അരിവാള് ചുറ്റിക നക്ഷത്രം വിദ്വേഷത്തിന്റെ ചിഹ്നം; ബ്രസീലും നിരോധിക്കാന് ഒരുങ്ങുന്നു; നിര്മാണവും വില്പനയും വിതരണവും നടത്തുവര്ക്ക് ജയില് ശിക്ഷ; ബില്ല് അവതരിപ്പിച്ച് ബ്രസീല് പ്രസിഡന്റിന്റെ മകന്
നോര്ത്ത് അമേരിക്കന് ഭൂഖണ്ഡങ്ങളിലെ രാജ്യങ്ങളില് ക്യൂബ ഒഴികെയുള്ള രാജ്യങ്ങള്ക്ക് നേരത്തെ തന്നെ കമ്മ്യൂണിസത്തോട് അത്ര പഥ്യമില്ല. എന്നാല് സൗത്ത് അമേരിക്കന് രാജ്യങ്ങള്ക്ക് അങ്ങനെയായിരുന്നില്ല. കമ്മ്യൂണിസത്തിനേ വേരോട്ടമുള്ള മണ്ണായിരുന്നു ഈ ലാറ്റിന് അമേരിക്കന് രാജ്യങ്ങള്. അര്ജന്റീന, വെനസ്വല, തുടങ്ങി നിരവധി രാജ്യങ്ങളില് കമ്മ്യൂണിസത്തിനാണ് വേരോട്ടമുള്ളത്. എന്നാന് ഇപ്പോള് ലോകത്തില് പലരാജ്യങ്ങളിലും എന്ന പോലെ കമ്മ്യൂണിസത്തെ പടി അടച്ച് പിണ്ഡം വയ്ക്കുകയാണ് ഈ രാജ്യങ്ങളും. ഇതിന്റെ ആദ്യ പടിയായി വേണം ലാറ്റിന് അമേരിക്കയിലെ ഏറ്റവും വലിയ രാജ്യമായ ബ്രസീലിന്റെ പുതിയ നടപടി. ഒരു കാലത്ത് ബ്രസീലിലും കമ്മ്യൂണിസത്തിന് നല്ല വേരോട്ടമുണ്ടായിരുന്നു. എന്നാല് ഇപ്പോള് അരിവാള് ചുറ്റിക നക്ഷത്രം വിദ്വേഷത്തിന്റെ ചിഹ്നമാണെന്നും അതിന്റെ നിര്മാണവും വില്പനയും വിതരണവും നടത്തുന്നവര്ക്ക് ജയില്ശിക്ഷ നല്കണമെന്നും ആവശ്യപ്പെട്ടുകൊണ്ട് ബ്രസീല് പാര്ലമെന്റില് ബില്ല് അവതരിപ്പിക്കപ്പെടുകയാണ്. ഇതോടെ കമ്മ്യൂണിസം നിരോധിച്ച രാജ്യങ്ങളുടെ പട്ടികയില് ബ്രസീലും വരുമെന്ന കാര്യം ഉറപ്പായി. കാരണം ബില്ല് അവതരിപ്പിക്കുന്ന ബ്രസീല് പ്രസിഡന്റിന്റെ മകന് എഡ്വോര്ഡോ ബോള്സോനാരോയാണ് എന്നുള്ളത് തന്നെയാണ്. വളരെ കാര്യമായി തന്നെയാണ് ബ്രസീല് സര്ക്കാര് ഈ ബില്ലിനെ പരിഗണിക്കുക. നാസിസവും കമ്മ്യൂണിസവും സമാനമാണെന്ന് വിലയിരുത്തികൊണ്ടാണ് ബില് അവതരണം.
