ബം​ഗ​ളൂ​രുവില ബിസിനസ്കാരന്റെ വീട്ടിൽ വ്യാജ റെയ്ഡ് നടത്തിയ ഇ.​ഡി ഉ​ദ്യോ​ഗ​സ്ഥ​ന്‍ അ​റ​സ്​​റ്റി​ല്‍. ആറുലക്ഷം രൂപ തട്ടി എടുത്തതിൽ ബിസിനസ്കാരൻ നൽകിയ പരാതിയിലാണ് എ​ന്‍ഫോ​ഴ്‌​സ്‌​മെന്‍റ് ഡ​യ​റ​ക്ട​റേ​റ്റ് ഉ​ദ്യോ​ഗ​സ്ഥ​നെ​യും സ​ഹാ​യി​യെ​യും സി.​ബി.​ഐ അ​റ​സ്​​റ്റ് ചെയ്തത്. എ​ന്‍ഫോ​ഴ്‌​സ്‌​മെന്‍റ് ഡ​യ​റ​ക്ട​റേ​റ്റ് മ​ള്‍​ട്ടി ടാ​സ്​​ക്കി​ങ് സ്​​റ്റാ​ഫാ​യ ഡി. ​ച​ന്ന​കേ​ശ​വ​ലു, സ​ഹാ​യി വീ​രേ​ഷ് എന്നിവരേയാണ് അറസ്റ്റ് ചെയ്തത്.

ഹോ​ട്ട​ല്‍ ന​ട​ത്തി​പ്പു​കാ​ര​നാ​യ ബം​ഗ​ളൂ​രു സ്വ​ദേ​ശി​യി​ല്‍നി​ന്നാ​ണ് ഇ​വ​ര്‍ പ​ണം തട്ടിയെടുത്തത്. ഹോ​ട്ട​ലി‍െന്‍റ പേ​രി​ല്‍ ഒ​ട്ടേ​റെ പ​രാ​തി​ക​ള്‍ ല​ഭി​ച്ചി​ട്ടു​ണ്ടെ​ന്നും അ​തി​നാ​ല്‍ ഉ​ട​മ​യു​ടെ വീ​ട്ടി​ല്‍ റെ​യ്ഡ് ന​ട​ത്ത​ണ​മെ​ന്നും ച​ന്ന​കേ​ശ​വ​ലു പറഞ്ഞു. തു​ട​ര്‍ന്ന് വീ​ട്ടി​ലെ​ത്തി​യ ഇ​യാ​ളും സ​ഹാ​യി​യും ര​ണ്ടു​കോ​ടി രൂ​പ ന​ല്‍കി​യാ​ല്‍ കേ​സു​ക​ള്‍ ഒ​ഴി​വാ​ക്കി​ത്ത​രാ​മെ​ന്ന് ആവശ്യപ്പെടുകയായിരുന്നു.

പക്ഷെ, ഇ​ത്ര​യും തു​ക ത‍െന്‍റ പ​ക്ക​ലി​ല്ലെ​ന്ന് അ​റി​യി​ച്ച ബി​സി​ന​സു​കാ​ര​ന്‍ ത​ല്‍ക്കാ​ലം ആ​റു​ല​ക്ഷം രൂ​പ നൽകിയിരുന്നു. ബാ​ക്കി തു​ക ഹോ​ട്ട​ലി​ല്‍ എ​ത്തി​ക്ക​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും സം​ശ​യം തോ​ന്നി​യ ബി​സി​ന​സു​കാ​ര​ന്‍ സി.​ബി.​ഐ ഉ​ദ്യോ​ഗ​സ്ഥ​രെ വി​വ​രം അറിയിച്ചത്. തു​ട​ര്‍​ന്ന് പ​ണം വാ​ങ്ങാ​ന്‍ ച​ന്ന​കേ​ശ​വ​ലു​വും സ​ഹാ​യി​യും എ​ത്തി​യ​തോ​ടെ സി.​ബി.​ഐ ഉ​ദ്യോ​ഗ​സ്ഥ​ര്‍ ഇ​വ​രെ അറസ്റ്റ് ചെയ്യുകയായിരുന്നു.