15 വര്ഷം പഴക്കമുള്ള ഡീസല് വാഹനങ്ങള് നിര്ത്തലാക്കാന് നിയമപരമായി വ്യവസ്ഥയില്ല: കേന്ദ്ര സര്ക്കാര്
മാലിന്യ നിര്ഗമന മാനദണ്ഡങ്ങള് പാലിക്കുന്ന 15 വര്ഷം പഴക്കമുള്ള ഡീസല് വാഹനങ്ങള് നിര്ത്തലാക്കാന് നിയമപരമായി വ്യവസ്ഥയില്ലെന്നു കേന്ദ്ര സര്ക്കാര് ദേശീയ ഹരിത െ്രെടബ്യൂണലിനെ (എന്ജിടി) അറിയിച്ചു. പത്തു വര്ഷം പഴക്കമുള്ള വാഹനങ്ങളുടെ റജിസ്ട്രേഷന് റദ്ദാക്കണമെന്ന ജൂലൈ 18ലെ എന്ജിടി ഉത്തരവ് മോട്ടോര് വാഹന നിയമത്തിലെ വ്യവസ്ഥകള്ക്കു വിരുദ്ധമാണ്. കേന്ദ്ര സര്ക്കാരിനുവേണ്ടി ഘന വ്യവസായ മന്ത്രാലയമാണു നിലപാട് അറിയിച്ചത്.
കേന്ദ്ര സര്ക്കാരിന്റെ നിലപാടില് അടുത്ത മാസം രണ്ടിനു വാദം നടക്കും. ബലം പ്രയോഗിച്ച് ഉത്തരവ് നടപ്പാക്കുന്നത് അനാവശ്യമായ നിയമ നടപടികള് ക്ഷണിച്ചുവരുത്തും. രാജ്യത്തെ കോടതികളുടെ വിലപ്പെട്ട സമയം ഇതിനായി നീക്കിവയ്ക്കേണ്ടി വരും. നിയമം അനുസരിച്ച് പ്രവര്ത്തിക്കുന്ന ജനങ്ങളെ അനാവശ്യമായി ശിക്ഷിക്കുന്നതിനു തുല്യമാണിത്. 15 വര്ഷം പഴക്കമുള്ള വാഹനങ്ങള് നിര്ത്തലാക്കുന്നതിന് 1988ലെ മോട്ടോര് വാഹന നിയമത്തിലോ, 2015ലെ ഇതിന്റെ ഭേദഗതിയിലോ വ്യവസ്ഥയില്ല. വാഹന ഉടമകള് മാലിന്യ നിയന്ത്രണ സര്ട്ടിഫിക്കറ്റ് കൈവശം വയ്ക്കണമെന്ന വ്യവസ്ഥ നിലവിലുണ്ട്. അന്തരീക്ഷ മലിനീകരണത്തിനു കാരണമാകുന്ന വാഹനങ്ങള് നിരത്തുകളില് നിന്ന് ഒഴിവാക്കാന് നിലവിലെ വ്യവസ്ഥകള് പര്യാപ്തമാണെന്നു മന്ത്രാലയം കോടതിയെ അറിയിച്ചു.
നഗരത്തിലെ അന്തരീക്ഷ മലിനീകരണം കുറയ്ക്കുന്നതിന്റെ ഭാഗമായി 10 വര്ഷം പഴക്കമുള്ള വാഹനങ്ങളുടെ റജിസ്ട്രേഷന് റദ്ദാക്കാന് എന്ജിടി സംസ്ഥാന ഗതാഗത വകുപ്പിനു നിര്ദേശം നല്കിയിരുന്നു. കേന്ദ്ര സര്ക്കാര് ഇതിന് എതിരായ നിലപാടാണു സ്വീകരിച്ചത്. ഉത്തരവിനൊപ്പം, മലിനീകരണത്തിനു കാരണമാകാത്ത ഹൈബ്രിഡ്, ഇലക്ട്രിക്കല് വാഹനങ്ങള് പ്രോല്സാഹിപ്പിക്കുന്നതിനു സ്വീകരിച്ച നടപടികള് വിശദീകരിച്ച് സത്യവാങ്മൂലം നല്കാന് എന്ജിടി കേന്ദ്ര സര്ക്കാരിനു നിര്ദേശം നല്കിയിരുന്നു. ഇതിനു മറുപടിയായി നല്കിയ സത്യവാങ്മൂലത്തിലാണു നിരോധനം മോട്ടോര് വാഹന വകുപ്പിലെ വ്യവസ്ഥകളുടെ ലംഘനമാണെന്നു കേന്ദ്ര സര്ക്കാര് അറിയിച്ചത്.
