യഥാര്‍ഥ പുലിമുരുകന്‍ ഇവിടെയുണ്ട്. പുലി മുരുകനല്ല പുലി നന്ദനാണെന്ന് മാത്രം. മലയാളിപ്രേക്ഷകര്‍ ഏറ്റെടുത്ത പുലി മുരുകനില്‍ മോഹന്‍ലാലിന്റെ കുട്ടിക്കാല കഥാപാത്രം അവതരിപ്പിക്കുന്ന പുലി മുരുകന്റെ ആക്ഷനുകളെ വെല്ലുന്ന യഥാര്‍ഥ ജീവിത അനുഭവമാണ് രാജ്യം കണ്ടത്.

അപ്രതീക്ഷിതമായുണ്ടായ പുള്ളിപ്പുലിയുടെ ആക്രമണത്തില്‍ നിന്ന് തലനാരിഴയ്ക്ക് രക്ഷപ്പെട്ട് വിസ്മയിച്ച 12 വയസ്സുകാരന്‍ നന്ദനെ ഏറ്റെടുത്തിരിക്കുകയാണ് രാജ്യം. തന്റെ മനോധൈര്യം ഒന്നുകൊണ്ട് മാത്രമാണ് കുട്ടി രക്ഷപ്പെട്ടത്. തോളില്‍ കടിച്ച പുലിയുടെ കണ്ണില്‍ കൈവിരല്‍ കുത്തിയിറക്കിയാണ് നന്ദന്‍ എന്ന 12 കാരന്‍ അതിസാഹസികമായി രക്ഷപ്പെട്ടത്.

കണ്ണില്‍ വിരല്‍ കുത്തിയിറക്കിയതോടെ വേദന സഹിക്കാതെ പുലി തോളിലെ കടിവിട്ട് കുറ്റിക്കാട്ടിലേക്ക് ഓടി മറയുകയായിരുന്നു. മൈസുരുവിലെ ബീരഗൗഡനഹുണ്ഡി ഗ്രാമത്തിലാണ് ഞായറാഴ്ച രാത്രി പുലിയുടെ ആക്രമണമുണ്ടായത്. പിതാവിന്റെ ഫാം ഹൗസില്‍ കാലികള്‍ക്ക് തീറ്റകൊടുക്കാന്‍ എത്തിയപ്പോഴാണ് നന്ദനെ പുലി ആക്രമിച്ചത്. വൈക്കോലിനുള്ളില്‍ മറഞ്ഞിരുന്ന പുലി നന്ദന് മേലേക്ക് ചാടി വീഴുകയായിരുന്നു. ഉടന്‍ പുലിയുടെ കണ്ണില്‍ കുത്തുകയും ഉറക്കെ നിലവിളിക്കുകയും ചെയ്തതുകൊണ്ട് നന്ദന്‍ രക്ഷപ്പെട്ടു.

തോളില്‍ കടിയേറ്റ നന്ദനെ ഉടന്‍ ആശുപത്രിയിലെത്തിച്ച് വൈദ്യസഹായം ഉറപ്പാക്കി. കുട്ടി അപകടനില തരണം ചെയ്തു. സിതോളില്‍ കടിയേറ്റ നന്ദനെ ഉടന്‍ ആശുപത്രിയിലെത്തിച്ച് വൈദ്യസഹായം ഉറപ്പാക്കി. കുട്ടി അപകടനില തരണം ചെയ്തു.

സിനിമയില്‍ മക്കളെ രക്ഷിക്കാന്‍ പിതാവ്  പുലിക്ക് ഇരയാവുകയായിരുന്നു,, ഇവിടെ യഥാര്‍ഥ ജീവിതത്തില്‍ മകന്‍ പിതാവിനെ  രക്ഷിച്ചുവെന്ന് മാത്രമല്ല സ്വന്തം ജീവിതം തിരിച്ചുപിടിച്ച്   ആ സാഹചര്യത്ത ആത്മവിശ്വാസത്തിലൂടെ നേരിട്ട് ഒരു തലമുറയ്ക്കാകെ  മാതൃകയുമായി .

പുലി ആക്രമിക്കുമ്പോള്‍ പിതാവ് തൊട്ടടുത്ത് ഉണ്ടായിരുന്നെങ്കിലും അദ്ദേഹത്തിന് ഒന്നും ചെയ്യാനായിരുന്നില്ല. അതിന് മുമ്പ് നന്ദന്‍ സ്വയം പ്രതിരോധം തീര്‍ത്തിരുന്നു.