കാര്ഷിക നിയമങ്ങള്ക്കെതിരായ കര്ഷക പ്രക്ഷോഭം എണ്പത്തിയഞ്ചാം ദിവസത്തിലേക്ക്... കര്ഷക സംഘടനകളുടെ രാജ്യവ്യാപക ട്രെയിന് തടയല് സമരം ഇന്ന് ....
കര്ഷക സംഘടനകളുടെ രാജ്യവ്യാപക ട്രെയിന് തടയല് സമരം ഇന്ന് നടക്കും. കാര്ഷിക നിയമങ്ങള്ക്കെതിരായ കര്ഷക പ്രക്ഷോഭം എണ്പത്തിയഞ്ചാം ദിവസത്തിലേക്ക് കടക്കുന്നതിന്റെ ഭാഗമായാണ് ട്രെയിന് തടയല് സമരം.
ഉച്ചയ്ക്ക് പന്ത്രണ്ട് മണി മുതല് വൈകുന്നേരം നാല് വരെയാണ് സമരം നടത്തുക. പഞ്ചാബ്, ഹരിയാന, യു പി, രാജസ്ഥാന് സംസ്ഥാനങ്ങളില് കര്ഷകര് വ്യാപകമായി ട്രെയിന് തടയും. കേരളത്തെ സമരത്തില് നിന്ന് ഒഴിവാക്കിയിട്ടുണ്ട്. സമരം സമാധാനപരമായിരിക്കുമെന്ന് കര്ഷക നേതാക്കള് അറിയിച്ചു.
കര്ഷകരുടെ പ്രതിഷേധം കണക്കിലെടുത്ത് റെയില്വേ സര്വീസുകള് വെട്ടിച്ചുരുക്കിയിട്ടുണ്ട്. ട്രെയിന് തടയല് സമരത്തിന്റെ പശ്ചാത്തലത്തില് ഉത്തരേന്ത്യന് സംസ്ഥാനങ്ങളില് പൊലീസ് ജാഗ്രത ശക്തമാക്കി. അതേസമയം, ഡല്ഹി ചെങ്കോട്ട സംഘര്ഷവുമായി ബന്ധപ്പെട്ട് അറസ്റ്റിലായ പരിസ്ഥിതി പ്രവര്ത്തക ദിശ രവിയെ ഇന്ന് കോടതിയില് ഹാജരാക്കും.
ദിശ രവിയുടെ അഞ്ച് ദിവസത്തെ പൊലീസ് കസ്റ്റഡി ഇന്ന് അവസാനിക്കുകയാണ്. അഭിഭാഷകരുമായി കൂടിക്കാഴ്ച നടത്താന് ദിശ രവിയെ കോടതി അനുവദിച്ചിരുന്നു. കൂടുതല് ചോദ്യം ചെയ്യാനുണ്ടെന്ന് പൊലീസ് കോടതിയെ അറിയിക്കും.
"
https://www.facebook.com/Malayalivartha
