മൂടല് മഞ്ഞ് കാരണം വിമാനങ്ങള് വൈകുന്നു... വിമാനം വൈകിയാല് യാത്രക്കാര്ക്ക് കൃത്യമായ സൗകര്യങ്ങള് ഒരുക്കാന് നിര്ദേശം
മൂടല് മഞ്ഞില് വിമാനങ്ങള് വ്യാപകമായി വൈകുന്നതിനെ തുടര്ന്ന് യാത്രക്കാരുടെ ആശങ്ക പരിഹരിക്കാന് ഡയറക്ടറേറ്റ് ജനറല് ഓഫ് സിവില് ഏവിയേഷന്റെ (ഡിജിസിഎ) ഇടപെടല്. വിമാനം വൈകുന്നതുമായി ബന്ധപ്പെട്ട് സ്റ്റാന്ഡേര്ഡ് ഓപ്പറേറ്റിംഗ് നടപടിക്രമങ്ങള് (എസ്ഒപി) പുറത്തിറക്കി. കൂടാതെ 3 മണിക്കൂറില് കൂടുതല് വൈകുമെന്ന് പ്രതീക്ഷിക്കുന്ന വിമാനങ്ങള് റദ്ദാക്കാമെന്നും വിമാന കമ്പനി പ്രസ്താവിച്ചു. വിമാന യാത്രക്കാരുടെ സംരക്ഷണം ഉറപ്പാക്കാന് വ്യോമയാന ബോഡി എയര്ലൈനുകളോട് ആവശ്യപ്പെട്ടിട്ടുണ്ട്.
മാര്ഗ നിര്ദേശങ്ങള് പുറത്തിറക്കുമെന്ന് നേരത്തെ കേന്ദ്ര വ്യോമയാന മന്ത്രി അറിയിച്ചിരുന്നു. ഇതിന് പിന്നാലെയാണ് ഡിജിസിഎ, എസ്ഒപി പുറത്തിറക്കിയത്. വിമാനം വൈകിയാല് യാത്രക്കാര്ക്ക് കൃത്യമായ സൗകര്യങ്ങള് ഒരുക്കാനും നിര്ദേശം നല്കിയിട്ടുണ്ട്. എല്ലാ എയര്ലൈനുകളും സിഎആറില് പറഞ്ഞിരിക്കുന്ന വ്യവസ്ഥകള് കര്ശനമായി പാലിക്കേണ്ടത് നിര്ബന്ധമാണ്. മൂടല്മഞ്ഞും പ്രതികൂല കാലാവസ്ഥയും, പ്രത്യേകിച്ച് ഡല്ഹി എയര്പോര്ട്ട് പോലുള്ള വിമാനത്താവളങ്ങളില്, വിമാനങ്ങളുടെ കാലതാമസം, റദ്ദാക്കല്, യാത്രക്കാരുടെ അസൗകര്യങ്ങള് എന്നിവ മൂലമുണ്ടായ സമീപകാല തടസ്സങ്ങള്ക്ക് മറുപടിയായാണ് ഡിജിസിഎ എസ്ഒപികള് നല്കിയത്.
https://www.facebook.com/Malayalivartha
