1990 ല്‍ നടത്തിയ മോഷണത്തിൽ പശ്ചാത്താപം തോന്നിയ മോഷ്ടാവായ യുവതി എഴുതിയ ഒരു കത്ത് ഇപ്പോൾ സോഷ്യൽ മീഡിയയിൽ വൈറലാകുകയാണ്. അരുസോണയന്‍ നഗരമായ ടസ്‌കണിലെ ഒരു മെക്‌സിക്കന്‍ റസ്‌റ്റൊറന്റിലാണ് സംഭവം.

28 വർഷങ്ങൾക്കു മുൻപ് ചോരോ കഫെ എന്ന റസ്റ്റൊറന്റില്‍ നിന്നും ജോലിക്കാരി പണം മോഷ്ടിക്കുകയായിരുന്നു. അരിസോണ സര്‍വ്വകലാശാലയില്‍ പഠിക്കുകയും അതിനൊപ്പം വെയിറ്ററസ് ആയി ജോലി ചെയ്യുകയും ചെയ്ത സ്ത്രീയാണ് താനെന്ന് ഇവര്‍ കത്തില്‍ സൂചിപ്പിക്കുന്നു.

ജോലി ചെയ്തിരുന്ന സമയം ഒരു ദിവസം റെസ്‌റ്റൊറന്റില്‍ നിന്നും കുറച്ച്‌ ഡോളറുകള്‍ ഇവര്‍ മോഷ്ടിക്കുകയായിരുന്നു. എന്നാലിതോടെ അവര്‍ അതു തിരുത്തുകയായിരുന്നു. അതേസമയം കത്തില്‍ പേര് നല്‍കിയിട്ടില്ല. നന്ദിപൂര്‍വ്വം ഒരു മുന്‍ ജോലിക്കാരിയെന്ന് പറഞ്ഞുകൊണ്ടാണ് കത്ത് അവതരിപ്പിച്ചിരിക്കുന്നത്.

ഞാന്‍ താങ്കളുടെ സ്ഥാപനത്തിലെ മോശമായ വെയിറ്ററസ് ആയിരുന്നു. കുറച്ച്‌ ഡോളര്‍ മോഷ്ടിച്ചതിനെ തുടര്‍ന്ന് താങ്കള്‍ എന്നെ പുറത്താക്കുകയും ചെയ്തിരുന്നു. 28 വര്‍ഷം കഴിഞ്ഞിരിക്കുന്നു. എങ്കിലും അത് എനിക്കൊരു മനോ വേദനയായി തുടരുകയാണ്. ഞാന്‍ മോഷ്ടിച്ചതിന് മാപ്പു ചോദിക്കുന്നു. എനിക്ക് മാപ്പു നല്‍കണമെന്നും അതിനൊപ്പം 28 വര്‍ഷത്തെ പലിശ അടക്കമുള്ള തുകയും സ്വീകരിക്കണമെന്നും അപേക്ഷിക്കുന്നു എന്നായിരുന്നു ജോലിക്കാരിയുടെ കത്ത്. സംഭവം ഇങ്ങനെയൊക്കെയാണെങ്കിലും സോഷ്യല്‍മീഡിയയില്‍ കത്തിന്റെ ചിത്രം വൈറലാകുകയാണ്.