അമിതഭാരം കയറ്റാന് ഉയരം വര്ധിപ്പിക്കലടക്കം വരുത്തിയ ചരക്ക് വാഹനങ്ങളുടെ ഫിറ്റ്നസ് സര്ട്ടിഫിക്കറ്റ് സസ്പെന്ഡ് ചെയ്യണമെന്ന് ഹൈക്കോടതി
അമിതഭാരം കയറ്റാന് ഉയരം വര്ധിപ്പിക്കലടക്കം വരുത്തിയ ചരക്ക് വാഹനങ്ങളുടെ ഫിറ്റ്നസ് സര്ട്ടിഫിക്കറ്റ് സസ്പെന്ഡ് ചെയ്യണമെന്ന് ഹൈക്കോടതി.
. അനധികൃത ഭാഗങ്ങള് നീക്കി വാഹനം ഹാജരാക്കി അനുമതി നല്കുന്നതു വരെ സര്ട്ടിഫിക്കറ്റ് അനുവദിക്കരുതെന്നാണ് ജസ്റ്റിസ് അനില് കെ. നരേന്ദ്രന്റെ ഉത്തരവ്.
റോഡ് സുരക്ഷ മാനദണ്ഡങ്ങള് ലംഘിച്ച് വാഹനങ്ങള് ഓടിക്കുകയോ ഓടിക്കാന് അനുവദിക്കുകയോ ചെയ്യുന്നവര്ക്കെതിരെ നടപടികള് സ്വീകരിച്ച് മജിസ്ട്രേറ്റ് കോടതി മുമ്പാകെ ഹാജരാക്കേണ്ടതാണ്.
മോട്ടോര് വാഹന വകുപ്പിലെ എന്ഫോഴ്സ്മെന്റ് ഓഫിസര്മാര് നടപടികളെടുക്കുകയും വേണമെന്ന് കോടതി നിര്ദേശിക്കുകയും ചെയ്തു.തിരുവനന്തപുരത്ത് വിഴിഞ്ഞത്തും കാലടി താന്നിപ്പുഴയിലും അമിതഭാരം കയറ്റിയ ടോറസ് ലോറികളുണ്ടാക്കിയ അപകടത്തില് മൂന്ന് യുവാക്കള് മരിച്ച സംഭവത്തിന്റെകൂടി അടിസ്ഥാനത്തിലാണ് കോടതിയുടെ ഇടക്കാല ഉത്തരവ്. നിയമലംഘനം നടത്തുന്ന വാഹനങ്ങളുടെ രജിസ്ട്രേഷനും ഫിറ്റ്നസ് സര്ട്ടിഫിക്കറ്റും റദ്ദാക്കണമെന്ന് മുമ്പ് ഉത്തരവ്പുറപ്പെടുവിച്ചിരുന്നതായി കോടതി ചൂണ്ടിക്കാട്ടി.
ഇത്തരം വാനങ്ങള് പിടികൂടി വിട്ടയക്കുമ്പോള് റോഡ് സുരക്ഷ മാനദണ്ഡങ്ങള് ലംഘിക്കുന്നില്ലെന്ന് പൊലീസും വാഹന വകുപ്പ് അധികൃതരും ഉറപ്പുവരുത്തണമെന്നും ഉദ്യോഗസ്ഥരുടെ കൃത്യനിര്വഹണം തടസ്സപ്പെടുത്തുന്നവര്ക്കെതിരെ നടപടി സ്വീകരിക്കണമെന്നും ഉത്തരവില് നിര്ദേശിച്ചിരുന്നു. എന്നാല്, ഇവ പാലിക്കുന്നില്ലെന്ന് കോടതി ചൂണ്ടിക്കാട്ടുകയും ചെയ്തു.
"
https://www.facebook.com/Malayalivartha