പശ്ചിമബംഗാളില് വേണ്ടി വന്നാല് എല്ലാ സീറ്റുകളിലും ഒറ്റക്ക് മത്സരിക്കും.... ബംഗാളില് കോണ്ഗ്രസിന് മുന്നറിയിപ്പുമായി മമത ബാനര്ജി
പശ്ചിമബംഗാളില് വേണ്ടി വന്നാല് എല്ലാ സീറ്റുകളിലും ഒറ്റക്ക് മത്സരിക്കും.... ബംഗാളില് കോണ്ഗ്രസിന് മുന്നറിയിപ്പുമായി മമത ബാനര്ജി
ടിഎംസി നേതാക്കളുമായുള്ള കൂടിക്കാഴ്ചയിലാണ് മമതയുടെ പ്രഖ്യാപനം. മികച്ച പ്രാധാന്യം നല്കിയില്ലെങ്കില് സംസ്ഥാനത്തെ 42 ലോക്സഭാ സീറ്റുകളിലും സ്വതന്ത്രമായി മത്സരിക്കാന് പാര്ട്ടി തയ്യാറാണെന്നാണ് പശ്ചിമ ബംഗാള് മുഖ്യമന്ത്രിയുടെ പ്രഖ്യാപനം.
കോണ്ഗ്രസ് ബംഗാളില് ടിഎംസിയുമായി സഹകരണത്തിന് ഇനിയും തയ്യാറാകാത്ത സാഹചര്യത്തിലാണ് മമതയുടെ പരാമര്ശമുണ്ടായത്. നിലവില് അധിര് രഞ്ജന് ചൗധരിയുടേത് ഉള്പ്പെടെയുള്ള രണ്ട് ലോക്സഭ സീറ്റുകള് കോണ്ഗ്രസിന്റെതാണ്.
പാര്ട്ടിയുടെ മുര്ഷിദാബാദ് ജില്ലാ ഘടകത്തിന്റെ സംഘടനാ യോഗത്തിലാണ് പാര്ട്ടി അധ്യക്ഷ കൂടിയായ ബാനര്ജി തന്റെ നിലപാട് അറിയിച്ചത്. ഗണ്യമായ ന്യൂനപക്ഷ ജനസംഖ്യയുള്ളതും പരമ്പരാഗതമായി കോണ്ഗ്രസിന്റെ കോട്ടയായി കണക്കാക്കപ്പെടുന്നതുമായ പ്രദേശമാണിത്.
ഈ സീറ്റുകള്പ്പടെ കോണ്ഗ്രസ് ചോദിച്ചിട്ടുമുണ്ട്. ജില്ലയിലെ മൂന്ന് ലോക്സഭാ സീറ്റുകളിലും ടിഎംസിയുടെ വിജയത്തിന്റെ ആവശ്യകത ഊന്നിപ്പറഞ്ഞ യോഗത്തില് അവര് പാര്ട്ടി നേതാക്കളോട് തിരഞ്ഞെടുപ്പ് പോരാട്ടത്തിന് തയ്യാറാകണമെന്നും അഭ്യര്ത്ഥിച്ചു.
അതേസമയം, കോണ്ഗ്രസ് നേതാവ് രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്ര എട്ടാം ദിവസത്തിലേക്ക് കടന്നു. അരുണാചല് പ്രദേശില് നിന്ന് അസ്സമിലേക്ക് തിരികെയെത്തിയ യാത്ര രാജഘട്ട് മുതല് രുപാഹി വരെ നടക്കും. 23ന് ഗുവാഹത്തിയില് യാത്ര നടത്താന് അസം സര്ക്കാര് അനുമതി നല്കുന്നില്ലെന്നാണ് കോണ്ഗ്രസിന്റെ ആരോപണം.
"
https://www.facebook.com/Malayalivartha
