ഇന്ത്യയില് വികസിപ്പിച്ച കോവിഡ് പ്രതിരോധ വാക്സിന് കോവിഷീല്ഡിന് ലോകാരോഗ്യ സംഘടന അംഗീകാരം...
ഭാരതം തന്നെ ലോകഗുരു... ലോകം അത് ഏറ്റെടുത്തു. വിമര്ശകരുടെ വായടിപ്പിക്കുന്ന മറുപടിയുമായി ലോകാരോഗ്യസംഘടന തന്നെ രംഗത്ത് വന്നു...അവികസിത രാജ്യങ്ങളിലെ വിതരണത്തിന് ഏറ്റവും അനുയോജ്യമാണെന്നും ആഗോള തലത്തില് ഉപയോഗിക്കാമെന്നും കോവിഷീല്ഡിന് ലോകാരോഗ്യ സംഘടനയുടെ അംഗീകാരം. നാല് ആഴ്ചകളുടെ പഠനകള്ക്ക് ശേഷമാണ് ലോകാരോഗ്യ സംഘടന കൊവിഷീല്ഡിന് അനുമതി നല്കിയിരിക്കുന്നത്
ഇന്ത്യയില് വികസിപ്പിച്ച കോവിഡ് പ്രതിരോധ വാക്സിന് കോവിഷീല്ഡിന് ലോകാരോഗ്യ സംഘടന അംഗീകാരം... വാക്സിന് ആഗോള തലത്തില് ഉപയോഗിക്കാനും ഡബ്ല്യൂഎച്ച്ഒ ഇതോടൊപ്പം അംഗീകാരം നല്കി. വാക്സിന് വിലകുറഞ്ഞതും സൂക്ഷിക്കാന് എളുപ്പമുള്ളതുമെന്ന് ഡബ്ല്യുഎച്ച്ഒ അറിയിച്ചു. അവികസിത രാജ്യങ്ങളിലെ വിതരണത്തിന് ഏറ്റവും യോജ്യമെന്നും വിലയിരുത്തല്. ഓക്സ്ഫഡ് സര്വ്വകലാശാലയും ആസ്ട്രാസെനകയും സംയുക്തമായി വികസിപ്പിച്ചെടുത്ത വാക്സിന് പൂനെയിലെ സെറം ഇന്സ്റ്റിറ്റ്യൂട്ടിലാണ് നിര്മിക്കുന്നത്.
സെറം ഇന്സ്റ്റിറ്റ്യൂട്ടില് നിര്മ്മിച്ച കൊവിഷീല്ഡ് വാക്സിന് ഇന്ത്യയില് അടിയന്തിര ഉപയോഗത്തിന് അനുമതി ലഭിച്ചിരുന്നു. തുടര്ന്ന് നിരവധി രാജ്യങ്ങള്ക്ക് ഇന്ത്യ വാക്സിന് വിതരണം ചെയ്തു. ലോകാരോഗ്യ സംഘടനയുടെ ഈ തീരുമാനം പുറത്തുവന്നതോടെ യുഎന് പിന്തുണയോടെയുള്ള കോവിഡ് നിര്മാര്ജന പദ്ധതിയുടെ ഭാഗമായി വിവിധ രാജ്യങ്ങള്ക്കായി വാക്സിന് നല്കാനാകും.
ഓക്സ്ഫഡ് സര്വകലാശാലയും അസ്ട്രസെനെക ചേര്ന്നുവികസിപ്പിച്ച കോവിഡ് വാക്സിന്റെ ഫലപ്രാപ്തിയെക്കുറിച്ച് ആശങ്കയില്ലെന്ന് ഇന്ത്യ വ്യക്തമാക്കി. വാക്സിനേഷനായി ഒരു കോടി ഡോസുകള് കൂടി ഇന്ത്യ ഓഡര് ചെയ്തു. ദക്ഷിണാഫ്രിക്ക വാക്സിന് വിതരണം നിര്ത്തിവെച്ച സാഹചര്യത്തിലാണ് ഇന്ത്യ നേരത്തെ ഇക്കാര്യം വ്യക്തമാക്കിയത്. കോവിഡിന്റെ ദക്ഷിണാഫ്രിക്കന് വകഭേദത്തിനെതിരേ കുറഞ്ഞ സംരക്ഷണമാണ് വാക്സിന് നല്കുന്നതെന്ന് ഗവേഷകര് കണ്ടെത്തിയതിനെത്തുടര്ന്ന് ദക്ഷിണാഫ്രിക്ക ഇതിന്റെ ഉപയോഗത്തില് കുറവ് വരുത്തിയിരുന്നു.
അമേരിക്കയ്ക്ക് ശേഷം ഏറ്റവും കൂടുതല് കോവിഡ് കേസുകള് റിപ്പോര്ട്ട് ചെയ്തിട്ടുള്ള ഇന്ത്യയില് ഇതുവരെ ദക്ഷിണാഫ്രിക്കന് വകഭേദം റിപ്പോര്ട്ട് ചെയ്തിട്ടില്ല. രാജ്യത്തിന്റെ വാക്സിനേഷന് പ്രോഗ്രാം ശക്തമാണെന്നും ഇതുമായി മുന്നോട്ട് പോകുകയാണെന്നും ഇക്കാര്യത്തില് ആശങ്കപ്പെടേണ്ടതില്ലെന്നും ജാഗ്രത ശക്തമാക്കുകയും മറ്റ് സംഭവവികാസങ്ങള് യഥാസമയം നിരീക്ഷിച്ചുവരികയാണെന്നും ഇന്ത്യ നയം വ്യക്തമാക്കിയിരുന്നു. നേരത്തെ വിതരണം ചെയ്തതിന് പുറമേ ഒരു കോടി കോവിഷീല്ഡ് ഡോസുകള്ക്ക് ഇന്ത്യ ഓഡര് നല്കിയിട്ടുണ്ടെന്ന് സിറം ഇന്സ്റ്റിറ്റ്യൂട്ട് വക്താവ് വാര്ത്താ ഏജന്സിയായ റോയിട്ടേഴ്സിനോട് പറഞ്ഞു.
കുറഞ്ഞത് 10 കോടി വാക്സിന് ഡോസുകള് സര്ക്കാരിന് 200 രൂപ നിരക്കില് വില്ക്കാമെന്ന് സിറം ഇന്സ്റ്റിറ്റ്യൂട്ട് സമ്മതിച്ചിട്ടുണ്ട്. ജനുവരി 16നാണ് രാജ്യത്ത് വാക്സിന് ആരംഭിച്ചത്. കോവിഷീല്ഡിന് പുറമേ ഭാരത് ബയോടെക്കിന്റെ കോവാക്സിനും ഇന്ത്യ അടിയന്തര ഉപയോഗത്തിനുള്ള അനുമതി നല്കിയിരുന്നു.
ആരോഗ്യ പ്രവര്ത്തകര്, മുന്നിര പ്രവര്ത്തകര് എന്നിവര്ക്കാണ് ആദ്യഘട്ടത്തില് വാക്സിന് നല്കുന്നത്. ഇതുവരെ 60,35,660 പേര് കോവിഡ് പ്രതിരോധ കുത്തിവെപ്പ് സ്വീകരിച്ചതായി കേന്ദ്ര ആരോഗ്യമന്ത്രാലയം വ്യക്തമാക്കിയിരുന്നു.
https://www.facebook.com/Malayalivartha
