ഭാരത് ജോഡോ ന്യായ് യാത്ര ഇന്ന് അസമിലെ ഗുവാഹത്തിയില്, യുവാക്കളും പൗര സമൂഹവുമായി രാഹുല് ഇന്ന് ഗുവാഹത്തിയില് കൂടിക്കാഴ്ച നടത്തും
ഭാരത് ജോഡോ ന്യായ് യാത്ര ഇന്ന് അസമിലെ ഗുവാഹത്തിയില്.യുവാക്കളും പൗര സമൂഹവുമായി രാഹുല് ഇന്ന് ഗുവാഹത്തിയില് കൂടിക്കാഴ്ച നടത്തും.
ഗോരേമാരിയില് നിന്ന് 36 കിലോമീറ്റര് രാഹുല് പദയാത്ര നടത്തും. കാംരൂപില് വെച്ച് ഉച്ചയ്ക്ക് ഒന്നേകാലിന് രാഹുല് മാധ്യമങ്ങളെ കാണും. പ്രസ് ക്ലബ്ബില് വെച്ചുള്ള വാര്ത്ത സമ്മേളനത്തിന് സര്ക്കാര് അനുമതി നല്കാത്ത സാഹചര്യത്തില് ക്യാമ്പില് വച്ചായിരിക്കും രാഹുല് മാധ്യമങ്ങളെ കാണുക.
ഗുവാഹത്തിയിലെ യാത്രയ്ക്ക് അനുമതി നല്കുന്നില്ലെന്നും കോണ്ഗ്രസ് ആരോപിച്ചിട്ടുണ്ടായിരുന്നു. സംഘര്ഷ സാഹചര്യത്തില് രാഹുലിന്റെ യാത്രയ്ക്ക് കനത്ത സുരക്ഷ ഏര്പ്പെടുത്തിയിട്ടുണ്ട്.
അതേസമയം കാല്നടയായും കാറിലും ബസിലുമായാണ് ഇന്നത്തെ യാത്ര. ഇന്നലെ അസമില് ബട്ടദ്രവ സത്ര സന്ദര്ശനത്തിനെത്തിയ രാഹുല് ഗാന്ധിയെ പൊലീസ് തടഞ്ഞിരുന്നു. രാഹുലിനോടൊപ്പമുണ്ടായിരുന്ന ജയറാം രമേശ് അടക്കമുള്ള കോണ്ഗ്രസ് നേതാക്കളെയും ഉദ്യോഗസ്ഥര് തടഞ്ഞിരുന്നു. ക്ഷേത്ര ദര്ശനത്തില് നിന്ന് തന്നെ തടയാന് എന്ത് തെറ്റാണ് താന് ചെയ്തതെന്ന് രാഹുല് ഉദ്യോഗസ്ഥരോട് ചോദിക്കുകയും ചെയ്തു.
https://www.facebook.com/Malayalivartha
