരുന്നപ്പോഴും യൂണിയന്കാരുമായ് പോരായിരുന്നു. അങ്ങനെ തലപ്പത്ത് വരുന്നവരോട് യൂണിയന്റെ ചൊല്പ്പടിക്ക് നിന്നില്ലെങ്കില് വല്ലാത്ത മുറുമുറുപ്പാണ്.
അല്ലെങ്കില് ഒരു സംരംഭവും നന്നായ് നടന്നുപോകുന്നത് യൂണിയന്കാര്ക്ക് പിടിക്കില്ലല്ലോ. കൊടികുത്തി പൂട്ടിക്കല് ടീംസ് കെഎസ്ആര്ടിസിയുടെ പുക കണ്ടേ അടങ്ങൂ. ഇതിനിടയില്പ്പെട്ട് പോകുന്ന കുറേ മനുഷ്യരുണ്ട് ശമ്പളം കിട്ടില്ലെന്നറിഞ്ഞിട്ടും രാവന്തിയോളം പണിയെടുക്കുന്ന ജീവനക്കാര്. അവരിപ്പോഴും പണിക്ക് വരുന്നുണ്ട്, ഇവിടുത്തെ ഡ്യൂട്ടി കഴിഞ്ഞ് മറ്റ് ജോലികല്ക്കും കൂടി പോയി കുടുംബം പോറ്റുകയാണിവര്. പിന്നെ യൂണിയന്കാര്ക്ക് സുഖമല്ലെ പണി എടുക്കണ്ട ഇങ്ങനെ ഭരിപ്പിക്കലാണല്ലോ അവരുടെ പണി. മേലനങ്ങി ഒരു പണിയെടുക്കില്ല എന്നാലും ചെയ്യുന്ന ദ്രോഹത്തിന് ഒരു കുറവും ഇല്ല. മറ്റെല്ലാ സംസ്ഥാനത്തും കെഎസ്ആര്ടിസി ലാഭത്തിലാണ് പക്ഷെ കേരളത്തില് മാത്രം നഷ്ടത്തില്. കടമെടുത്താണ് ശമ്പളവും പെന്ഷനും കൊടുക്കുന്നത്. സര്ക്കാരിന്റെ പിടിപ്പുകേടും യൂണിയന്കാരുടെ അഴിഞ്ഞാട്ടവും കെഎസ്ആര്ടിസിയെ പടുകുഴിയിലാക്കിയത്. സ്വകാര്യ ബസ്സുകളോട് കൈമടക്ക് വാങ്ങി റൂട്ട് വെട്ടിക്കുന്ന കെഎസ്ആര്ടിസി ജീവനക്കാര്, സ്പെയര് പാട്സ് വാങ്ങുന്നതില് അഴിമതി കാണിക്കുന്നവര്, സ്പെയര് പാട്സ് അടിച്ചുമാറ്റി വില്ക്കുന്നവര് തുടങ്ങി ക്കകു്നന ടീംസ് വേറെ.
ബിജു പ്രഭാകര് കുറേ കാര്യങ്ങള് വെട്ടിത്തുറന്ന് പറഞ്ഞിട്ടുണ്ട്. ജീവനക്കാരില് ഒരു വിഭാഗം മാഹിയില് നിന്ന് കെഎസ്ആര്ടിസി ബസ്സില് മദ്യം കടത്തുന്നവരാണ് എന്നും നാഗര്കോവില് നിന്ന് അരി കടത്തുന്നവരാണ് എന്നും കുറ്റപ്പെടുത്തിയിരുന്നു. ഒരു വിഭാഗം ജീവനക്കാര് കെഎസ്ആര്ടിസിയില് അരക്ഷിതാവസ്ഥ ഉണ്ടാക്കുന്നു. മാനേജ്മെന്റിനെതിരെ നിരന്തരം കള്ള വാര്ത്തകള് നല്കുന്നു. മന്ത്രിയും എംഡിയും വില്ലന്മാരാണെന്ന് വരുത്തി തീര്ക്കുന്നു. ഏത് റിപ്പോര്ട്ട് വന്നാലും സര്വീസ് സംഘടനകള് അറബിക്കടലില് എറിയുന്നു. ഒരു വിഭാഗം ജീവനക്കാര് അരക്ഷിതാവസ്ഥ ഉണ്ടാക്കുന്നു,ചില കുബുദ്ധികള് ആണ് കെഎസ്ആര്ടിസി നന്നാവാന് സമ്മതിക്കാത്തത്'കെഎസ്ആര്ടിസി നന്നാവരുതെന്ന് ആഗ്രഹിക്കുന്നവരാണ് ഇതിനെല്ലാം പിന്നില്. 1243 പേര് മാസം 16 ഡ്യൂട്ടി പോലും ചെയ്യുന്നില്ല.
https://www.facebook.com/Malayalivartha