നാസികളും പിന്നീട് കമ്മ്യൂണിസ്റ്റുകളും പോളണ്ട് അക്രമിച്ചതിന്റെ സ്മരണക്കായിട്ടാണ് ബോള്സോനാരോ ജൂനിയര് ബില് അവതരിപ്പിച്ചത്. 'നാസികളും കമ്മ്യൂണിസ്റ്റുകാരുമാണ് വംശഹത്യ നടത്തിയത്. ഒരു വ്യക്തി കൊല്ലപ്പെടുന്നത് എങ്ങനെ കുറ്റകരമാകുന്നോ അത് പോലെ കണക്കാക്കിയുള്ള ശിക്ഷ ഈ ചിഹ്നങ്ങള്ക്കെതിരെയും വേണം.' അദ്ദേഹം പറഞ്ഞു. ഒമ്പത് മുതല് പതിനഞ്ച് വര്ഷം വരെ തടവ് ശിക്ഷ വേണം. നാസിസത്തിന്റേയും കമ്മ്യൂണിസത്തിന്റെയോ അതുമായി ബന്ധപ്പെട്ട വ്യക്തികളുടെയോ സംഭവങ്ങളുടേയും ആശയങ്ങളുടേയും പേരില് ഏതെങ്കില് പൊതുസ്ഥലങ്ങള്ക്കും സ്ഥാപനങ്ങള്ക്കും പേരുകളുണ്ടെങ്കില് അത് മാറ്റണമെന്നും ബോള്സോനാരോ ജൂനിയര് അവതരിപ്പിച്ച ബില്ലില് പറയുന്നു.
ബോള്സോനാരോ ജൂനിയര് നേരത്തെ നടത്തിയ കമ്മ്യൂണിസ്റ്റ് വിരുദ്ധ പ്രസ്താവനയെ തുടര്ന്ന് ബ്രസീലും ചൈനയും തമ്മില് നയതന്ത്ര പ്രശ്നങ്ങളുണ്ടായിരുന്നു. അദ്ദേഹത്തിന്റെ പിതാവും പ്രസിഡന്റുമായ ജെയര് ബോള്സോനാരോയും കടുത്ത കമ്മ്യൂണിസ്റ്റ് വിരുദ്ധനാണ്. ബോള്സോനാരോ അധികാരത്തിലേറിയതിന് ശേഷം അയല്രാജ്യങ്ങളായ വെനിസ്വേലയുമായും ക്യൂബയുമായുമുള്ള സംഘര്ഷങ്ങള് വര്ധിച്ചിരുന്നു. നിലവില് അമേരിക്ക, റൊമാനിയ, ജര്മ്മനി, ബള്ഗേറിയ, ക്രൊയേഷ്യ, അല്ബേനിയ, മംഗോളിയ, ഇന്ഡ്യനേഷ്യ, ഇറാന്, മോള്ഡോവ, ഉക്രൈന്, എസ്റ്റോണിയ, ലിത്വാനിയ, ലാത്വിയ, ജോര്ജിയ, ചെക്ക് റിപ്പബ്ലിക്, പോളണ്ട്, ഹംഗറി, അല്ബേനിയ, ദക്ഷിണ കൊറിയ തുടങ്ങിയ രാജ്യങ്ങളില് നിയമപരമായി തന്നെ കമ്മ്യൂണിസവും അതുമായി ബന്ധപ്പെട്ട ചിഹ്നങ്ങളും നിരോധിച്ചിട്ടുണ്ട്. യുറോപ്യന് യുണിയനിലെ മിക്യ രാജ്യങ്ങളും ഈ നിരോധനമുണ്ട്. അതെ സമയം തന്നെ ഇതിനേക്കാള് എത്രയോ ഇരട്ടി രാജ്യങ്ങള് കമ്മ്യൂണിസത്തെ വെറുക്കുന്നുണ്ട്. ചൈന, ഉത്തരകൊറിയ തുടങ്ങിയ വിരളിലെണ്ണാവുന്ന രാജ്യങ്ങളിലാണ് ഇപ്പോള് കമ്മ്യൂണിസത്തിന് സ്വീകാര്യതുയുള്ളു. ഇന്ത്യയിലും കമ്മ്യൂണിസ്റ്റ് പാര്ട്ടികളുടെ പ്രതാപം ഏറെ കുറെ അവസാനിച്ചിട്ടുണ്ട്. ഇനി ആകെ അധികാരത്തിലെ സ്വാധീനം കേരളത്തില് മാത്രമായി ഒതുങ്ങിരിക്കുകയുമാണ്.
https://www.facebook.com/Malayalivartha