ബില്ലുകളുമായി ബന്ധപ്പെട്ട് പല പരാതികളുമുണ്ടായിരുന്നു അത് പരിശോധിക്കാന് സമയമെടുത്തു.... ബില്ലുകളെല്ലാം നേരത്തെ ഒപ്പിട്ടിരുന്നതാണെന്ന് ഗവര്ണര് ആരിഫ് മുഹമ്മദ് ഖാന്...
ബില്ലുകളെല്ലാം നേരത്തെ ഒപ്പിട്ടിരുന്നതാണെന്ന് ഗവര്ണര് ആരിഫ് മുഹമ്മദ് ഖാന്. ബില്ലുകളുമായി ബന്ധപ്പെട്ട് പല പരാതികളും കിട്ടിയിരുന്നു. അത് പരിശോധിക്കുന്നതിന് വേണ്ടിയാണ് സമയം എടുത്തതെന്നും ആരിഫ് മുഹമ്മദ് ഖാന് വിശദീകരിച്ചു. സംസ്ഥാനം കോടതിയെ സമീപിച്ചതിന് ഇതുമായി ബന്ധമില്ലെന്നും ഗവര്ണര് കൂട്ടിച്ചേര്ത്തു. മൊത്തത്തില് പോളിംഗ് ശതമാനം സംതൃപ്തി നല്കുന്നതെന്നും സംസ്ഥാനത്തെ പോളിംഗ് കുറഞ്ഞത് തെരഞ്ഞെടുപ്പ് കമ്മീഷന് പരിശോധിക്കട്ടെ എന്നും ആരിഫ് മുഹമ്മദ് ഖാന് .
ഭൂ പതിവ് നിയമ ഭേദഗതി ബില് അടക്കം പരിഗണനയിലിരുന്ന അഞ്ച് ബില്ലുകളിലാണ് ഒടുവില് ഗവര്ണര് ഒപ്പുവച്ചിരിക്കുന്നത്. ഈ ബില്ലുകള് പാസാക്കുന്നില്ലെന്നത് കാട്ടി സിപിഎം ഗവര്ണര്ക്കെതിരെ സമരം നടത്തിയിട്ടുണ്ടായിരുന്നു.
നെല് വയല് നീര്ത്തട നിയമ ഭേദഗതി ബില്, ക്ഷീരസഹകരണ ബില്, സഹകരണ നിയമ ഭേദഗതി ബില്, ഭൂ പതിവ് നിയമ ഭേദഗതി ബില്, അബ്കാരി നിയമ ഭേദഗതി ബില് എന്നീ ബില്ലുകളിലാണ് ഒപ്പ് വച്ചിരിക്കുന്നത്. രാജ്ഭവന്റെ പരിഗണനയിലുണ്ടായിരുന്ന മുഴുവന് ബില്ലുകള്ക്കും ഇതോടെ അനുമതിയായിരിക്കുകയാണ്. കൂട്ടത്തില് ഭൂപതിവ് നിയമ ഭേദഗതി ബില്ല് ഏറെ പ്രധാനമായിട്ടുള്ളതാണ്.
ഈ ബില്ല് പാസാക്കാത്തതിനെതിരെയാണ് സിപിഎം കാര്യമായ പ്രതിഷേധം നടത്തിയിരുന്നത്. മറ്റ് പാര്ട്ടികളും ഇതിനെതിരെ ശബ്ദമുയര്ത്തിയതാണ്. പട്ടയഭൂമി കാര്ഷികാവശ്യങ്ങള്ക്ക് മാത്രമേ ഉപയോഗിക്കാവൂയെന്ന രീതിയാണ് ഈ ബില്ല് കൊണ്ട് മാറുക. എന്നാല് ബില്ലിനെതിരെയും പല വിമര്ശനങ്ങളുയര്ന്നിരുന്നു.
"
https://www.facebook.com/Malayalivartha