രാജ്യദ്രോഹ മുദ്രാവാക്യങ്ങള് വിളിച്ചുവെന്ന കേസില് ഉമര് ഖാലിദിനും കനയ്യകുമാറിനുമെതിരെ സമന്സ്
രാജ്യദ്രോഹ മുദ്രാവാക്യങ്ങള് വിളിച്ചുവെന്ന കേസില് വിദ്യാര്ത്ഥി നേതാക്കളായ ഉമര് ഖാലിദിനും കനയ്യകുമാറിനുമെതിരെ സമന്സ്. 2016 ഫെബ്രുവരിയില് ജവഹര്ലാല് നെഹ്റു സര്വകലാശാലയില് രാജ്യവിരുദ്ധ മുദ്രാവാക്യങ്ങള് വിളിച്ചുവെന്ന കേസിലാണ് കനയ്യകുമാര്, ഉമര് ഖാലിദ്, അനിര്ബന് ഭട്ടാചാര്യ തുടങ്ങിയ പത്ത് പേര്ക്ക് എതിരെ കോടതി സമന്സ് നോട്ടീസ് അയച്ചത്. മാര്ച്ച് 15 ന് മുന്പായി കോടതിയില് ഹാജരാകണം എന്ന് ആവശ്യപ്പെട്ടായിരുന്നു ഡല്ഹി പാട്യാല ഹൗസ് കോടതി സമന്സ് അയച്ചത്.
കനയ്യ കുമാറും ഉമര് ഖാലിദും കൂടാതെ ഖാലിദ് ബഷീര് ഭട്ട്, ബഷാറത്ത് അലി, റയീസ് റസൂല്, ഉമര് ഗുല്, മുനീബ് ഹുസൈന് ഗാട്ടൂ, ഹുസൈന് ഗാട്ടൂ, അക്യൂബ് ഹുസൈന് എന്നിവര്ക്കും കോടതി സമന്സ് അയച്ചിട്ടുണ്ട്. ഡല്ഹി പോലീസിന്റെ കുറ്റപത്രത്തിന്റെ അടിസ്ഥാനത്തിലാണ് കോടതി നടപടി. 2016 ഫെബ്രുവരി 9 ന് ജെ എന് യു വില് സംഘടിപ്പിച്ച പരിപാടിയില് പാര്ലമെന്റ് ഭീകരാക്രമണത്തിലെ മുഖ്യ സൂത്രധാരനായ അഫ്സല് ഗുരുവിനെ തൂക്കിലേറ്റിയതിനെതിരെ ദേശ വിരുദ്ധ മുദ്രാവാക്യങ്ങള് വിളിച്ചെന്ന കേസിലാണ് ഇപ്പോള് കോടതി നടപടി.
https://www.facebook.com/Malayalivartha