പത്തു വര്ഷം പഴക്കമുള്ള വാഹനങ്ങളുടെ റജിസ്ട്രേഷന് റദ്ദാക്കുന്ന നടപടി ഘട്ടം ഘട്ടമായി നടപ്പാക്കണമെന്നു എന്ജി!ടി പിന്നീട് വിശദീകരിച്ചിരുന്നു. ഇതുപ്രകാരം 15 വര്ഷം പഴക്കമുള്ള വാഹനങ്ങളുടെ റജിസ്ട്രേഷന് ആദ്യ ഘട്ടത്തില് റദ്ദാക്കാനായിരുന്നു നിര്ദേശം. എന്നാല്, മോട്ടോര് വാഹന നിയമത്തിലെ വ്യവസ്ഥ പ്രകാരം പരിശോധന നടത്താതെ വാഹനങ്ങളുടെ റജിസ്ട്രേഷന് റദ്ദാക്കാന് കേന്ദ്രസംസ്ഥാന സര്ക്കാരുകള്ക്കു അധികാരമില്ലെന്നു കേന്ദ്ര സര്ക്കാര് സത്യവാങ്മൂലത്തില് പറയുന്നു. റജിസ്ട്രേഷന് റദ്ദാക്കുന്നതിനു മുന്പ് ഉടമയ്ക്കു സ്വന്തം ഭാഗം വിശദീകരിക്കാന് അവസരം നല്കണം. പരിഹരിക്കാന് കഴിയാത്ത തകരാറുണ്ടെന്നും ഇതു ജനങ്ങള്ക്കു ഭീഷണിയാണെന്നും കണ്ടെത്തിയാല് മാത്രമേ വാഹനം നിരത്തിലിറക്കുന്നതു നിരോധിക്കാന് കഴിയൂവെന്നും കേന്ദ്രസര്ക്കാര് അറിയിച്ചു.
*അന്തരീക്ഷ മലിനീകരണം കുറയ്ക്കുന്നതിനുള്ള നടപടികള്
*നാലു വര്ഷത്തിനകം 60 ലക്ഷം ഇലക്ട്രിക്കല്ഹൈബ്രിഡ് വാഹനങ്ങള്
*ഇതു വഴി 9500 മില്യന് ലീറ്റര് ഇന്ധന ഉപയോഗം കുറയ്ക്കാം (ഏകദേശം 60000 കോടിയുടെ ഇന്ധനം)
*രണ്ടു മില്യന് ടണ് ഹരിതഗൃഹ വാതകങ്ങളുടെ പുറന്തള്ളല് ഒഴിവാകും.
*ഡല്ഹി, കാന്പുര്, ബെംഗളൂരു, മുംബൈ, പുണെ, ചെന്നൈ നഗരങ്ങളില് മലിനീകരണ നിയന്ത്രണത്തിന് പ്രത്യേക ഊന്നല്
*ഹൈബ്രിഡ്, ഇലക്ട്രിക്കല് വാഹനങ്ങള് കുറഞ്ഞ വിലയ്ക്കു ലഭ്യമാക്കും
*ന്യൂഡല്ഹി അന്തരീക്ഷ മലിനീകരണത്തിനു കാരണമാകാത്ത ഹൈബ്രിഡ്, ഇലക്ട്രിക്കല് വാഹനങ്ങള് കുറഞ്ഞ വിലയ്ക്കു ലഭ്യമാക്കുമെന്നു കേന്ദ്ര സര്ക്കാര് ദേശീയ ഹരിത െ്രെടബ്യൂണലിനെ അറിയിച്ചു.
നാലു വര്ഷത്തിനകം ഇത്തരത്തിലുള്ള 60 ലക്ഷം വാഹനങ്ങള് വിറ്റഴിയുമെന്നാണു പ്രതീക്ഷയെന്നു ഘനവ്യവസായ മന്ത്രാലയം സത്യവാങ്മൂലത്തില് അറിയിച്ചു. നിലവില് ഇത്തരം വാഹനങ്ങളുടെ നിര്മാണത്തിന് വന്തുക ചെലവു വരും. അതിനാല് ഉയര്ന്ന വില ഈടാക്കേണ്ടിവരും. എന്നാല്, സബ്സിഡി നല്കി കുറഞ്ഞ നിരക്കില് ഇതു ലഭ്യമാക്കും. ഇതിനായി ഫേംഇന്ത്യ എന്ന പേരില് പ്രത്യേക പദ്ധതി ആവിഷ്കരിച്ചിട്ടുണ്ട്.
https://www.facebook.com/Malayalivartha
