രാജ്യത്തെനെതിരെ നടന്ന ഗൂഡാലോചനകള് ഒന്നൊന്നായി പൊളിക്കുകയാണ് കേന്ദ്രം... ഏറ്റവുമൊടുവില് ടൂള്കിറ്റുമായി ബന്ധപ്പെട്ട അന്വേഷണം പാക്ക് ചാരസംഘടനയിലേക്കും നീങ്ങുന്നുവെന്ന് സൂചനകള്... അതേസസമയം രാഷ്ട്രീയ പ്രേരിത അറസ്റ്റിന് നീക്കമെന്ന നിലപാടില് നികിത രംഗത്ത് വന്നിരിക്കുകയാണ്
രാജ്യത്തെനെതിരെ നടന്ന ഗൂഡാലോചനകള് ഒന്നൊന്നായി പൊളിക്കുകയാണ് കേന്ദ്രം. ഏറ്റവുമൊടുവില് ടൂള്കിറ്റുമായി ബന്ധപ്പെട്ട അന്വേഷണം പാക്ക് ചാരസംഘടനയിലേക്കും നീങ്ങുന്നുവെന്നാണ് സൂചനകള്. അതേസസമയം രാഷ്ട്രീയ പ്രേരിത അറസ്റ്റിന് നീക്കമെന്ന നിലപാടില് നികിത രംഗത്ത് വന്നിരിക്കുകയാണ്.
കര്ഷകപ്രക്ഷോഭത്തെ പിന്തുണച്ചുള്ള 'ടൂള്കിറ്റ്' സമൂഹമാധ്യമ പ്രചാരണത്തിന്റെ പേരില് അറസ്റ്റില് നിന്ന് ഇടക്കാല സംരക്ഷണം തേടി ബോംബെ ഹൈക്കോടതിയിലെ മലയാളി അഭിഭാഷക നികിത ജേക്കബ്. വാറണ്ട് പുറപ്പെടുവിച്ച കോടതിയില് സ്ഥിര ജാമ്യപേക്ഷ സമര്പ്പിക്കുന്നതിന് നാലാഴ്ച സമയം വേണമെന്നും, അതുവരെ പൊലീസ് നടപടി തടയണമെന്ന് ആവശ്യപ്പെട്ട് നികിത ബോംബെ ഹൈക്കോടതിയെ സമീപിച്ചു.
അന്വേഷണവുമായി സഹകരിച്ചിരുന്നു. തനിക്കെതിരെ എഫ്ഐആര് പോലും നല്കാത്ത കേസില് രാഷ്ട്രീയ പ്രേരിതമായി അറസ്റ്റ് ചെയ്യാനുള്ള ശ്രമമാണ് നടക്കുന്നത്. മത രാഷ്ട്രീയ സാമ്പത്തിക അജന്ഡകള് തനിക്കില്ലെന്നും ഹര്ജിയില് നികിത വ്യക്തമാക്കുന്നു.
ജസ്റ്റിസ് പി.ഡി.നായ്ക്കിന്റെ സിംഗിള് ബെഞ്ചാണ് ഹര്ജി കേള്ക്കുന്നത്. കേസിലെ മറ്റൊരു പ്രതിയായ പരിസ്ഥിതി പ്രവര്ത്തകന് ശാന്തനു മുളുകും സമാന ഹര്ജിയുമായി ഹൈക്കോടതിയുടെ ഔറംഗാബാദ് ബെഞ്ചിനെ സമീപിച്ചിട്ടുണ്ട്. കേസില് ശനിയാഴ്ച ദിശ രവിയെ ബെംഗളൂരുവില്നിന്ന് അറസ്റ്റ് ചെയ്തു ഡല്ഹിയിലെത്തിച്ചത് ട്രാന്സിറ്റ് വാറന്റ് ഉള്പ്പെടെയുള്ള നടപടിക്രമങ്ങള് പാലിക്കാതെയാണെന്ന ആരോപണം ശക്തമാകുന്നതിനിടെയാണ് !ഡല്ഹി പൊലീസ് നികിതയ്ക്കും ശാന്തനുവിനും എതിരെ ജാമ്യമില്ലാ വാറന്റ് പുറപ്പെടുവിച്ചത്. ഖലിസ്ഥാന് ബന്ധമെന്ന വാദം ആവര്ത്തിച്ച പൊലീസ്, പാക്ക് ചാരസംഘടന ഐഎസ്ഐയിലേക്കു കൂടി അന്വേഷണം വ്യാപിപ്പിച്ചു.
സ്വീഡിഷ് പരിസ്ഥിതിപ്രവര്ത്തക ഗ്രേറ്റ ട്യൂന്ബെര്ഗ് പോസ്റ്റ് ചെയ്ത 'ടൂള്കിറ്റ്' മാര്ഗരേഖയുമായി ബന്ധപ്പെട്ട നടപടികള് ദിശ, നികിത, ശാന്തനു എന്നിവര് ഏകോപിപ്പിച്ചെന്നാണു പൊലീസിന്റെ വാദം. ഈ മാസം 11നു മുംബൈ ഗോരേഗാവിലെ നികിതയുടെ ഫ്ലാറ്റില് തിരച്ചില് നടത്തിയ പൊലീസ് ലാപ്ടോപ്പും മൊബൈല് ഫോണും മറ്റും പിടിച്ചെടുത്തിരുന്നു.
21 വയസ്സുള്ള ദിശയുടെ അറസ്റ്റ് ജനാധിപത്യത്തിനു നേരെയുള്ള ആക്രമണമാണെന്നും കര്ഷകരെ പിന്തുണയ്ക്കുന്നതു കുറ്റമല്ലെന്നും ഡല്ഹി മുഖ്യമന്ത്രി അരവിന്ദ് കേജ്!രിവാള് പറഞ്ഞു. രാഹുല് ഗാന്ധി, പ്രിയങ്ക ഗാന്ധി, ചരിത്രകാരന് രാമചന്ദ്ര ഗുഹ, അഭിനേതാക്കളായ പ്രകാശ് രാജ്, സിദ്ധാര്ഥ്, സ്വര ഭാസ്കര്, ചേതന് കുമാര്, ഗായിക ചിന്മയി ശ്രീപാദ, കര്ണാടക സംഗീതജ്ഞന് ടി.എം കൃഷ്ണ തുടങ്ങിയവരും സംയുക്ത കിസാന് മോര്ച്ചയും പ്രതിഷേധവുമായി രംഗത്തുവന്നു.
നടപടിക്രമങ്ങള് പാലിച്ച്, അമ്മയുടെയും സ്ഥലത്തെ പൊലീസ് ഉദ്യോഗസ്ഥരുടെയും സാന്നിധ്യത്തിലാണ് ദിശയെ ബെംഗളൂരുവില് നിന്ന് അറസ്റ്റ് ചെയ്തതെന്നു ഡല്ഹി പൊലീസ് പ്രതികരിച്ചു. ഏതായാലും സംഭവത്തിന് പിന്നിലുള്ള മുഴുവന് പേരെയും നിയമത്തിന് മുന്നില് കൊണ്ടുവരുമെന്ന ഉറച്ച നിലപാടിലാണ് കേന്ദ്രം.
https://www.facebook.com/Malayalivartha
