മധ്യപ്രദേശിലെ ഹോഷംഗാബാദ് എന്ന സ്ഥലത്തിന്റെ പേര് മാറ്റി. പകരം നര്‍മദാപുരം എന്ന പേരില്‍ അറിയപ്പെടും. മുഖ്യമന്ത്രി ശിവ്രാജ് സിംഗ് ചൗഹാനാണ് ഇക്കാര്യം പ്രഖ്യാപിച്ചത്.

നര്‍മദ ജയന്തി പരിപാടിയോടനുബന്ധിച്ച് ചടങ്ങിനിടെയാണ് അദ്ദേഹം ഹോഷംഗാബാദിന്റെ പേര് മാറ്റിയതായി പ്രഖ്യാപിച്ചത്. ഇത് സംബന്ധിച്ച് കേന്ദ്ര സര്‍ക്കാരിന് പ്രൊപ്പോസല്‍ നല്‍കുമെന്നും മുഖ്യമന്ത്രി പറഞ്ഞു.

പേര് മാറ്റിയതില്‍ സന്തോഷം പങ്കുവച്ച് പ്രോ ടേം സ്പീക്കര്‍ രാമേശ്വര്‍ ശര്‍മയും രംഗത്തെത്തി. ഇതൊരു ചരിത്ര മുഹൂര്‍ത്തമാണ്.

പ്രദേശം ആക്രമിച്ച ഹോഷാംഗ് ഷാ എന്ന അക്രമകാരിയില്‍ നിന്ന് മാ നര്‍മദയുടെ പേരില്‍ നഗരത്തെ നാമകിരണം ചെയ്തതില്‍ സന്തോഷമുണ്ടെന്ന് രാമേശ്വര്‍ ശര്‍മ പറഞ്ഞു.